خالد حاط ايده على كتف محمد/تي والله ياراجل اطلع طول السفقه هاذي راه اني ننصحك بيها تي والله تخليك فلوس زي التراب.

محمد حط ايده على راسه/والله ماني عارف .

احمد/الموضوع اطلع طول ميتعوضش.

محمد متلخبط/اني كنت نبي نمشي لليبيا مندقدرش.

خالد/معقوله بالضيع موضوع زي هكي راه كان فاتك المره هاذي انساه معدش تحصل زيه وميبيش هلباا وقت تو تمشي لليبيا.

محمد كان باله مشغول بساره/قصدك كداش يبي .

احمد/جو شهر ونص .

محمد في باله منكن لو ارجعت بعد شهر احسن اقل شيء تسامحني وتنسى/باهي خلاص تمه الموضوع.

(طبعا انسيت انقوللكم انه محمد يتاجر في السيارات يعني يستورد من برا و ويوزع على بلدان وكانت خدمته امليحه وتجيبله في دخل القوي وشريكه صاحبه احمد وخالد داير مشروع لكن بروحه والسفقه الي يحكو عليها كانت استراد سيارات من الصين وكانت فرصه بنسبه للتجار ومش اي واحد ايحصلها)

خالد/تمام خلاص تو نعتمده الموضوع لكن بتشدو في الصحيح الشهر هذا لانه مش ساهل .

احمد/ابعتلي الاوراق الناقصه.

محمد سرحان في ساره وفي عقله علاش مفتحتش تلفونها زعما شن صار معها.

احمد ضرب محمد على كتفه/شني مني حميده مفيش الليله حاجه.

محمد باله مشغول /لالا فوتني اني .

خالد/اووووي غريبه من وين جاتك انته قبل اول واحد.

محمد عقد حواجبه/لالا مخاطريش.

احمد/تي ياراجل في وحده تنسيك همك كله ننصحك بيها.

محمد سبحان الله اللسانه يرفض بروحه/واااااك الزح قتلك منبيش وانته شادها وراي?.

على جيت الجماعه متعهم ومعاهم بنات يحشمو هذاك اللبس الي يرعب.

الولاد/اوووووو شن الجو انتو اهني .

احمد /تمام ايه كيف جينه شن الحلوات هاذو?

خالد/انقنهم ملاح بالاخص اهيا عندها ……………??

جودي تعرف محمد وقبل بايته معاه ليله/HELLO MOHAMMED HOW ARE YOU?

محمد راقيله/ Fine.

عزيز/شن احميده متبيش وحده كلهم راه حاجه صح.

محمد/لالا تو لا .

جاسم/خودو جبتلكم هاذا مليح راه والله مفعوله القوي.

خالد اخدي شيشه وفتحه وبدي يشرب بالقويه/ايه ياولاد صقع راه انحس في روحي في السمي.

كلهم اخدو شيشه وبدو يشربو لعند سكرو وبدو في ……

محمد متكيه عليه بنت اجنبيه وهو ساكر ويبوس فيها.

جاسمين/ baby I like to go up stiarz ??

محمد/ok baby?

رقي فوق محمد والبنت لحجره في البار وكانو ساكرين ………………….. .

والشباب كلهم رقيو فوق معا البنات.

____________________________

خليفه وسالم ورمضان وعبدو امشو فوق لحوش خالد يبو يفهمو الموضوع علاش ساره جايه.

خالد/اهلا التفضلو.

خشو قعمزو ومش عارفين كيف يفتحو الموضوع.

خليفه/كيف حالكم وحال ساره.

خالد/الحمد لله بخير .

كلهم سكتو .

خالد/تشربو قهوه ولا شاهي.

سالم/اني قهوه.

الخليفه/لالا اني مانبي شيء .

عبدو /قهوه.

خالد/باهي تو انقول لساره ادير قهوه.

خالد طق على دار ساره/التفضل.

