تمرد صحفيه الفصل السابع

✍️⁩تمرد صحفيه ⁦✍️⁩

?الفصل السابع ?

فى فيلا خالد الحناوى

وصلت دينا الفيلا وهى دموعها على خدها وطلعت تجرى على اوضتها ودخلت وقفلت الباب وراها واترمت على السرير بتاعها وقعدت تعيط وتقول
دينا :- يارب اعمل ايه فى المصيبه اللى انا فيها دى انا اللى غلطانه غبيه علشان صدقت واحد زى ده وروحت عنده لحد بيته وسكتت شويه وقالت اروح ابلغ عنه بس لو عرف هيفضحنى انا ممكن اروح اطلب مساعده من ظابط يقف جنبى وان شاءالله ربنا هيسترنى مش هيفضحنى ابدآ ودخلت الحمام غسلت وشها واخدت شنتطها ونزلت ركبت عربيتها وراحت القسم ودخلت لاقت عسكرى واقف قالت ليه لو سمحت ممكن اقابل اى ظابط موجود
العسكرى :- بخصوص ايه
دينا :- احم حاجه شخصيه
العسكرى :- اقفى هنا ثوانى وسابها وخبط على الباب ودخل وقفل الباب وراه وشويه وخرج وقال اتفضلى يا انسه
دينا :- ش.ش.شكرآ ودخلت المكتب وقفل العسكرى الباب
تامر :- اتفضلى يا انسه مش انسه برضه
دينا :- احم ا.ا.ايوه انسه دينا
تامر :- اتفضلى اقعدى يا انسه دينا
دينا :- قعدت وقالت ش.ش.شكرآ
تامر :- تشربى ايه
دينا :- ولا حاجه ميرسى
تامر :- خير اتفضلى
دينا :- بدء يظهر عليها علامة التوتر وتدعك فى ايديها
تامر:- لاحظ توترها طلب ليها عصير ليمون وقال أهدى يا انسه وان شاءالله اقدر اساعدك اتفضلى قولى مشكلتك
دينا :- احم ه.ه.هو انا مش عايزه اعمل محضر انا جايه اطلب مساعده شخصيه
تامر :- اتفضلى قولى
دينا :- احم ا.ا.انا كنت بحب واحد من سنه تقريبآ بس كانت علاقتنا فى حدود الأدب وكل ما الاقيه هيتجاوز حدوده افوقه
تامر :- تمام وبعدين
دينا :- احم وكان تملى يطلب منى فلوس وانا كنت بديها ليه علطول
تامر :- انتى من عيله غنيه يعنى
دينا :- ايوه
تامر :- وهو
دينا :- وهو كمان بس طبعآ مش فى المستوى بتاعنا
تامر :- ها وبعدين
دينا :- احم فى الفتره الاخيره دى لحظة منه أفعال غريبه بس كنت بقول عادى شاب وطايش وكده
تامر :- أفعال زى ايه
دينا :- يعنى كنت اشوفه بيتكلم مع بنت بطريقه مش تمام أو يقف بطريقه مش كويسه مع بنت وكنت تملى اعمل معاه مشكله بسبب كده
تامر :- ها وبعدين
دينا :- بس من كام يوم كلمته أن هو يبعد عن بنت قال انها بنت صاحبة مامته ومفيش حاجه ما بنهم
تامر :- وبعد عنها
دينا :- لاء طبعآ المهم بدء يزود طلبه على الفلوس بطريقه صعبه فطلبت منه يحافظ شويه على الفلوس اللى بياخدها منى زعل بس رضيته وانتهى الموضوع النهارده روحت اديله فلوس كان طلبها منى أصحابه قالو ليا أنه مشى هو و البنت اللى مصاحبها اتصلت بيه أنكر أن هى معاه وان هو وصلها وروح على البيت علشان تعبان وطلب منى اروح عنده علشان يثبت ليا انها مش معاه ولما رفض زعل وقفل السكه احم وبعد كده ركبت العربيه وروحت ليه على أساس أن انا مش هدخل هديلو الفلوس من على الباب واطمن عليه وامشى علطول بس وسكتت ودموعها نزلت منها
تامر :- أهدى يا انسه ومد أيده بمنديل وقال اتفضلى
دينا :- اخدت المنديل ومسحت دموعها وقالت شكرآ وكملت كلامها وقالت بس هو طلب منى ادخل علشان أثبت ليه ان انا مش خايفه منه دخلت وطلبت منه يسيب الباب مفتوح وافق على كلامى وسابه ودخلت قعد على الكنبه خرجت ليه الفلوس من الشنطه واديتها ليه اخدها منى وحاول يقرب منى لما زعلت وقولت امشى اتأسف ليا وقال إنه اندفع بمشاعره مش اكتر واستأذن منى ودخل يجيب ليا عصير
