جانبي المظلم..
الحلقة الرابعة ..
من رواية : الجانب المظلم ..
الكاتبة : Eman Albasha
ET
.. @_@
……………..
عبدالله : امر زياد يساعده في المهمه بسبب الصداع ..
بس في شيء مفقود حاسس في حلقة في حياته مفقودة احيانا يشوف في شريط يمر عليه بس
الوجوه مش واضحه عنده والشي هذا مسببله صداع رهيب …
زياد : جاب حبة بندول لي عبد الله
طبعا عبد الله وزياد صحاب قراب لي بعض بشكل كبير بس احيانا تكون في رسميات في الشغل ..
عبدالله : خدي الحبة وتكي علي ظهره مش قادر حتي يتكلم بسبب الصداع …
زياد : واجعة حال صاحبة ..
ويتمني يعرف شن صاير معاه 
لان واضح علي عبدالله مش من الشكالات هادي وواضح انه مغرر بيه ..
………………………
عند رهف …
رهف : هيا هيا انتي اقوي من هكي
فيقي اختي اني محتاجاتك ولله محتاجاتك ..
د.أحمد : مفروض ناضت كيف هكي …
رهف : رح تنوض اختي رح تنوض نعرفها دلوعه شوية
والدمعة في عينها تصبر في روحها بسيف ..
د.أحمد : باش المفروض بعد ساعة تفيق
رهف : مفروض تفيق
د.أحمد : والحل توا كيف نخلوها تفيق مافيش حل مثلا
رهف :الحل الوحيد مسألة وقت
والا الخلايا رح تدمر لو مانضتش بعد ساعة تانية …
د.أحمد : عقد حواجبة كيف هكي ممكن توضحيلي ..
رهف : الخلايا التألفه رجعت تشتغل من جديد
لو فات وقت عليها وقعدت خامله رح ادمر نفسها بنفسها ضروري تنوض وتشتغل الخلايا باش تقعد علي معدلها الطبيعي ..
د.احمد : ان شاءالله تنوض يارب
رهف : يارب يارب الرجاء فيك
تفرك في يدها بتوثر ..
ولا زالو ابطالنا ينتظرو في اللحظة الحاسمة ..
…………………..
عند الشخص المجهول ..
ضروري نخرب كل المخطط ضروري نمنع الانفجار بأية طريقة مستحيل نسمح بأنهم يقتلو ناس ابرياء …
جت في باله فكرة حلوة ..
يلي هيا يفكك بعض الخيوط من القنبلة بتاع الانتحاري يلي بيفجر نفسه ..
هكي مش رح يصير انفجار ومش رح ينفضح امره …
مشي للمخزن وفك بعض الخيوط ..
حس بمسدس فوق راسة ..
عبدالله : شن دير اهني انت
طبعا الصداع واخد فيه حصة يتكلم بسيف
المجهول : خافي التوثر بالجمود
جيت ندور علي سلاحي بكري طاح مني
عبدالله : ويلي علي خصرك شنو هذا
المجهول : ارتبك بعض الشيء
لقيته توا هذا
عبدالله : ماشي تمام ..
اطلع من اهني انت تعرف المكان
ممنوع حد يدخله من دون اذني ..
وانت عارف عقاب من يعصي الاوامر ..
المجهول : طبس راسة تحت وسكت ..
عبدالله : كمل طريقة ولا كانه صار شي
المجهول : خاف يكون نفضح امره ..
بعدين رح يقتلو من غير رحمه ..
………………………
عند رهف : هيا مزال دقيقتين …
ارجوك رأفة ماتخلينش بروحي ارجوك
د.أحمد : علي نار 
رهف : الجهاز صفر طلعت من الدار بكل خيبة امل
د.احمد : شاف لتحت بأسي واسف ..
وبدي يفكك في الاجهزة ويلملم في المعدات حط الشاش علي وجه رأفة وجاي بيطلع ..
حس بحركة مش طبيعيه ..