خالد/بنيتي ونبي بنتعبك نبيك اتجي اديرينا قهوه .

ساره تلبس في لبست الصاله/باهي حاضر.

وخشت ساره الدير في القهوه ودخلتهالهم.

ساره/السلام عليكم .

خليفه وقف وسلم عليها/وعليكم السلام كيف حالك بنيتي شن اخبارك.

ساره حاسه انه جدها ضلمها/الحمد لله .

وقعدت التسلم على اعمامها لعند جي الدور في عبدو جت عينه في عينها وتاكد شك ساره وقعدت متردده من مد يدها لكن عبدو سلم عليها وهو يشبحلها.

عبدو/الحمد لله على السلامه.

ساره منغير نيه/الله يسلمك .

خليفه/قعمزي بنتي معنا استحشناك .

ساره بتسمت ابتسامت كدب وكانت الاسئله في راسها علاش جدي ارضي فيا .

رمضان/كيف حال محمد وينه مش معاك؟؟

ساره وقفت /احني انفصلنا ياعمي ومحمد قال بيجي بعد فتره.

خليفه انصدم/ربي يعوضك خير يابنتي وسامحينا كان ضلمناك .

رمضان/ربي يعوضكم ان شاء الله.

عبدو/ربي يرزقك بخير منه ?

سالم/متزعليش سروره?.

ساره عيونها تعبو دموع لكن اتمالكت نفسها/لالا عادي نصيب .

الحاجه/وانته ياعبدو وين كنت.

عبدو/في مصر .

خشت ساره لدارها وقعدت تبكي حست الي ضلموها هما نفسهم الي يواسو فيها.

_______________________

جود/الوووو

نور/اهلا جود شن الجو .

جود/الحمد لله كيف حالك انتي .

نور/باهي حال الوحم.

جود/هه صار بدي فيك.

نور/ايه كيف خشيت بنرقد خلاص .

جود/ايه متعبيش روحك غر قولت بنقولك راه ساره روحت لليبيا الطلقو .

نور انفجعت/تكددددبي لاحول ولا قوت الا بالله.

احمد بجنب نور/خيرك ان شاء الله خير .

نور تكلم في احمد/تو انقولك الشويه بس.

نور/لكن علاش؟؟؟

جود/متبيش اتقول قالت متفاهمناش .

نور/تو بعدين انجيكم تعرفي افجعتيني مسكينه .

جود/ ايه كلنا باهي بسلامه معنديش رصيد.

نور/سلام .

نور صكرت وتلفتت لاحمد/تعرف مسكينه ساره الطلقو وروحت.

احمد /لا حول ولا قوة الا بالله.

نور/حسها وجعتلي قلبي.

احمد/سلامت قلبك ربي يعوضها تبي تمشي بعدين.

نور/ايه لازم كانك فاضي.

احمد/لازم نرجع للعياده الساعه سبعه بنحطك ونرجعلك في الليل .

نور /اففف راسي يوجع فيا.

احمد تكاها على صدره /ياعمري مادمك اخديتي الدوه تو يهفت عليك.

نور لفت ايدها على ايديه وحطت راسها في صدره/حمودي اني نبي وليد وزيك انته ?

احمد باسها علي…./هه لا واني نبي بنيه كيفك انتي وتقعد تنابش فيا زي مامتها وتقولي بطل التعب والدللني زيك.

نور ناضت تجري للحمام (حاشه القاريين) بترجع ?

لحقها احمد/حبيبتي انتي كويسه .

نور تمسح في وجهها/ايه خر كبدي دارها .

____________________________

عند ميسم في الحوش كانت متعرفه على واحد في النت وتهدرز معه وطلب منها انه يكلمها وهيا وافقت.

الولد/الووو

ميسم/اهلا .

الولد/شن الجو كيف الحال.

ميسم/ الحمد لله شن جوك انته.

