حب انقذ حياتي

#حب_انقذ_حياتي
الحلقه 10+9 والاخيره
الكـاتبه شـهد الحضـيري
__________
ناضت هبه الصبح دوشت وقعدت تبكي كانها ف حد ميت عندهموبعدين مشت للميك اب ارتست وزين كانو ديرله جو
عزو+الشباب(ياريتني نحول وانتي زينننه ايييييييه ياريتني نحول وانتي زينننننه اييييييييه ياليل برا برا ينهار تعالا تعالا ياليل برا برا يانهار تعالا تعالا كله من باتي واعياللللله
الشباب+ يزن+عزو(حبيبييييي اليوممممم خدددديييييييته ايييييييييه حبيبيييي اليومم خديتتتتته وياطززززز فالمقهورررر ياطززز فالمقهور ووووووووه حي حي حي ها ها ها
عزو+الشباب(عزيزززز غرقق وتحقي فييييييه ياتحقي فيييه كانك عواممممه جيبيهه
باقي الشباب/ووووووه
____________
جا اليل و وقت الزفه
عزو والشباب فالطريق مولعين(هب هب هوبلاا نويت نلبسلك دبلهه)
خشت هبه للصاله وكانت لبسه ڤيلو ملكى راقيييي ويجننن وكل شي فالصالة بالذهبي حتي التزيين وهكي كله بالذهبي والصحون وكل شي
خشت بشويه بشويه ع ايات(الف الصلاة عليك يارسول الله محمدد رورورورويي
قمعزت ع الكوشه
وبدو النساوين يسلمو عليها
_________
زين ف الصالة قدام لمرايه وكان يجنننن ياوديي عشششل لابس بدله سوده وسوده وقميص ابيض وعطره يلي يجنن ولحيته محدده انيقق وراقي رزيين هلباا قالت البنت تاعت الصالة (الرجاء من كل النساء الموجدين فالصالة يرتدون الحجاب)عرفن انه العريس يبي يدخل
لبسن كلهن الحجاب
وهبه قلبها يدقق وخايفه ومتوتره صبنها رؤايه ونيهال من الكوشه وقعدت واقفه
خش زين وشاد الباقة تاعت هبه زيوني العيون عليه كلهم يبن يموتن
خش ع اغنية (اليلة عرسي اليلة عرسي وعروستي تزين فالكرسي)وبدا يدير ف حركات للهبه ويلي موجدين فالصاله يبو يموتو ع حركاته وابتسامته يلي تجلط
وصل للهبه عطاها الباقه ورفع الطرحه وباس يديها وجبينها
قمعز زين وقمعز هبه ع الكوشه ويبتسم وفرحاااان بس شخصيته ناررر ورغم انه يبتسم اهل زين خايفات منهزين/تجنني
هبه متحشمه/يسلمو
زين/مفيش هروب اليوم
هبه/زييين
زين/سلمها ياربي يلي متحشمه
قعدو شويه وقطعو القاتو وبدو يسلمو ع سمره خالاته
سمره/زين دير بالك منها
زين/في عيوني هبه ياام
الين بنت خالة هبه توشو ف هبه/ديري بالك ع روحك ولما اتم امورك كلميني
هبه/تمام شن طالعه حلوه
الين/تجننيي يافرخه الكل بياكلك بعيونه
طلعت هبه وزين وطول الطريق حاط يده ع يد هبه ويبوس فيها واغانيي حبب ورمانسية
اما رؤايه بكا الانه اختها يلي متعوده ترقد معاها مش قاعده جنبها
__________
عزو/ااااه ياودي وزين تزوج وخلاني وووووه عليا
يزن/اييييييييه وقعدت عانزز ياحسرتك يايزن
عزو ميت بضحك/ههههههههعانز مره وحده
يزن/انت خاطب وعرسك قريب و زين تزوج ويزن عااانززز لاكن عادي نتزوج شهد
شهد الحضيري/لالالا شكرااا
يزن/خزووو
عزو/
يزن/عايش في عززز عايش في عز اللي مانملا عينه طزززز
شهد+عزو/ووووووه
_________
عند رؤايه وبنات خالاتها
كملو الحوسه وقعدو يهدرزو
__________
عند زين+هبه ياحليلي منهم
وصلو للحوش
زين/هبوش تعالي نوريكي الحوش
هبه متوتره ورغم خوفها حست بالامان مع زين/ حاضر
خشو وشبحت للحوش وبعدين تعشو وبدو يهدرزو ويضحكو لين زين حس انه هبه ارتاحت شويه
زين حاضن هبه من خلف/هبوش لو ماتبيش شي يصير اليوم عادي حياتي
هبه/ااااء لا عادي
زين حط هبه ع السرير وبدا يبوس فيها شويه شويه احم احم خلاص خلوهم ع راحتهم عادوتهنت هبه
_________
تاني يوم
ناضت هبه خشت للحمام دوشت ولابست روب تاني وصلت و دارت ميك اب وعطر قوي ويجنن
ورقدت جنب زين وبدت تنابش فيه وتبوس فيه رغم جاهمته بس كان زي البيبي وهوا راقد رموشه وشعره يجنن لين ناض زين
زين/تنابشي مه
هبه/هيك شي
زين حط هبه تحته/ويعني
هبه حاطه يدها ع خد زين بدلع/عشل حبيبى
زين بدا يبوس فيها ودارو العيب
بعد مرور 4 ساعات
لبس زين الزبون وكان يجنن تبخر فيه هبه
وهبه لابسه فستان يلي جابه لها زين هديه وشعرها ع جنب وميك اب خفيف وروج عنبي عاكس ع لون الفستانطالعين الزوز ع بعض يجننو

