جانبي المظلم..

الكاتبة : @_@
Eman Albashaرواية : الجانب المظلم ..

انتم من احييتم شيطاني …

الحلقة الثالثة …

……………….

وصلت رهف للحوش بس قبل لادير اية شيء ضغطت علي ساعتها لي هيا اخترعتها وليها هلبا ميزات غير متوقعه …

وقفت كل الكاميرات يلي مخفية وبدت عملية مراقبتها لي ابوطليحة وجماعته ..

وكل مرة تكتشف اماكن استوطانهم ..
وعمالياتهم الاجرامية ..

ابو طليحة : يشوف للكاميرة ومستمتع بمنظر رهف متوقع انها فعلا متكية وفي سبات عميق ..

مشت علية
من حفرا حفرة وقع فيها ..

بس بطلتنا اذكي من هكي ماخلتهمش يحسو حتي بنسبة 1% انها معطله الكاميرات …

لما تضغط علي ساعتها في برنامج يشتغل توماتيكي يخلي الكاميرا تصور الامر كأنه طبيعي بس هيا في الواقع ادير في شيء تاني غير يلي ينعرض علي الكاميرا ..

يارب وصلت الفكرة ..

عندها علم ان ابو طليحه يراقب في كل تحركاتها …
وتعرف انه يموت علي الارض لي تمشي عليها …

هل رح تكسب الشي هذا لي مصلحتها؟

………….

نهت مراقبتها اكيد هيا مش غبية علي شان تقعد بساعات تسمع لي كلامهم الممل الكاميرا نفسها فيها ميزة انها تلتقط في الكلام المهم واسمها الكاميرا الذكية ..

الكل اكيد عنده الفضول التام شن هوا اختراع اختها
رأفة .. نوعدكم رح نقولكم في الحلقات الجايات ..

خشت من باب مخفي في الحيط لي دار معبية بالاكترونات والاجهزة الحديثة ..

الكل متوقع ان رهف خافية الموهبة المدفونه بس هيا كانت تحب الاشياء هادي بس تكابر في نفسها طبيعتها ماتحب اضيع كل وقتها في الاشياء هادي بس مع هذا مش مانعه نفسها انها تنفرد بنفسها بعض الاحيان وطلع كل الطاقة السلبية ..

وتوصلت لي اختراع حلو يلي هيا ساعتها فيها هلبا ميزات زي مثلا تتحكم بجميع الاجهزة الحديثة وتبرمج الشي زي ماتحب عن طريق الحس يعني الساعة تقراء في افكار الشخص يلي لابسها وفي ميزات تانية رح تعرفوها مع الوقت ..

ارتسمت ابتسامه عريضة علي وجه رهف واخيرا كملت الشغل يلي رح تنقد بيه حياة اختها وحياة الالاف غير اختها ..

ويلي هيا عبارة عن دبدبات ترجع خلايا الدماخ التالفه لي مسارها الطبيعي ..

عموما تخيلو معاي يعني مجرد خيال ياجماعة راهو …

Eman Albasha

كملت شغلها طلعت من دارها بعد شغل مجهد بعض الشيء بدلت ملابسها ودارت دش واخيرا قررت ترقد لان غدوا رح تكون في هلبا احداث مشوقة بنسبة ليها ..

……..

ابو طليحه : يضحك في ضحكه شيطانية
ملئية بالوساخه واخيرا العرش ليا واخير
من كثرة الفرحه خدي المسدس وصوب علي اسعد
يوجه في كلامه لي عبدالله ..

مبارك عليك المنصب الجديد مع الابتسامه العريضة …

عبد الله : فرح علي الاخير ..
رح نكون عند حسن ضنك باذن الله

ابو طليحه : ومن يتجراء اصلا يعصي اوامري
نبي كل الاخوان التابعين يفجرو ال#####
ويكونو احد المجاهدين في سبيل الله ..