الولد/بعد اسمعت صوتك وليت تمام ياعمري واخيرا اسمعت صوتك?

ميسم/يا عمري حتى اني خاطري نسمع صوتك .

الولد/استحشتك هلباااا خر امتى خلاص نبي انشوفك.

ميسم/لالا منقدرش صعب انخاف .

الولد/ علاش حتى من بعيد بس ولا كان مش واتقه فيا كلام تاني راه.

طبعا خش سالم وكان جاي للدار متع ميسم يبي ايقوللها بري سايري ساره لكن قعد يسمع ومصدوم في بنته.

ميسم/لا حبيبي اني واثقه فيك .

الولد/خلاص مدامك واتقه فيا خليني انشوفك.

ميسم/باهي لكن مش الفتره هاذي.

الولد/لكن اني منصبرش واااجد راه.

ميسم/باهي بعد ايام بس .

الولد/انحبك غزالتي.

ميسم/واني نموت فيك.

وخش سالم وكان منفصل ويعيط ويكشخ اخدي التلفون حدفه على الحيط جي مفترش .

سالم طايح يضرب فيها وهيا تبكي/ياكلبه بتجيبلي العار بتفضحني بتواطي راسي .

خشت نور تجري تحز فيهم /بطل خلي البنت خيرك.

سالم/حولي خليني بنقتلها كله منك .

نور/تي خيركم سيبها حي عليا بنتي.

ميسم????????

نور وقفت قدام ميسم/وااااك عليااا بيرزيني في بنتي.

سالم/تي حولي خليني انوريها الولاد جايه بتنزل راسي .

نور/استهدي بالله ياراجل خلي نفهمو منها.

سالم/تي اقسم بالله العلي العظيم الما انوريكم وجهي التاني وانتي من اليوم معدش فيه خدمه مدامك مش قادره تربي بنتك.

وطلع سالم والنار والعه فيه??

نور تضرب في ميسم/انهارك اسود ياحيوانه الحق فيا عطياتك التلفونات والتقه انتي مايمشيش معاك.

ميسم/ماما خليني نشرحلك ??
نور/منبيكش تشرحيلي عارفه بوك ميكدبش تي الي بيديره فيك الشويه.

طلعت وسيبتها ميسم جسمها كله علامات اتار الضرب قعدت تبكي. ????

___________________

في العشيه ساره في دار خوتها :

ساره/اياد نبي نسالك سوال لكن منبيكش تزعل.

اياد غام راسه ويفكر في روبين وقريب يبكي/انعم

ساره/شن صار مع روبين؟؟

اياد/تجوزت ولد عمها ?

ساره خشت تحته في الغطاء/باهي شوفتها بعد متجوزت ولالا.

اياد/ساره فكيني مشفتهاش .

ساره/اسفه.

اياد حضنها/ياعمري مش قصدي انكشخ عليك بس الموضوع سكرته.

ساره/اني نبيها تجيني استحشتها.

اياد/كلميها وقوليلها واني تو نطلع .

ساره/معنديش تلفون تو ناخد متع ماما.

اياد/عادي كلميها من متعي.

ساره/لا تو تنخلع.

اياد سكت.

خش جاد /اوووو ساره عندنا .

ساره/ههه ايه.

جاد/شن الجو.

ساره/كساااد وانته شن جماعتك صاير فيها.

جاد/الكويسه مبتش التم.

اياد/مش منك من العرس الي يراجي فيك.

جاد ينحي في ساعته/تي انتو تزنو عليه معدش بي ايجي الززفت.

ساره/هههههه تي كنك مستعجل تو سيوره تتجوز.

اياد/هذا حيوان من صبح الليل وهما يتكلمو ويتلاقو قلقوني في ليالي منرقدش منهم.

ساره/ههههههههههه ايه عارفته اني .

جاد/وااااك على المحسد حبيبتي واني حر انكلمها نتلاقه معها انته معندكش معاي شيء.

