حب في ظروف غامضة
رواية حب في ظروف غامضة
الرواية حصرية لمجلة زمردة جميع الحقوق محفوظة
ولا اسمح بالنشر لاى مكان – الكاتبة :- روينه
المقدمة وتعريف الشخصيات:-
روايتى مزيج بين الواقع والخيال ودا هنتعرف عليه من خلال احداث الرواية
كلنا عارفين كويس اوى ان الحب من اهم الحاجات اللى ماحديش فينا يقدر يعيش من غيرها
لازم يكون في حياة كل شخص فينا ناس بتحبه وهو بيحبوهم المهم يكون الحب صافي وصادق وبدون اغراض تشوه
وتعكر مفهومه الحقيقي ودلوقتى هنتعرف على الشخصيات في روايتي ونعرف الاحداث هتدور ازاى .
الشخصيات حسب الظهور
شهد الاسيوطي فتاة جميلة ورقيقة عندها 22 سنه طالبه في كليه الاداب معندهاش اصحاب كتير وهنعرف السبب من خلال الاحداث بس الاهم من كده انها برغم كل الظروف اللي هتمر بيها الا انها عندها امل كبير يكون بكرا احسن وثقتها بالله ملهاش حدود عندها طموحات كتير ونفسها تحققها
الاب عاطف الاسيوطي رجل اعمال كبير بيتاجر في السيارات وواخد وكالة اكبر شركات يعتبر الحوت في السوق عنده 54 سنه راجل متسلط شخصية حادة وقوية ومحديش يقدر يقف ادامه
الام تهاني عاصم ام لبنت وحيده وهى شهد ست جميلة ورقيقة تحمل ملامحها مزيج من الجمال بوجه حزين ودموع محبوسة عندها 44 سنه مفيش في حياتها اهتمامات كتير والسبب هنعرفه بعدين
ياسمين صديقة شهد المقربه نفس العمر ونفس الكلية بنت موظف غلبان وعلى اد حلهم بنت شقيه وجميلة وبتعرف تخرج شهد من اى ازمه علشان كده هى الاقرب لشهد
هدى هى كمان صديقة شهد معاهم في الكلية ابوها متوفي وعايشة مع امها واخوها الصغير بنت بسيطة وكل طموحها تتخرج وتشتغل علشان تخفف على امها شوية من التعب والمجهود
آسر صفوت محامي عاطق الاسيوطي شاب عمره حوالي 29 سنه وسيم جدا طويل وجسمه رياضي وشيك جدا لبق وشاطر جدا في شغله برغم سنه ووهو دراع عاطف الاسيوطي اليمين ميقدريش يعمل حاجة من غيره
الداده فردوس ست طيبة جدا وحنونه وهى اللى مربيه شهد عايشه معاهم في الفيلا
عم محسن السواق راجل طيب وغلبان بس مشكلته انه سلبي جدا بينفذ كل اوامر البيه من غير تفكير حتى لو قالو ارمي نفسك في النيل هيرمي
صافي وهى سكرتيرة عاطف الاسيوطي وهنا نقف شويتين تلاته كده استراحه ياجماعه ههههههههه يعني الدلع والنحنحه كلها صاروخ من الاخر ايوا زى ما بقولكم كدا هههههههههههه وهى الركن الحلو لعاطف الاسيوطي متجوزها عرفي ومحديش يعرف طبعا غير كاتم اسراره آسر وصديقه فرج الابياري وهى بتقدر تاخد اى شئ منه والوحيدة اللي مش بيقدر يرفضلها طلب
فرج الابياري رجل اعمال كبير بيشتغل في اي حاجة تجيب فلوس اى حاجة اى حاجة اه اى حاجة اى حاجة ههههههههههههه صديق عاطف الاسيوطي الوحيد وكاتم اسراره صديق عمره يعني
سليم فرج الابياري شاب مكملش تعليمه وفاشل في دراسته وشغال مع ابوه في كل حاجة حتى لو شمال وبيشرب مخدرات من الاخر شاب منحرف فلوس ونفوذ عايش حياته بالطول والعرض واللي بيشاور عليه بيجلو حتى لو كانت شهد
محمد وصالح الحراس الشخصيين لعاطف الاسيوطي
هي المقدمة طولت كده ليه هههههههههههه يلا معلشي بس حبيت تتعرفوا على الشخصيات علشان نبداء في الاحداث
واحنا فاهمين كل واحد فيهم يلا اشوفكم مع اول فصل عايزا تفاعل حلو كدا يجودعان علشان منزلعش مع بعض من اولها
الرواية احدثها حماس وانا عايزا اتحمس
جميع الحلقات
- حب في ظروف غامضة الحلقه الاولي
- حب في ظروف غامضة الحلقه الثانية
- حب في ظروف غامضة الحلقه الثالثة
- حب في ظروف غامضة الحلقه الرابعة
- حب في ظروف غامضة الحلقه الخامسة
- حب في ظروف غامضة الحلقه السادسة
- حب في ظروف غامضة الحلقه السابعة
- حب في ظروف غامضة الحلقه الثامنه
- حب في ظروف غامضة الحلقه التاسعة
- حب في ظروف غامضة الحلقه العاشرة