عبدالله : عجباته الفكرة علي الاخر …
وبدي يقترح في رائه لي ابو طليحه …

ابوطليحة : نعجب بي كلام عبدالله وطريقة تفكيره
ونصبه انه يكون يده اليمين في كل شيء …

وعين زياد لي ينفذ اوامر عبدالله …

هيا عبارة عن رتب القوي يهزم الضعيف ليس لديهم مبادئ ولا قوانين واخدين الحياة علي حسب هواهم يحلالو مايبو ويحرمو مايبو …

ولاسف في بشر هكي وطريقة تفكريهم منحطة لي درجة كبيرة ..

يتستلون بأسم الاسلام وليس لهم في الاسلام شياء

…………………

اشرق يوم جديد علي كل ابطالنا ..

ناضت بطلتنا رهف بكل حماس واخيرا
رح تنفذ المخطط يلي في دماغها ..

في المشفي ..

رهف : حزينة بشكل كبير وتبكي من القلب
اختي لااااا اختي يكفي خسرت كل شخص مهم بنسبة ليا في حياتي ..

وتبكي من القلب الكل يشوف لي رهف بنظرة اسئ
المنظر بجد محزن

في اكثر من شخص مار من جيهة رهف يصبرو فيها
بس هيا مستحيل تستسلم بساهل …
مش رح تضعف من جديد ..

روحت رهف وفي قمة الحزن ..
وقفت الكاميرات وبرمجتها علي لقطات محزينه
خشت علي طول للحجرة وارتسمت ابتسامة شيطانية علي وجه رهف …

بدت تستخدم في تجربتها يلي متاكده من نجاحها 90% بمساعده من دكتور زميلها من ايام الثانوي يساعد فيها وديما واقف معها ..

فاتت( ساعات ومزال دقايق معدود وتم التجربة علي خير …

كملت التجربة مزال النتيجة النهائية ..

الدكتور أحمد : متاكدة يارهف ان الموضوع رح ينجح

رهف : اية متاكده من الشي هذا مجرباته علي حالة قبل اختي ونجح الامر …

د. أحمد : ان شاء الله خير وخلاص باش المفترض تكون في ردة فعل علي حسب كلامك

رهف : حركت يدها ولله حركت يدها
وبدت تنقز وتصفق من كثرة الفرحه لطقة عفوية ..

د.أحمد : اية فعلا صح يابنت ولله نجح الموضوع نشهد بالله انك دماغ ..

شاد راسة مش مصدق

رهف : حكت راسها بطريقة محرجة بسبب لقطتها الطفولية …

شكرا علي المدح هيا خلينا ننتقل للمرحلة الجاية
ضروري توا نبدا نبعت دبدبات لدماغ علي شان ترجع للواقع وتفيق بأسرع وقت

د.احمد : يعني نفهم من كلامك مش رح تنوض الا لما دماغها يبرمج الشي هذا صح

رهف : بضبط واني رح نبرمجه عن طريق الدبدبات والمؤثرات ..

د.أحمد : نعجب علي الاخير بهذا الشي وبدات انها اعطاته الاختراع مجاني ورح يكون بأسمه والمخترع رح يكون مجهول ..

رهف : بدت تمارس في شغلها بكل دقة …
وسلاسه ..

د.أحمد : نظري بس
مزال الاخ يستكشف خلوه خلوه

رهف : واخيرا كملت قالتها بتعب بعض الشيء
وسلبت القوانتي ..

د.أحمد : وتوا شن بصير محتار ..

رهف : بعد ساعه رح تفيق ..
وكل شيء رح يرجع طبيعي ..

………………

في مكان تاني ..

ابو طليحة : ياعبدالله استلم المهمه

عبدالله : باذن الله كل الامور رح تكون بخير

ابو طليحة : خلاص اني معتمد عليك
نبي انفجار مصارش من قبل ..

عبدالله : ان شاء الله قد الثقة

في حد يسمع في كل كلامهم وكل تحركاتهم
يدرس فيها اول بأول …

من يكون خليكم معاي
هل رح تفيق اختها والا لا
خليكم معاي ..

الكاتبة : @_@
Eman Albasha