اياد/مصح وجهه معدش يتحشم.

جاد/اني بنخش اندوش الدوه معاكم فاضيه وكان شرين تلفوني متردوش.

ساره/اصلا بنكلم منه صاحبتي برا كان اتصلت حبيبتك تو انجيبهولك?

جاد/هه والله حاله حاطيني في راسهم الجماعه.

خش جاد للدوش وساره خدت التلفون بتتصل .

اياد/متكلمهاش من تلفون جاد .

ساره شبحت فيه/اسمع الا خوك متفكرش فيه بالطريقه هاذي?

اياد حط المخده على راسه/اني مقصديش شيء مرات بجنبها راجلها.

ساره/خلاص تو انكلمها بتلفون ماما.

وطلعت من الدار اتصلت بروبين :

ساره/الووووو

روبين/ساره وله.

ساره /ايه روبي كيف حالك.

روبين تبكي/ياعمري سرورتي وينك استحشتك.

ساره تبكي/اني في ليبيا تعالي حتى اني بنموت عليك?

روبين/بالحق انتي اهني علاش شن فيه.

ساره/انتي تعالي وتو نحكيلك .

روبين/باهي ياعمري تو انجي كان زياد فاضي.

ساره/باي انراجي فيك.

روبين/بسلامه?

_________________

زياد خش للدار وفي ايده الميه.

زياد/في من اتكلمي؟؟؟

روبين/في ساره روحت ونبي نمشيلها .

زياد كان ايحب روبين وميحبهاش تزعل/حاضر تو نرفعك وخودي الشربي اميه ومعاش تبكي.

روبين اخدت الميه/به.

زياد حضنها من اللتالي/الشبحيلي .

روبين تمسح في دموعها وتلفتت/اممم شن .

زياد/بطلي بكي وبطلي جفاف قولي كلمه حلوه ?

روبين/اسفه.

زياد/بس اني مقتلكش نبيك تتاسفي اني نبيك تحبيني زي ما اني انحبك٠?

روبين حطت راسها في صدره/انحبك?

زياد ضغط عليه وقعد يبوس فيها من رقبتها لانها اول مره اتقولها??

روبين تبعد في روحها /خلاص حول بنطلعو.

زياد/باهي قوليها مره تانيه وانتي تشبحيلي باش انبطل ?

روبين شبحت فيه/انحبك حبيبي .

زياد نقز فوقها وقعد يبوس فيها?

____________________

الخليفه مقعمز ويدخن وقاتله همه :

وفي خاطره اني غلطت بدال ميضيع واحد كسرت البنت وهيا مدخلهاش ?

رمضان خش القي بوه مقعمز ومهموم/السلام عليكم.

خليفه/وعليكم السلام .

رمضان تنهت بصوت عالي/شن يابوي شن بيصير .

خليفه/ياوليدي والله اني كنت حاسبها انها بتهديه وبترده لليبيا.

رمضان/وطلعو حسباتك غلط يابوي وضيعنه البنت.

خليفه/ربي كريم وماينسه حد تو ايجها نصيبها .

رمضان/ان شاء الله.

خليفه/اصلا تو غر يكمل جاد جامعته كلهم بنجوزهم ومحمد ليه ربي انته حولت وتو انحاولو مره تانيه وربي يهديه.

على خشت عبدو وكان يسمع فيهم/السلام عليكم.

خليفه ورمضان تغيرو ملامح وجوهم/وعليكم السلام.

عبدو فاصل /اني بنخش في الموضوع طول منحبش الف ودوران اني نبي ساره وخليتكم المره الاوله لكن تو مدخنيش غصبا عنكم كلكم نبيها.

خليفه رمضان?????

خليفه/تي تحشم حتى من كبر سني هاذي مرت خوك?

عبدو/لا مرت خوي لاشيء طلقها واني شاريها ونبيها.

