عزيز قام تلفونه وتصل بأحمد صاحب محمد ?

احمد/الووو

عزيز/ الوووو حميده .

احمد/عزو شن الجو كيف الحال .

عزيز /الحمد لله شن امورك انته.

احمد/الحمد لله مقعمز مع محمد انهدرزو في الشغل .

عزيز/باهي ربي يعاون سلملي عليه .

احمد/يوصل ان شاء الله.

عزيز/بالله نبيك في موضوع شخصي وبروحك.

احمد وقف بعيد /تفضل اني توا بروحي ان شاء الله خير .

عزيز/خير ان شاء الله نبي نسالك يومها وصلت مرت محمد والحق عجبتني وامي تبي تخطبهالي لكن موضوع الطلاق لخبطني.

احمد قعد يتهته/مممم مش عارف شن النقول الحق لكن منعرفش سبب الطلاق الاساسي لكن يمكن محبتش الغربه وانته برا الحوشها و اسئل بروحك?

عزيز/باهي بارك الله فيك احميده.

احمد/فيك بارك الله.

احمد توتر ومشي ورجع لمكانه .

محمد/مني هذا ؟؟

احمد ملخبط/هذا عزيز يسلم عليك .

محمد/عليك وعليه السلام شن يبي في هل ليل ؟؟وخيرك متوتر?

احمد/اسمع بنقولك شن يبي منكن ميهمكش الموضوع ومنكن ايهمك .

محمد وجعه قلبه/ياساتر ان شاء الله خير قول .

احمد/يسال على مرتك يبي يخطب ويبيها ?

محمد وقف وتعصب وبدي يعيط/تي شن تقول انته كييييييف هكي $$$$&& عطيني رقمه بسرعه?

احمد /تي كيف ياراجل قالي متقولش?وانته طلقتها خلاص فكني منكم .

محمد الخنق احمد ويعيط/تي اعطيني الرقم وصكر فمك .

احمد /تي حول خلاص نقص جو المعيله .

محمد طلقه وقعد يتصل بساره/تي الزفت ردي$$&

________________

اما ساره كان تقراء في قران وقررت معدش ترد على محمد .

اياد خش لساره/سروره شن الجو .

ساره/صدق الله العظيم الحمد لله .

اياد،/كلمتي روبين.

ساره/ايه حالها باهي الحمد لله.

اياد ابتسم/باهي ان شاء الله خير .

اياد/هيا تعالي تعشي .

ساره/حاضر به.

وبعد تعشو وكملو الحوسه رن الجرس?

فتح جاد الباب ولقي ولد واقف استغرب?

عزيز/السلام عليكم.

جاد/وعليكم السلام تفضل مني تبي.

عزيز/الوالد قاعد .

جاد باستغراب/ايه التفضل للصالون .

خش عزيز قعمز في الصالون وخش جاد ناده بوه .

خالد/السلام عليكم.

وقف عزيز وسلم عليه/اهلا وعليكم السلام .

خالد/هه ياوليدي سامحني معرفتكش.

غزيز/ايه صح متعرفنيش وسامحني على الزياره المفاجأة اني عزيز ……………….

خالد/اهلا بيك.

جاد دخل القهوه للصالون .

عزيز/الحق جاي نبي بنتكم ليا واني بنجيب باتي لكن اني استعجلت ولقيت روحي جاي .

خالد توتر?/والله ياولدي شن بنقولك راه بنتي متجوزه قاعده مش مطلقه.

عزيز زي من صب عليه الميه المصقعه /سامحني ياعمي لكن اني وصلتها من المطار للحوش وقالت مطلقه واني شاريها .

خالد/والله الحق البنيه طلعت حامل والحامل متتطلقش لن اتجيب .

عزيز انحرج/سامحني والله مانندريش عليه الموضوع اسف .

خالد/لا ياوليدي انته الي سامحنه والله حتى الراجل قاعد ميندريش ?

عزيز وقف/سامحني ومعرفه طيبه ان شاء الله .

خالد/شرفتنا انته سامحنا وربي يرزقك بخير منها.

روح عزيز وكان متعصب وتصل باحمد .

عزيز بعياط/تي خيرك مقتليش حطيتني في موقف يحشم .

احمد /تي نقص صوتك خيرك .

محمد/تي افتح المايك .

احمد فتح المايك .

عزيز/تي مشيت لبوها قالي البنت مش مطلقه وطلعت حامل تي تمنيت الارض تنشق وتاخدني على الموقف .

محمد قعد مصدوم ومعدش عرف شن يدير .

احمد/تي اقسم بالله ما نعرف سامحني .

عزيز/لا حول ولا قوة الا بالله تي هيا ماشي .

احمد/تصبح على خير .

احمد شبح في محمد الي عيونه المدمعات /شكلك تحبها.

محمد نزلو الدموعه وبكل خشيه قام ايديه/الحمد لله ياربي الحمد لله .

احمد /ههههه واني النقول علاش تبي ليبيا?

محمد/تي بنمشي تو اني??

احمد/ههه وشغل وتاكد قبل .

محمد حط ايده على وجهه /لازم موضوع الصفقه اليتم اليومين هاذو .

احمد/ههه تي مزال شهر .

محمد /اني بنروح وغدوا ساهل .

روح محمد للشقه وقعد يتصل بساره لكن مفيش فايده مقفل الرقد وهو فرحان بيطير بالفرح انه ساره قاعده مرته?

_______________________

عند رضا في الحوش :

رضا/يمه اني نبي بنت موعينه في راسي .

امه/ياسلام من هيا .

رضا/جوري………….. .

امه حطت ايدها على فمها/انهار ابيض ملقيتش الي هديكه لا مفيش راه .

رضا متعصب/تي شن لا يمه اني رايد البنت وشاريها وعلاش لا .

امه/اولا الصغيره ومتنفعش بيك لا تعرف الطيب ولا تفتح حوش .

رضا/يمه متصكرهاش اني نبيها مش نبي شغاله وبعدين كيف عرفتي انها متعرفش .

امه/واني الي عندي قولته .

رضا يكشخ /واني يانخطبها الاسبوع هذا ياما والله معاد التشوفي وجهي.

طلع رضا وقعدت نعيمه تحرك في دمها عليه?

________________________

خليفه/انعم ياولدي.

اياد/جدي ونبي نبيك معاي في موضوع البنت الي نبيها راجلها توفه واني قاعد شاريها ونبيك بعد تكمل عدتها نمشي نخطبها .

خليفه/لا حول ولا قوة الا بالله ان شاء الله ياوليدي توا نفرح فيكم مع بعضكم انته وخوك .

اياد فرح انه جده مقالش لا/بارك الله فيك ياجدي ان شاء الله خير .

خليفه/ههههه وسع بالك ?

اياد انحرج/فيه عشي ولا انروح.

خليفه/لالا فيه .

__________________________

بعد مرور شهر ونص وكان محمد بيهبل يبي يروح واحمد ايراجي في البيبي وجاد يكمل في قرايته وجوري انخطبت.

خليفه/اني نبي انجوزكم مره وحده .

سالم/هههه مني مزال .

خليفه/مزال ابراهيم وعيسى و اميمه والاء وميسم بنتك وعلي وعبدو .

سالم/والله يابوي انته تفكر امليح خلاص املاه تم في المواضيع وربي يسخر الحال❤
___________________