المزينه/صباح الورد على عروستنا .

روبين/صباح النور .

المزينه/اتعالي نستشورلك شعرك .

قعدت المزينه تستشور في شعر روبين وربين تبكي بدون صوت وفاتحه صورت اياد وتشوفلها?

المزينه/كيف تبي المكياج .

روبين/خفيف هلباااا يعني زي مكياج سهره .

المزينه/انتي عروسه لازم اوفر حبيبتي وفيلوك هكي يبي .

روبين بصوت عالي/واني قتلك شن نبي .

خديجه بجنبهم ادير في شعرها/روبين ياسر من الهبال .

المزينه قعدت ادير في الكريمه ودموع روبين ايفسدو??

المزينه بعصبيه/شن هذا تقول تحت الشيشمه بطلي بكي كملت الكريمه ?

روبين مسحت ادموعها وسكتت.

قعدت المزينه تمكيج فيها ودارتلها تسريحه الخفيفه وخديجه فتحت شعرها ودارت مكياج بناتي واياد يتصل بخديجه لكن مسمعتاش من دوشت الاستشوار.

_________________________

عند ساره ومحمد كانو راقدين ??

ساره كان وجهه في وجهه محمد فتحت عيونها وقعدت تشبحله ??

محمد حس بيها فتح عيونه/صباح الورد ?

ساره وخرت عليه /صباح النور ?

محمد /اليوم هذا وين استريحت في نومه على السرير ?

ساره/غر لانك مصلي الفجر بس .

محمد/اممم منكن .

محمد بصوت واطي/لانك راقده بجنبي❤

ساره سمعتها لكن اتجاهلت وناضت خشت للحمام حاشه القاريين.

محمد ناض دار دوش وطلع لبس سروال وقعد يمشط في شعره على خشت ساره .

ساره ارتبكت محمد قعد يشبحلها في المرايه/جيت بنقولك اتعالى كم بتفطر .

محمد ناض وقف بجنبها/باهي ديرلي قهوه ?

ساره قعدت تلود في مكانها بعدين طلعت?

محمد /ههه الخجل محلاها??

قعمزو فطرو وطلع محمد وقعدت ساره لاهيه في الغدي وتفكر في لي صار معها وفرحانه انه محمد بدي يصلي وقعدت تراجي فيه لعند اذن العصر ?

على خشت محمد /السلام عليكم .

ساره منغير متشوف فيه/وعليكم السلام .

محمد /شن الغدي؟؟

ساره/رز مسقي وتو انوض انسخنه ليك .

محمد /لالا متنوضيش تو انديره بروحي .

ساره/لالا خليك تو انديره اني .

محمد/لالا عادي انحب نعتمد على روحي .

ساره /باهي براحتك .

قعمز محمد بجنب ساره وبياكل مدلها كشيك /كولي معاي منحبش ناكل بروحي .

ساره خدت الكشيك /من كان ياكل معاك قبل ؟

محمد يشبحلها/كان ساكن معاي ولد كان يساير فيا .

ساره/اممم .

قعدو ساكتين الشويه .

ساره/محمد .

محمد ياكل/انعم .

ساره/صليت الظهر .

محمد حط الكاشيك /ايه قعدت لاهي ومفضيتش هو العصر اذن وله .

ساره /ايه تو نوض اقضيه وصلي العصر .

محمد/باهي .

___________________________

كملت روبين دارت مكياج على الخفيف على الياجوري الهادي ولبست الفيلو وقفت قدام المرايه قعدت تشوف في روحها .

خديجه/هيا زياد برا .

روبين لبست الكاب وطلعت ركبت في السياره .

زياد/شن الجو .

روبين/الحمد لله .

زياد/طالعه سمحه هلباا .

روبين/شكرا.

زياد بعصبيه/خيرك هكي دايره جو الرسميات ?قصدي راجلك راه .

روبين ولا كلمه مطبسه راسها وخلاص .

زياد/تو مش وقته لكن تو نتفاهم معاك لما انروحو للحوش ?.

وقعد زياد يجري بسرعه .

روبين بصوت عالي /زيااااد ياسر وقف الجري وقعدت تبكي ?

زياد درس على الايمين ومدلها اميه/خودي اشربي .

روبين تبكي وترعش/منبيش ?

زياد/اسف مش قصدي .

روبين??

زياد قاملها راسها ويمسح في دموعها/خلاص بطلي بكي تو مكياجك يتخرب .

روبين مسحت ادموعها /خلاص سوق اني كويسه .

زياد يشبحلها/اسف مش قصدي نزعلك .

روبين/لالا عادي متعوده .

زياد مسك ايدها وقعد يسوق .
_________________________

اياد قعد يتصل بخديجه وهو يرعش لكن مفيش رد حاس انه خاسر الدنيا كلها .

اياد/تي هيا ردي .

توتوتوتوووتوتتوتووتووتت.

مفيش رد لانه خديجه كانت في الصاله دوشت الموسيقه والتلفون كان في الشنطه.

اياد ركب سيارته ومشي للبحر ?

