الحاجه/ان شاء الله خير خلي انادي نور.

جت نور والحاجه قعمزو في الصالون بجنب خليفه.

نور/انعم بابا ان شاء الله خير

خليفه/لا هوا خير ان شاء الله خر نبيك اتكلمي اعيال اعمامك كلهم وقوليلهم لازم الكل يحضر توا على العشي. وانتي ياحاجه خوشي ديري مكرونه امسقيه.

نور/وشن تبيهم؟

خليفه/كل شيء في وقته حلو.

نور كلمتهم كلهم وقتلهم شن قال بوها.

الساعه 7:30 خشو كلهم وسلمو ولاقاهم الحاج بصدر رحب.

قعمزو هدرزو وتعشو وبعد العشي الحاج اجمعهم كلهم والحاجه ادير في الشاهي.

خليفه/اني مش قاعد ديمه.

كلهم في صوت واحد ربي يطول في عمرك .

خليفه/معادش اتقاطعوني خلي انكمل اكلامي ونبي قبل مايصيرلي شيء بنجوز الاحفاد و ولدي علي ومافيش ولا واحد حيعترض ?.

اولاد خليفه/بارك الله فيك يابوي.

خليفه/محدش يشكرني اني الي نبيه انديره.

خليفه/من نسبه لولدي جاد لجوري وإياد لجود ?

اعيون جود اتعبو ادموع وكانت تشبح لجاد وهوا يشبحلها .

جاد/اني معارض ياجدي انته هكي ابتضلمنا احني ابنتجوزو مش انته واحني نختارو من نبو ?.

اياد/اني معا اكلام جاد مش معقوله الي اتقول فيه.

خليفه/اني منخدش في رايكم ?وساره لمحمد ?

في الجمله هاذي وقف قلب عبدو من النبض ?

ساره كنت اصلا متعجبه من محمد ! اصلا منعرفاش واني امقرره مش حنتجوز الا على حب ?لكن وكلت امري لربي.

خليفه/عبدو لميسم ?.

ميسم اعيونها مفلوتات.

عبدو/مستحيل الي اتقول فيه.

خليفه/ وعلي لبنت خالتك زينب.

طبعا زينب بنت اخت الحاجه اتجوزت شهر ومات راجلها.

علي /يابوي شن اتقول تحساب روحك اتقسم في قطعت ارض ?تي توزع فينا بمزاجك تي شني هدا اني الحوش امسيبهولك كانك على الرزق لكن الي اتقول فيه مستحيل.

خليفه/تحشم على وجهك وانته اتقول اتكلم في انديدك.

خليفه/وهذا اكلامي الاخير .ونور امتى ايجي نصيبها تتجوز. باش اني انموت مستريح.

(الحاج اخليفه لخبطها في بعضها وربي يستر ??)

الكل الصدمه على وجهه وقريب يبكي لانه مستحيل كلمت خليفه متتطبقش.

ناضوا كلهم بيروحوا وجود كانت شاده روحها اقريب تبكي اتراجي في وصلتها للحوش .

اما الولاد كانت ليهم الصدمه الكبرى كلهم امشوا للنافوره هيا المكان الي يتجمعوا فيه ويحكوا اهمومهم ???.

جود اول مخشت دارها طاحت تبكي وكانه ينبوع وانفجر ??تبكي وتشهق ابكي حار.

اما جوري كانت مش قادره اتكلم اختها وهيا اتشوف فيها تبكي. مش قادره تحضن اختها المكسوره لان هيا كاسرتها كانت حاسه بالذنب انها هيا السبب.

اما عند الشباب:

علي ايدخن/تي هذا بوي إهبل بالرسمي. لا حول ولا قوت الي بالله يبيني نتجوز وحده اكبر مني بعامين وارمله ?.

عبدو وعيونه امدمعات/مفيش يوم في عمري اتوقعت الي صار اليوم .معدش اقدر وطاح على ركابه يبكي ???????

(الراجل صاعب انه يبكي وميبكيش الي لما تبدأ الحاجه غاليه اعليه)

جاد واياد وعلي قاموه وقعمزوه.

اياد/عاد ياراجل شد روحك مش لهدرجه تنحل ان شاء الله.

علي/تبو الحق وله متفرطوش في لي اتحبوه وحتى كان على قطع رقبتكم.

عبدو/اني مشكلتي مش زي الكل اني حرقتي اقوى منكم كلكم.