مشت لل هله دارو محضر وكان يجنن
وتم المحضر وروحت هبه تسلح ف الاكسسوارت
حضنها زين من خلف وباس رقبتها
حطت هبه يدها ع يد زين
زين بصوت رجولي/حياتيي
هبه/عيونها
زين/جهزي لحوايج نمشو شهر عسل للباريس حجزت تذكرتين ياقلبي
هبه فرحانه/ياحليلي ني
وبدو فالبوسات ودارو العيب

______
ناضو الصبح ومشو للحوش هل زين و ودعوهم
ومشو لل هل هبه
ودعوهم وكان موعد الطياره سافرو
__________
بعد مرور 3 شهور
خش زين للحوش لقه كله شموع و ورد احمر وقاتو وهديه صعنونه فتحها
لقي فيها سبيدرو للبيبي صغير ومكتوب(مزال7شهور ونجيك يابابا وناخد ماما منك
دمعو عيون زين التفت لقي هبه
زين/يعني حامل
هبه/اي حامل
زين حط يديه ع شعره ومشاه للخلف/ياحليلي حامل حامل وح نبقاء اب ووووووه حاملل وحضن هبه وبدا يدور بيها
زين/اااا معدش تمسي شي اني نجيبلك شغله تخدمك ماتحركيش شي و مش كويسه عليك الحركه وشد هبه وحطها ع السرير و وخلفها مخده معدش تتحركي
هبه/اششش حاضر حببيبي زين حط يده ع بطن هبه /انحبكم
ورقدت هبه طولل الوقت في حضن زين

_________
بعد مرور 7 شهور وكانت هبه ف شهرها وف نفس الوقت كان فرح رؤايه
طبعا عزو دار العااررر
وتم فرح رؤايه روحت هبه فالسياره
_____
هبه/ااااه ووووه
زين/خيرك حبيبتي
هبه/بطنييييي بطنييي وووووه ااااااااااااه
زين اتجه للمشفي ع طول وحط يده ع يد هبه ويقوللها شهيق وزفيرر
وصلت هبه للمشفي دخلوها ع طول للغرفة العمليات
زين/ياربببب ياربببب
اشتمعو الكل فالمشفي ماعاده رؤايه وعزو ماعندهمش علم مايبوش يخربو ليلتهم
بعد مرور ساعتين
طلعت الدكتوره
الكل/طمنينا
زين/بالله قوليلي خيرها هبه والبيبي خيره شن حالتهم
الدكتوره ابتسمت/الف مبروك بنوته زي القمر 
الكل/الحمدالله وبدو يباركو لزين
قعدت شويه وطلعوها للغرفتها
زين/الف مبروك ياقلبي علينا بنتنا
هبه بصوت تاااعب/يبارك فيك
_____________
بعد مرور اربع سنوات
الكل مشتمع
هبه/سمرررررره
سمره/ اماما
زين شد سمره لفوق ويبوس فيها/بنيتي اني السمحه
انس ولد رؤايه و عزو اي صح ماقتلكمش رؤايه جابت ولد وسماته انس
انس/ثنو اثمك يامحلا دثمك
رؤايه/عزووووو معدش تعلمه خيرلك
الكل+عزو/

ويزن مازال زي ماهو بس باقي عاقل شويه

#النهاية
*زين كان بدون ام وبسب صدفه تعرف ع ام ملتله حياته هي وبنتها
*سمره كانت تحلم ربي يطعمها بي ولد وفعلا جاها ولد كان راجل وقد كلمتهه وكل صفات الرجوله فيه
*رؤايه رغم خيانة اياد ليها ربي رزقها بي شخص كان يخاف عليها من نسمة الهواء صح تافه بس راجل
*هبه كانت حياتها ح تدمر من الاغتصاب يلي لو زين ماتدخلش في اخر لحظه راه حياتها ادمرت ومن لحظتها دخل زين الحب ع حياتها ويلي هوا#حب_انقذ_حياتي
يزن رغم تفاهته وقت يلي قالو زين مات تمنا الموتت وياما صار وياما دار ف روحه ع خاطر زين يلي كان عصبي معاه ومش بساهل تطلع ضحكته
عزو رغم تفاهته ماعمراش جرب الحب لين دخلت ع حياته رؤايه وجرب الحب

الحب في كل مكان ركزي ح تلقيه
نحبكن
عزو/تحبكن وح نرايفلكم
يزن/حتي نيي