قعد مقعمز وساكت (تعرفو مفيش احلا واحسن لما تبدي مضايقه انك تقعمزي قدام البحر تحسيه يقعد يمص في الطاقه السلبيه كلها)

اياد نحه تشيرته وحذائه وقعد يجري في الشط ويعيط /انحبببببببببك خسرتتتتتتك حبيبتتتتتي يااااااااااااارب يااااااااااارب .

(في كسرات خاطر وكسرات قلب اقسم بالله لوتحكي عليها ميت سنه وتشرحي عليها الف مره مفيش حد بيحس بيك غير الي خلقك )
____________________________

عند جوري بعد الموقف الي صار معها معدش ردت على رضا ?

جوري/جود اسمعي نحكيلك حاجه .

جود/شني هيا احكي وانتي زي المجنونه.

جوري/تعرفي اني .

جود/شن نعرف تكلمي كويس ولا اصكتي .

جوري/لا اصلا نسكت خيرلي لانه مفيكش فايده?

جود /ايه احسن نوضي للمعين وبطلي دوه زايده .

جوري/مصحك اليوم عليك ولا تحسبيها عيد .

جود/والله لالا انتي اليوم اني خادمه ضوافري ب300 دينار بعتالي انتي اتقوليلي نوضي اغسلي مصحك?

جوري/ونبي نوضي من قدامي بلا كسر رقبه وانتي تحسابي روحك حلوه لما تعوجي في الكلام .

جود/اقل شيء احلا منك وبعدين مقتلكش اعجبي بيا ياسر عاجبه جاد.

جوري/ونبي فددتيني بيه جاد متعك سمعتينا الي مايتسمع بيه اصلا هو كان عنده دوق راه مختركش.

على خشت امهم??

حنان/مصح حتى وجهك يلي ماتتحشمي يافرخه هكي تكلمي في اختك الكبيره القيته ماهو جاد شفنا الخطابه متعك كيف ??

جود ترقص في حواجبها??

جوري/ونبي ياسر تره متزهقوليش كبدي بعدين عادي الايام بينا ياماما وتو تشوفي خطيبي ?

امها/تحشمي ياسرك ونوضي للكوجينه مقلوبه و ولا كلمه.

جوري /والله لما تشوفي يافرخه انتي ناقصك خر جواز ?

جود/بري خليني انكلم خطيبي بروحنا ?

______________________

خشت روبين للصاله وهيا ترعش على اسماء الله الحسناء .

العيون كلها على روبين لانها حلوه هلبا وجدابه?

روبين كانت تمشي وتفكر ومشوشه وكلام اياد في راسها وزياد وتصرفاته كلها اتلخبط?

ركبت روبين على الكوشه وسلمت على امها وقعدو يبكو ?

وقعدو المعازيم ايسلمو على روبين روبين تساوي في شعرها بايدها حست انه صنت زياد عالقه فيها شمت ايدها وبتسمت??

خديجه/شن جو ياعروسه شن صار في السياره(هذا السوال الشهير الي يتوجه لكل عروس?يابنات كل وحده اتقولنا شن صار في السياره حتى الولاد الي يتبعو فينا على صمت???)

روبين/عادي مصار شيء تقدري اتقولي اتعاركنا ويمكن اتسامحنا منعرفش??

خديجه/اسمعي راه زياد مدخلاش واياد قالك الكلام هذا وله خلاص انسيه وابدي حياه جديده.

روبين/كلمك اياد؟؟؟

خديجه/لالا دليل على انه انساك .

روبين/اياد عمره مرح ينساني بس حنحاول .

وخش زياد على اغنيت قافل ?على حبك.

وصل عند روبين قاملها الطرحه وباس راسها وهيا ترعش غيرلها الدبله .

روبين غيرتله الدبله وهيا ترعش.

زياد/خيرك ترعشي .

روبين/لالا عادي منرعشش .

زياد/نروحو ولا مزال تبي تقعدي .

روبين لما قال كلمت نروحو خلاص قلبها بيوقف /لالا خلي انزيدو الشويه .

زياد /باهي براحتك .

قعدو العيله تجي تسلم على زياد ويباركوله.

عمتهم /هيا المصوره تراجي فيكم في الحجره .

اياد وقف وشد في ايد روبين وطلعو خشو للغرفه وبدت المصوره تصور ودِرلهم في الحركات الباخيه?

المصوره/حبيبتي حطي ايدك على لحيته وقعدي اشبحيله.

زياد يشوف لروبين وكيف راقيلها /خلاص روبين براحتك راه.

روبين حطت ايدها على لحيته وشبحت لوطه?

وقعدت المصوره تتبرد وروبين تساير فيها وزياد حاس انه روبين تتصرف فوق من نفسها.

_______________________

ساره مقعمزه تقرا في قران .

ومحمد فاتح اللاب توب ويخدم ويسمع في ساره وخوف كبير في قلبه.

ساره كانت تفكر في هلبا موضيع واول حاجه كانت اتفكر فيها في خوها وصاحبتها وفي روحها وفي امها وبوها الي بيتفاجو في بنتهم كيف مروحه مطلقه .?