علي:كنت اقريب نبكي مع عبدو اصلا اني كنت نعرف انه ايحب ساره وهوا يتكلم وقلبي معصور هوا قال جمله خلت قلبي نار(حرقتي اقوى منكم كلكم) تاعرفو علاش اقوى لانها بتولي مرت خوه وحاجه تانيه انه هيا قدامه ومقدرش ياخدها والبعيد هوا الي بياخده ومني خوه.???

??????????????

جاد/اني اصلا بنقولها فقش والي بيصير ايصير اسمع ياعبدو اني انحب جود واني قدامك الي بديره ديره وراني مستحيل نتجوز غيرها ومستحيل انخلي حد يتجوزها .

عبدو كنت في اصعب وقت في حياتي ولما اسمعت جاد انصدمت في الجراءه الي هوا فيها وحسيت بيه وبحرقته اشبحتله وسكتت. لانه هوا وجاد مكنوش فاهمين اني من نبي لكن عمي كان فهمني ??

اياد كنت مصدوم في الي صار واكتر شيء اصدمني خوي اول مره انشوف خوي هكي كان يتكلم بحرقه لكن معا هذا كله هوا ايحب من العيله لكن اني الي حبيتها ومنعرفش اعليها شيء قعدت انقول في نفسي العيله هاذي ليهم من جد الجد يتجوزوا في الاقارب وفي الاخير اني بنجي النغير قانون عمر. لكن لما نذكر روبي بين اعيوني انقرر اني حن نكسر الدنيا كلها مش غر قانون اشيابين.

كلهم روحو مكسورين الخاطر.

جاد حاول يتصل بجود لكن هيا صكرت تلفونها?

في الوقت الي إتجه الكل للشكوه للبشر ساره الوحيده اتجهت بالشكوه لربي روحت و صكرت دارها وصلت وقالت اللهما اني وكلتك امري وانته خير الموكلين .يارب?ان كان به خيرا فجعله من نصيبي وان كان بيه ضاراً فبعد بيني وبينه يارب شوف في وخيني واستمرت في الدعاء وصلت وكيف ابترقد باب دارها طقطق.

طققققققققق

ساره/خش

اياد/اني

ساره/عارفاتك خش.

اياد:اول ماخشيت القيت ساره في بدلت الصلاه امقعمزه على سريرها معدش اقدرت انشد روحي صكرت الباب ومشيت نجري حطيت راسي في حجرها وقعدت نبكي زي الطفل اما ساره كانت اتمسد على راسي وتقرأ اعليا في القران واني معدش اقدرت نوقف من البكي وحرقتي اني راجل وضعيف اصعب من أي شي اما حضن ساره كان دافي زي حضن ماما اصلا اني اكبر منها لكن ديما انحس فيها امي كل منزعل نبكي في حضنها وتقرأ اعليا القرآن لن نرقد .

ساره:اياد حط راسه في حضني ونفجر بالبكي على قد مكان ايجيني مضايق لكن اول مره انشوفه هكي اصلا اني صليت ونراجي فيه ايجي.وهوا يبكي واني نبكي ونقرأ في القران وكنت انراجي في خشت جاد .

جاد:كنت نبي نمشي لساره نبكي ونواسيها امشيت بجنب الباب اسمعت صوت اياد صغرت بيا الدنيا خشيت حطيت راسي على رجلها وايدي قعدت نمسح بيها في دموع اياد واني نبكي بحرقه وصورت جود وهيا تاكل في الفراوله بين اعيوني وزاد ابكاي.

(سبحان الله ديما الخوت يحاولو ايخافافو على بعض ساره كانت حتى هيا قلبها مكسور لكن انست همها وقعدت تمسح في هم خوتها وجاد كان يبكي ويحاول ايخفف على اياد ويمسحله في دموعه.

اما عند محمد كان في البار:

هوا وصحابه الليبين:

رامي/ياولاد محمد بيولي عاقل??

محمد/وعلاش

احمد/خلاص ابتتجوز بتولي عندك امراء.

محمد/تي والله شهر وتكون في ليبيا تي لما اندمها على اليوم الي جت فيه.

رامي/علاش حرام بنت الناس املا اعلاش قلت باهي من لاول?

محمد/باش بوي يرضه ويطلع من راسي وميبداش دايرلي موضوع ?

احمد/باهي علاش هيا شن دخلها البنت.

محمد/محد قاللها اتجي لحد متعرفاش ?لانظلمها لاتظلمني ?.

في الصبح على سفرت الفطور في حوش خالد بعد اطول ليل فات اعليهم.

……………….