تلفت للخلف فتح عيونه علي وسعهم
لقي رأفة تحاول تنوض ..
رأفة : تتكلم بصوت مبحوح امياة
فهم احمد عليها ..
جاب امياة علي السريع وشربها ..
رأفة : حاولت تتكلم بس صوتها مبحوح
شن صار من امتي واني راقده …
د.أحمد : خليك مرتاحه توا ورح تعرفي كل شيء في وقته ماتتحركيش من مكانك لن نجيك …
رأفة : هزت راسها بمعني تمام ..
……….
عند رهف ..
رهف : مقعمزة علي الكرسي ومحاوطه راسها بين يدها خنوقه علي الاخير حاسة انها خسرت كل شيء كان في لمحة امل ان اختها تعيش كانت مصدر لقوتها لكن توا خسرتها وخارت معها كل قوتها ..
الخسارة مش شي ساهل …
جاها احمد ..
د.أحمد : رهف ماتزعلي روحك الاعمار بيد الله وانتي درتي كل يلي بيدك ..
رهف : نزلت دمعه من عيونها كنت مانبيش نكون وحيدة ليش ماخدونيش معاهم ليش خلوني نعاني بروحي اني محتاجتهم ولله نحبهم ليش خلوني بروحي
د.أحمد : وجعاته وكسرت قلبه ..
بس حاول يقسي شوية علي شان توصل لي هدفها
باش ادمري الارهاب وتوصلي للقمة تريحي العالم وليبيا من شرهم انتي اهلك خلوك لانهم عارفين انك قدها وخلو باقي المسيرة ليك تعرفي ليش
لانك مصدر ثقتهم ولله يحبك وعطاك الذكاء حتي ادمري بيه كل الشر يلي غازي العالم ..
بس صدقيني انتي انسانه محظوظة وخلي في بالك انك مش بروحك ورح تفهمي معني كلامي زين
ممكن تجي معاي شوية ..
رهف : قعدت تبكي ..
وزادت النار شبت في قلبها
وزادت حقدها علي الارهاب اكثر واكثر واكثر ..
د.أحمد : هيا الحقيني
رهف : ناضت بسيف معاه
خشت للدار بس الصدمة كانت اهني اختها ناضت
من الفرحه مشت تجري تحضن في اختها ..
رأفة : قعدت تبكي بصمت دام لمدة ساعة واخيرا قررت تتكلم …
وين امي بوي عبدالله شن صار فيهم
رهف : طبست راسها لتحت
رأفة : غمضت عيونها عرفت الرد ..
رهف : حضنت اختها وقعدت تبكي معها
تبكي علي خسارة اغلي الناس ..
رأفة : مسحت دموعها ودموع اختها خلاص من اليوم مافيش دموع ..
مش رح نستسلموا بساهل رح ناخد بتار اهلي من كل شخص حاول يدمرنا ..
رهف : واني هكي قولت ..
رأفة : كم ليا راقدة لان واضح ان ليا فترة ..
رهف : فوق الشهرين ..
رأفة : فنصت عيونها تبصري
معقولة ..
رهف : معقولة ونص
هيا تعالي معاي بس امشي بشوي
لان ليك وقت طويل مامشيتي ..
رأفة : حست روحها رزينة شوي بس مع هذا تقدر تمشي ..
أحمد : خلاهم لي خصوصياتهم مع بعض
استاذن منهم وطلع من الحوش ..
رهف : تعالي ناكلو وبعدين نحكيلك شن صاير بتفصيل
شن صاير ..
رأفه : ياريت ولله تحكيلي ..
رهف : الاكل بالاول هيا هي ..
………………
عند ابو طليحة ..