رمضان/تي صكر فمك .

عبدو/اصلا اني لما سافرت كنت معها وهيا متندريش وشوفت محمد ومستحيل يرضه يرجعها لانه ميمشيش معه الزواج والدين محمد بعيد على ربي فما اتحاولوش.

رمضان بصوت عالي/تي اقسم بالله ماربيت ولد معقوله تسب في خوك يلي ما تتحشمش تفو? (حشاكم)

خليفه/خلاص صكروه الموضوع هذا ??

عبدو خبط على الطاوله ويكشخ/لا مش مصكره وليكون بعلومكم ساره ليا بالسيف عليكم كلكم ???

طلع عبدو وخليفه من صدمه لصدمه ?

رمضان/يابوي حتى انته زدتني بدال ما نحلها زدت عقدتها.

خليفه/ياولدي تو تنحل واصلا ساره لو خدت عبدو هكي انكونو مغلطناش .

رمضان قعد ساكت.

خليفه/اني عجبتني الفكره وتو انشوفوها .

رمضان/والله اني خلاص روحي بتطلع معدش عارف من وين بنحلها.

خليفه/تي اذكر الله ياولدي .

رمضان/لا اله الا الله .

خليفه/خلاص اني تو انحلها باذن الله.

رمضان/ان شاء الله.

وطلع رمضان من جنب بوه.
________________

اياد طلع الشري شكلاطه كندر ابوينو ??

وحطها في المطبخ وبخ صنته في الحوش كله وطلع امشي لصحابه باش ينسه همه .

ساره شافت الشكلاطه وجعها خوها لن قعدت تبكي?

ربيعه/يابنيتي خيرك العفو .

ساره مسحت ادموعها/لا شيء ياماما غر مستحشه روبي.

ربيعه/كلمتني نور والبنات كلهم بيجو بعد الشويه.

ساره /باهي .

دارت ساره دوره في الحوش ولبست سروال جينز اسود وبلوزه صفره وفوقها التجاكه بيج والشاح الحرير فيه بيج والصفر ودارت بودره بس وكان تفكيرها كله في محمد بس تحاول تنساه وهيا طالعه من الدار جت عينها على الشنطيها وراء الباب وقفت قعد تشبح وفي خاطري تو بعدين في الليل انضمهم?

طق الباب وكانت روبين?

ساره فتحت تجري وحضنتها روبين قعدو يبكو???????

روبين/وينك ياوخيتي امشيتي عليا وسيبتيني اه اه اه اه.

ساره/ياعمري ربي يعوضنا خير ان شاء الله ربي يختبر فينا .

وزادو شدو في بعض ويبكو ?

ربيعه عيونها دمع /اذكرو الله مش باهي البكي حرام عليكم يابنياتي?

ساره وخرت وقعدت تمسح في دموعها/روبي تفضلي.

روبين قعدت تشم في ريحت اياد الي كانت قاتله لمشاعرها طبعا مشاعر روبين بدت تتغير مع الوقت واهتمام زياد بيها خلها تنسى❤

روبين سلمت على ربيعه.

وخشو لدار التقعميز :

روبين/سروره شن جو الجواز.

ساره ناضت صكرت الباب وحطت راسها على كتفها وقعدت تبكي بالقويه لن خلاص/الطلقنا اخسرته محمد امشي وسيبني كسرني وخلاني علقني بيه ورماني نبي حضنك روبي اني محتجاتك???

روبي تمسحلها في دموعها وهيا مصدومه من الخبر /قصدك حبيته?

ساره تبكي/يارتني ما حبيته???

روبين حضنتها وقعدو يبكو ???

روبين/واني تجوزت ومخدتش الي نحبه?وليت مرات شخص تاني ?

روبين/ياريتنا مابعدناش على بعض ?

ساره/ياريت? بس رجعنا تاني لبعض بس بحال تاني? .

روبين/ربي كريم.