__________________

طلعت روبين مع زياد وهيا كيف بتركب في سياره قامت عيونها القت اياد واقف وعيونه حمر واضح انه كان يبكي قعدت تشبحله ودموعها ينزلو تحت البرنوس ركبت في السياره وهو دارلها بايده باي ???

زياد فتح اغنيت دايخ بيك احبك ياوجع راسي .

روبين مسحت ادموعها وسكتت ?

_________________________
روحت روبين مع زياد للحوش :

زياد /تفضلي لحوشك .

روبين خشت /بسم الله .

زياد /هاذي دارنا خشي استريحي وخودي راحتك?

روبين/باهي ?

زياد خش اخدي توته وطلع يبي يخليها ترتاح اما روبين خشت قعدت تمسح في المكياج وفتحت تسرحتها وتبي تفتح القفطان لكن مقدرتش.

روبين/والله ماني قايلتله يفتحهولي حتى كان نرقد فيه?

زياد جهز العشي وقعد يراجي لكن مفيش فايده?

زياد/الزح خيرها معدش طلعت ??‍♂️

زياد يطق على الباب/روبين انخش .

روبين/ايه خش .

خش زياد/خيرك قاعده مبدلتيش لعند تو??

روبين/مقدرتش نلحق السريته متع القفطان .

زياد/خيرك مقلتليش .

روبين/لالا عادي تو نفتحه بروحي ?

زياد قرب منها وفتح السريته وقعد يشبح لظهرها وكيف جي بيبوسها روبين وقفت وبعدت عليه.

زياد راقيله/العشي سخون تعالي باش تاكل وطلع وخلاها .

روبين دارت دش ولبست استرش اسود وتيشرت احمر رقبته سبعه ودارت شعرها فوق وطلعت .

زياد شافها ابتسم مع انه تفاجأ انها مش لابسه روب/تعالي كولي صقع .

قعمزو روبين كلت الشويه وقفت.

زياد/زيدي كولي خيرك مكلتيش .

روبين /لا خلاص اشبعت .

زياد يبي يفتح معها الموضوع لكن شاك في حاجه /روبين تعالي انصلو ركعتين افتتاحية زواجنا .

روبين/باهي خلي نلبس بدلت الصلاه .

ومشت روبين وزياد قعد ينقز /يس خشي ✊

وصلو ركعتين وتلفت زياد على روبين.

روبين/زياد ?

زياد/انعم .

روبين/عادي اتخليني على راحتي .

زياد سكت/عادي براحتك ميصيرش شيء الا بموفقتك.

روبين/شكرا .

زياد وقف ناض منغير ميرد عليها .

روبين لحقاته للدار القاته ياخد في مخده وغطه/زياد ارقد انته اهني واني نرقد على الصالون .

زياد بعصبيه وكان فاصل/لالا ياما الزوز اهني ياما اني برا هذي دارك.

روبين صخفها/خلاص عادي شن المشكله نرقدو الزوز اهني .

زياد/لالا عادي راه خودي راحتك .

روبين/ايه واني قتلك عادي اني مرتاحه ?

زياد طلع للمطبخ شرب اميه وخش للدار لقها في السرير متكيه .

خش للسرير بدون اي كلمه وكانت الاسئله الي الدور في راسه ماخلتاش يرقد .

وروبين مقدرتش ترقد كلمت اياد متع مش مسامحك لو متهنتيش على خاطري .

روبين/زياد ارقدت .

زياد اتلفت /انعم مرقدتش.

روبين/اني غيرت رايي.

زياد/في شن مفهمتش .

روبين بعصرت خاطر/ايه نبيك ?.

زياد قعمز/براحتك راه متبيش عادي اني مش ضغط عليك.

روبين / ايه هاذي راحتي .

طبعا صار الي المفروض ايصير ?
__________________________

عند محمد وساره :

ساره /محمد نوض الظهر اذن من بكري .

محمد ساكت ومردش ومدارش اي حركه.

ساره تهز فيه/محمد محمد انكلم فيك .

محمد ساكت وجامد ?

ساره تبكي وتحرك فيه /محمد محمد خيرك رد عليا ??

محمد ????/هههه انبصر خيرك تبكي .

ساره ترعش وتبكي /مبردك ???

محمد قعمز وشاد ايدها/خلاص ياخوافه بصاره شن فيها .

ساره/اخلعتني منبحاش اني البصاره هاذي ?

محمد /عادي ديما اندير فيها .

طبعا الجمله هاذي نزلت على ساره زي الصعقه?

ساره ناضت طلعت منغير مترد عليه وخشت للحمام وقعدت تبكي .

محمد يخبط في راسه/اني حمار (حشاكم) ???

ناض محمد وخش للحمام حشاكم وتوضى وقعد يطق على ساره .

محمد/ساره .

ساره غسلت وجهه/انعم .

محمد /نبيك اتصلي الظهر امعاي ولا صليتي.

ساره فرحت /ايه هيا طالعه .

صلو محمد وساره طبعا محمد مره يصلي ومره يخلي ?

بعد مرور اربعه ايام:

محمد /الوووو

……../………..

محمد ???

________________________