حب في ظروف غامضة الحلقه الرابعة

طبعا شهد استغربت من آسر خصوصا انه اول مرة يلمح او يتكلم اصلا ورد فعلها كان طبيعي مفيش ولا كلمة نظراتها كانت ممزوجه بالفرح والحزن وخيبة الامل لانها المفروض هتتجوز سليم بامر ابوها طيب والعمل ياتري هتستلم للواقع المرير ولا لآ وهل آسر هيسبها تتجوز سليم ولا يدافع عن حبه وآسر غامر بوظيفته عند عاطف وغامر بحياته اصلا وهرب شهد اخدها وهرب وقفل المخزن عادي وهما ماشيين مش عارفين رايحين على فين ولا ايه اللى ممكن يحصلهم لما عاطف يعرف شهد طول الطريق وهما في العربيه كانت بتبص لاسر بصات سعاده انه هينقذها من حياة بائسة ومستقبل مظلم مع شخص فاشل وقرر اسر يوديها عند احد اقاربه في اسماعليه ويخليها كام يوم لغايه ما يشوف هيعمل ايه وطبعا يرجع بسرعه قبل ما عاطف يكتشف هروب شهد

وفجاءة وهما ماشيين بالعربية عربية طاردتهم بس المرة دى العربية وقفتهم واخدو شهد بعد ما ضربو اسر ضرب ادى الا فقده وعيه ياتري مين الناس دي وليه بيعملو كده هقولكم من سنين طويلة بعد جواز تهاني بشهور اتعرفت على واحد عن طريق الفيس بوك والشخص ده اعطاها الحنان والحب والاهتمام اللي عاطف كان مانعه عنها لانه ببساطه راجل عملي جدا واصلا ماتجوزيش تهاني عن حب اتجوزها علشان من عيلة كبيرة وفي يوم الشخص اللي اتعرفت عليه طلب يقابلها ورفضت كتير لغايه ما جيه وقت ووافقت وفي يوم كان فرج مسافر في شغل يقابل ناس مهمه تبع شغله وكان هيقعد حوالي اسبوع راحت تهاني شقة الشخص دا علشان خافت تقابله في مكان عام وحد يشوفها

وللاسف الشديد حصل اللي حصل بينهم ودا نتج عنه انها حملت في شهد وفضلت مش عارفه تحدد هل دا ابن عاطف ولا ابن الشخص دا خصوصا ان عاطف غاب اسبوع فقط ومرت الايام وولدت وهي بتولد في المستشفي طلبت من الممرضة تحليل حمض ناووي (DNA) بس تجيب النتيجه من غير ماحد يعرف واعطيتها مبلغ 2000 جنيه وطبعا الممرضة شافت المبلغ ومصدقيتش روحها وراحت عملت التحليل وجابتلها النتيجه وكانت الصدمه هنا …

عرفت ان الطفلة اللى اتولدت مش بنت عاطف خافت تتكلم وتقول اي شئ وقطعت علاقتها بالراجل دا بعد ما ولدت شهد علطول خافت يعرف ويفضحها او يطلب ياخد بنته منها والراجل دا سافر اليونان في شغل وفضل سنين طويلة حوالي 16 سنه متغرب ومايعرفش حاجة عنها ولا يعرف ان عنده بنت اسمها شهد ويشاء القدر ان الراجل يرجع مصر ويحاول يتصل بيها وطبعا تهاني عادت بالذكريات الجميلة اللى عاشتها معاه من مشاعر واحاسيس مفتقدها من عاطف طوال السنين اللي فاتت دى

ورجعت بالذاكرة ان الشخص دا ابو بنتها الوحيدة فضلت تفكر هل تروح تقابله طيب لو عاطف عرف هيقتلها وعاطف لو عرف انه اصلا مش بيخلف وعمره ما خلف من قبل الحاسد وهو عنده عقم وهي خلت الدكتور يخبي عليه ويقوله انه فقد القدرة على الانجاب ودا علشان تخبي ان شهد مش بنته وطول السنين دى كان فاكر ان الحادثة اللى حصلتله هى السبب المهم تهاني وشريط سينمائى بيعدي ادامها بالسنين اللي فاتت دى كلها وقررت انها تقابله وبدون وعي للي ممكن يحصل قابلته في شقته القديمه وللاسف في وسط الكلام معاها عرف ان عندها بنت وحيده واسمها شهد والكارثة لما عرف تاريخ ميلادها

حس علطول ان البنت دى ممكن تكون بنته خصوص انها مخلفيتش غيرها زى مابتقول وطبعا باسلوبه الناعم وكلامه المعسول سالها البنت دي بنت مين ؟ تهاني اتفجاء من السؤال واستغربت وارتبكت وهنا فهم علطول ان البنت بنته مش بنت عاطف طيب ازاى هيتاكد وازاى هيطالب ببنته الوحيد وهى بنت حرام ورد فعل بنته لما تعرف ان عاطف مش ابوها وانا بنت حرام كل دى اسئلة بدور في دماغ الشخص دا اللى هو اسمه فايز

ومن هنا فكر ان يخلي رجلته يخطفوها ويشرحلها كل شئ بطريقته وفعلا قدر يخطفها بعد ما الراجل بتوعوا  ضربوا آسر لغاية ما اغمي عليه وخطفوها وفي الطريقة شمموها منديل مخدر علشان تنام وماتعملش اي قلق اثناء مرورهم امام اللجان ياتري شهد لما هتفوق هتعمل ايه وايه رد فعلها خبطتين في الراس والاتنين في يوم واحد حياة شهد بتتقلب من فوق لتحت كل شئ في حياتها ادمر والدنيا اتكعبلت معاها على الاخر هل ايه رد فعلها لما تعرف ان فايز دا ابوها وان عاطف مجرد زوج امها الراجل الجاحد اللي عمرها ماحست انه ابوها من معاملته الجافه

ها توقعه شهد هتفرح ولا تحزن؟! اشوفكم علي خير