حب في ظروف غامضة الحلقه الثانية

بعد مرور 3 ايام وشهد راجعة من الجامعة مع عم محسن السواق عربية كانت بتطارهم بطريقة هسترية وعم محسن كان عمال يتفادها وهو مرعوب وشهد عمالة تصرخ حااااااااااسب ياعم محسن ايه اللي بيحصل دا ومين دول وعاوزين مننا ايه

وفجاءة العربية دى اختفت وروحت شهد وخافت تحكي لباباها اللي حصل دا بس حكيت لامها …………. وكالعادة الام مقدريتش تجكي لعاطف الاسيوطى زوجها الي حصل طول الوقت عاطف الاسيوطي محسس تهاني انها السبب في كل شئ بيحصله مع انها استحملت معاها كتير استحملت ارفه وزعيقه واسلوبه الجاف حتى في مشاعره استحملت نزواته الكتير مع البنات والسيدات كانت علطول تشوف وتسكت خايفة تواجه بس المردة دى اللى حكي عم محسن السواق اتصل بي وقاله

عم محسن : الو ياباشا حصل حاجة غريبة وانا راجع النهاردة بالانسه شهد كان في عربية سودا كبيرة فضلت تقفل علينا وتطاردنا بشكل غريب وبعد كدا اختفت ومشيت بسرعة ورجعنا على البيت

عاطف الاسيوطى: ازاى وماشوفتيش حد منهم

عم محسن : لا باشا ماشوفتيش

عاطف الاسيوطي طيب اقفل انت دلوقتي

وسكت شوية عاطف الاسيوطي وفضل يفكر مين وليه بيعمل كدا ودخل عليه آسر فجأة وقعدو يتكلموا في الشغل ونسي اللى حصل لبنته !

في الفيلا..

دخلت تهانى على شهد اعملى حسابك جايلنا ضيوف على العشا النهاردة

شهد مين دول ياماما وانا من امتى بنزل على العشا لما يكون في ضيوف

تهانى لا بابا مصمم انك تكونى موجودة النهاردة علشان اونكل فرج وابنه سليم جايين يشوفوكى

شهد باستغراب يشوفونى انا !!! اشمعنى بقا عموما يا ماما انا هنام دلوقتى وهصحى كمان ساعتين واحضر نفسي

تهانى يادادة اعملي حساب شخصين زيادة على العشا وزودى الاصناف

الداده من عنيا يامدام حاضر

في الشركة

عاطف : صافي تعالي بسرعة عايزك

صافي :خير ياحبيبي مالك

عاطف : مفيش بس فرج عايز ياخد شهد بنتي لابنه سليم

صافي: وايه المشكلة مايتجوزها على الاقل ابنه عمره ماهيطمع في فلوسك لانهم مش محتاجين بدل مابنتك تتعرفلك على واد في الجامعة معاها وياكل بعقلها حلاوة وساعتها مش هتقدر تعمل حاجة

عاطف معاكي حق ياحبيبت قلبي مش عارف من غيرك كنت عملت ايه ولحظات من الرومانسية والاحضان صافي بتقدر تسيطر عليه وتخلي يغير تفكيره بتقدر ازاى تخلي يوافق على حاجات هوا رافضها

صافي برغم انها مراته عرفي وبتدعي حبه وعشق ودا كدب هي بتحب فلوسه ونفوذه مش اكتر الا انها بتحب آسر المحامي بتاعه وهتموت وتعمل معاها علاقة بس هو رافض علشان دا هياذى في شغله مع عاطف لو عرف

آسر شاب عقلاني جدا وبيحسب كل شئ قبل مايعملوا ودا يمكن يكون من اسباب نجاحه في شغله وانه قادر يكسب ثقة عاطف الاسيوطي جدا

في الفيلا

شهد صحيت من النوم وراحت لمامتها ماما عايزا اسالك ليه بابا مصمم اكون معاكو على العشا مش غريبة دي وايه اللي جايب سليم دا عندنا انا مش بستلطفه خالص ومابيزليش من زور سبحان الله واد واخد في نفسه قلم بزيادة وغير كدا وكدا تحسي مش مؤدب ياماما خالص وكفاية انه فاشل في كل حاجة يلا ملناش دعوة المهم هروح احضر نفسي يامامتى احبيبتي

تهاني عارفة والله ياقلب ماما بس هنعمل ايه ابوكى علطول هو اللي بيفكر وهو اللي بينفذ طول الوقت محسسنا اننا ملناش وجود عنده مش شايفنا ولا سامعنا

وجه ميعاد العشا وحضر فرج الابياري وابنه سليم وكان في استقبالهم عاطف وتهاني وشهد

سلموا عليهم ودخلوا شربوا حاجة لغايه ما العشا يجهز على السفرة ولحظات والعشا جهز وقاموا اتعشوا وهما يتعشوا سليم منزلش عينه من عليها البنت امورة ورقيقه وشيك وفوق دا كله مثقفة ومن عيلة خلصوا العشا وقاموا وفرج الابيارى سال شهد ايه رايك ياشهد في سليم ابنى؟

شهد اتفجاءت من السؤال وظهر دا على وشها وبارتباك شديد من ناحية ايه يا اونكل مش فاهمة حضرتك

ياترى ايه ردت فعل شهد لما تعرف ان سليم الفاشل دا عاوز يتجوزها هنشوف دا الفصل الجاي اشوفكم علي خير