ساره/احكيلي شن صاير معاك.

روبين/…………………………………. وهاذي قصتي .

ساره زفرت بصوت عالي/ربي يكون في عون وخيتي?.

روبين/وانتي؟

ساره/……………………………..طبعا مبتش تحكيلها على وضع محمد لانه هذا يخصهم هما الاتنين ومتبيش تنزل من مستواه قدام الناس كلها وخلت الموضوع سري .

روبين/ياوخيتي مباعدك ربي يرزقك ويصبرك ويقوي عزمك ?

ساره/ان شاء الله .

وجو العيله وقعدو يهدرزو وروبين تحاول متفكرش في اياد لانها اليوم بدت حياتها وعلاقتها الجديده ?
_______________

نور/هدي روحك وسامحها هيا غلطت وتعلمت.

سالم يحك في راسه/ وانتي شن شكلك جايه معها .

نور/لا اني نعترف انها غلطت لكن في النهايه الصغيره.

سالم/لالا اني معنديش بنات ايوطولي راسي?

نور/بنرفعها معاي لحوش خالد تو يقولو وينها.

سالم/لالا خلها زي الكلبه اهني مزال ما شافت شيء?

نور قعدت تبكي/حرام عليك بنيتك?

سالم قلبه حن وسخفاته /باهي ارفها ومتعطلوش وردي بالك منها?

نور/ان شاء الله.

_________________

نور خشت لبنتها/نوضي البسي باش تمشي معاي لحوش عمك .

ميسم تبكي/منبيش خلوني??

نور /اسمعي بوك راه فاصل وقالك بري ومدخنيش فيك هديته بالف واسطه?

ميسم/به?

وقفت بصعوبه من اتر الضرب وتوضت وصلت ولبست عبايه وطلعت.

امشو غادي وقعمزو يهدرزو:

ساره بصوت واطي/ميسم خيرك ايدك كلهم مضروبات و وجهك شاحب?

ميسم/تعالي نبيك تساعديني في حاجه.

ناضو ميسم وساره ونور تفنص في ميسم ?

ساره/تعالي لداري .

ميسم خشت وقعدت تبكي /………………..وحكتلها القصه.

ساره/حي عليك خيرك شن جاك .

ميسم/ياساره ستعديني نبي تلفون انكلمه ونقوله شن صار .

ساره قعدت تفكر بعدين التذكرت. تلفونها الي شرهولها محمد .

ساره/عندي تلفون كلميه بسرعه .

طلعت ساره التلفون من الشنطه وحطاته في الشحن وفتحاته وتتفاجا لما تلقا الف مكلمه من محمد حست قلبها فرح وانه مهتم بيها .

ميسم تبكي /يارب يطلع شاريني.

ساره/خودي تكلمي اني برا خودي راحتك.

ميسم/شكرا.

ساره/اني اختك ?

ميسم اتصلت بيه ورد:

ميسم بصوت مبحوح /الووو

الولد/الوووو مني؟

ميسم/اني ميسم

الولد/ حبيبتي اهلا.

ميسم/قعدت تحكيله في القصه وتبكي
.
.
.اما ساره قعدت واقفه قدام الباب وهيا سرحانه وتفكر بسعاده في محمد ?

الولد/حبيبتي شن المطلوب مني?

ميسم/انته لازم ادير حل وترجع ثقت بابا فيا .

الولد/والله شن الحل؟؟؟؟

ميسم /انته خيرك تتكلم برود نبيك تتقدملي للجواز .

الولد/لا بعيده عليك انسي. اني نتسله بيك بس ومدخنيش شدك بوك خوك حاجات هاذي انتي قبل متكلميني اعرفي هكي بيصير اني مش منزوم نخطب وحده زيك.

ميسم مصدومه/يا حقير…………………… قعدت تهزب فيه وصكرت وقعدت تبكي ?

ساره سمعتها خشت/شن صار؟؟