تامر :- اكملك انا وطبعآ حط ليكى منوم فى العصير وانتى شربتى العصير ومحستيش بحاجه
دينا :- فعلا ده اللى حصل حضرتك عرفت منين
تامر :- بأنفعال مش انتى بس ضحية شاب كتير جدآ من البنات بتقع ضحايا شباب كتير بيستعملو نفس الاسلوب ويوقعو بنت فيهم بمسمى الحب وفى الاخر حباية منوم والبنت تقع فى المحظور لأمته البنات هتفضل ضحايا شباب مستهتره لازم يكون فى توعيه من الأهل للبنت لازم يعرفوها أن اكتر الشباب تعابين بيعرفو يدخلو للبنت كويس اوى علشان يوصلو لرغباتهم الشهوانيه لازم يكون فيه توعيه من المجتمع ازاى البنت تقدر تسلم من الاعيب الشباب وازى متقعش فيه فوقو بقى الحب اللى بجد هو اللى يدخل الشاب من بابه اللى يخبط بيه على باب اهلكم ويطلب ايديكم بالحلال هو ده الحب بجد مش اللى يقول كلام معسول الحب هو خوف من ربنا عليكى قبل ما يكون عليه من الحرام الحب هو الشاب الغيور على حبيبته ويدارى جسمها ويحافظ عليه من عيون الناس كلها حتى من نفسه لحد ما يطولو فى الحلال كفايه بقى احنا زمن الانترنت والتوعيه الالكترونيه اتعظو منها ابوس ايديكم كفايه لبس ضيق واغراء فى الشباب جسمك امانه حافظى عليه للى يستاهل مش اى واحد يقولكم بحبك تروحو وتصدقو وتجرو عليه
دينا :- كانت بتسمع الكلام ده وهى منهاره
تامر :- اخد باله قال أنا آسف ليكى بجد بس اندفعت بكلامى لأن انا تعبت بجد من القضايا بتاعة الشرف تاج البنت عفيتها بس للاسف البنات دلوقتى القليل منهم ميعرفوش يعنى ايه عفه
دينا :- بدموع للاسف كلام حضرتك كله صح
تامر :- اتنهد وقال وطبعآ سلب منك اعز ما تملكى
دينا :- لالالا
تامر :- امال ايه
دينا :- ودموعها نازله منها ومكسوفه احم قلعنى ه.ه.هدومى وصورنى معاه مناظر مخله
تامر :- الوقح الزباله ادينى عنوانه
دينا :- لاء ابوس ايدك ده مهددنى لو مجبتش ليه الفلوس اللى طلبها منى هينشر الصور بتاعتى دى على النت ده غير أنه هيبعتها لاهلى
تامر :- هو طالب منك كام
دينا :- بدموع نص مليون جنيه
تامر :- ابن اللعيبه لعبها صح واكيد فيه حد بيساعده
دينا :- معرفش
تامر :- اكيد امال مين صوركم وانتو مع بعض
دينا :- اتكسفت وبصت فى الارض
تامر :- احم اسف مقصد كلامى أن دى عصابه وعارفين بيعملوا ايه كويس اوى
دينا :- كل اللى بطلبه من حضرتك انك تساعدنى من غير ما حد يعرف حاجه انا من عيله مشهوره وممكن خبر زى ده يضيع اهلى كلهم ده غير سمعتى انا كبنت
تامر :- فاهم فاهم هو طالب الفلوس دى امته
دينا :- بكره
تامر :- تمام بكره هتروحى عنده بشنطه مزيفه وسيبى الباقى عليا
دينا :- مش فاهمه حضرتك يعنى ايه شنطه مزيفه
تامر :- يعنى لما يشوفها يقول جواها الفلوس
دينا :- تمام فهمت احشيها اى حاجه
تامر :- ايوه كده
دينا :- بس انا خايفه
تامر :- متخافيش وكتب ليها رقمه وقال ده رقمى اتصلى عليا وانتى نازله بكره وابعتى ليا العنوان فى رساله
دينا :- اخدته منه وقالت ش.ش.شكرآ
تامر :- العفو بس يارب تكونى اتعلمتى من الدرس ده حاجه
دينا :- بضحكة حزن وقالت اتعلمت الدرس بس كان صعب عليا اوى انا عمرى ما هفكر احب تانى كلهم كدابين وخداعين
تامر :- ربنا يسعدك يا انسه دينا بالحلال يارب
دينا :- وقفت وقالت شكرآ جدآ لزوق حضرتك
تامر :- العفو ويارب ما تكونى زعلتى من كلامى لما اندفعت شويه
دينا :- لالالا خالص عن اذن حضرتك وخرجت من المكتب ركبت عربيتها ورجعت الفيلا وتامر قعد يشوف شغله
~•~•~•~•~•~•~•~•~•~•~•~•~•
فى الجريده