يشوف للكاميرا بكل حب …
قريب رح تكوني جنبي اخخخخ علي الحب
عبدالله : السلام عليكم ورحمه الله وبركاته
ابو طليحه : و عليكم السلام ورحمة الله وبركاته
عبدالله : العملية رح تتنفذ بعد ساعة من الان
ابو طليحه : اشر بيده بمعني تمام ماشي
عبدالله : طلع بس قاعد مخنس من
وشاف كل شيء وعارف المهمه مش رح اتم علي خير بس حب يخلي كل شيء للوقت ..علاش تصرف هكي لايكون رجعتله الذاكرة
اكيد مزال
…
…………………
عند رهف ورأفة ..
رهف : بما ان كملنا اكل رح نحكيلك من الاول
وبتفصيل ..
رأفة : هيا احكي شن صاير
رهف : بدت تحكي في كل شيء ..
رأفة : حضنت رهف عانيتي كل المأساة هادي بروحك
دفعتي ثمن غالي من دون ذنب …
رهف : تتكلم بحقد …
مش رح نفوتها علي خير ورح نخليهم يدفعوا الثمن اغلي من الغالي ..
رأفة : اني فخورة بيك يااختي ياتوأم روحي واكيد مش نسيبك بروحك ..
رهف : بدت تحكيلها في الخطط
يلي رح ينفذوها مع بعض ..
رأفة : واااااو بجد مش مصدقة هادي انتي اختي اني
هكي تفكيرها بجد الله يبارك ..
رهف : يلي عشته مش ساهل ويخلي الواحد يفكر تفكير شيطاني زيهم …
هما من احيو شيطاني يتحملو نتيجه اعمالهم ..
كيف تدين تودان ..
رأفة : حضنت رهف ..
ومش رح نغفرو بساهل تبكي مسحت دموعها علي السريع وبطريقة طفولية ..
و بس مع هذا تبي تغير من حال اختها شوية
يعني اني توا نعتبر ميته ومانيش حية صح
تتكلم بطريقة تستفز في رهف ..
رهف : صح
رأفة : ورح ناخد شخصيتك صح
رهف : قلبت عيونها صح
..
رافة : ورح تتنكري كا
قطعت عليها رهف خلاص يابنت سادك برادة ..
رأفة : نفلقت ضحك عارفه انها تستفز في اختها
رهف : بايخه هيا تعالي نعرفك علي اخترعاتي
وللعلم سرقت بعض اخترعاتك وطورتهم ..
رأفة : قامت حاجبها وشحطت عيونها زييييييييي
رهف : زي ساعتي اني وياك
لما نبو نتكلموا مع بعض ومانبو حد يكشفنا
رأفة : شن درتي فيها فنصت عيونها ..
رهف : فتحت العبوة وخدت لاصق نفس لون البشرة
وحطاتة من خلف وذن اختها واللاصق التاني في ودنها ..
رأفة : واااااو ايش ذا …
رهف : طورتة بحيث تلمسي وذنك تقدري تتكلم معاي طبيعي ومافي حد يكشف انك تكلمي فيا وكأنك تكلمي في روحك ..
رافة : عجبها علي الاخير
واااااو علي من تخطر بس ياخطيرة
رهف : الله غالب الدنيا هكي خلتني
ومزال ماشفتي شي تعالي جاي
رأفة : قبل كل شيء اختراعي اني وبابا شن صار فيه
رهف : جبته معاي ..
رأفة : باهي الحمد الله
كان بابا رح يجيبه معاه بس اني قتله حط اختراع تاني علي اساس هوا نفس الاختراع وصار لصار …
رهف : واني جبت كل الاختراعات وطورت البعض منهم والبعض اني درته زي الاختراع هذا …
رأفة : واااااااو ايش ذا …
رهف : رح تفهمي كل شيء بعدين
هيا تعالي ورتاحي توا …
رأفة : اية لان بجد تعبانه …
رهف : يلا تعالي واني ارقهت بجد ونبي نرتاح لان غدوا رح نبداء في تنفيذ كل مخطاطاتي …
رأفة : واني معاك لي اخر نفس ياعمري …
شن بصير تابعوني
Eman Albasha
ET