خلصت داليا شغلها ولسه هتمشى جه سكرتير المدير وبلغها أن هو عايزها اتعصبت وراحت عنده وخبطت على الباب ودخلت
المدير :- تعالى يا داليا
داليا :- خير يا فندم
المدير :- ليه منشرتيش الحوار اللى عملتيه مع ادهم الحناوى
داليا :- خلاص حضرتك بظبطه وهينزل فى العدد الجديد
المدير :- تمام مطلوب منك تروحى تعملى حوار مع علاء الحناوى
داليا :- على جثتى
المدير :- نعم
داليا :- على جثتى اروح اعمل الحوار ده حضرتك واخدنى مقاوله لعيلة الحناوى ولا ايه كفايه اللى بشوفه من يوم ما شوفت ابنهم أدهم الحناوى كفايه حرررررررام
المدير :- انتى اتجننتى ولا ايه يا داليا
داليا :- احمد ربنا حضرتك أن لسه فيا شوية عقل
المدير :- بنت
داليا :- قطعته وقالت وربنا ما انت مكمل اقولك انا بنت يا داليا اتكلمى عدل مع مديرك
المدير :- لا انتى اتجننتى رسمى
داليا :- راسمى فهمى نظمى
المدير :- لاء بجد ميتسكتش على حالتك دى
داليا :- اقولك على حاجه دبس فاطمه ولا منتهى هما بيحلمو بلقاء زى ده خليهم يشبعو بده
المدير:- ماشى يا داليا انا هعتبر اعصابك تعبانه شويه واللى بتعمليه ده غصب عنك اتفضلى على مكتبك
داليا :- ربنا يجبر بخاطرك يارب وتركب عدسات لاصقه بدل النضاره دى
المدير :- وهو بيدوس على سنانه اتفضلى روحى مكتبك
داليا :- شكرآ يا فندم وخرجت من عند المدير وراحت على مكاتبها وجه وراها السكرتير بتاع المدير وقال
السكرتير:- انسه منتهى كلمى المدير
منتهى :- بصت لداليا ولفاطمه ورجعت بصت لسكرتير وقالت خير فيه ايه
السكرتير :- معرفش هو عايزك
منتهى :- داليا فيه حاجه ولا ايه
داليا :- وهى بتكتم ضحكتها قالت روحى يا قلبى ربنا معاكى بس ادعيلى اوعى تدعى عليا وبعتت ليها بوسه فى الهوا
منتهى :- مش عارفه ليه مش مطمنالك ومشيت وسابتهم
داليا :- البس يا معلم هههههههه
فاطمه :- انتى عملتى ايه فى البت الغلبانه
داليا :- ولا حاجه حققت ليها حلمها
فاطمه :- اللى هو ايه
داليا :- لبستها فى واحد تانى من عيلة الحناوى
فاطمه :- بمعنى
داليا :- المدير طلب منى اروح اعمل حوار مع علاء الحناوى وانا رشحتك ورشحت البت توته حظها الحلو أن هو اختارها هى
فاطمه :- نعم نعم نعم لاء ده انا اصور ليكم قتيل هنا يعنى انتى تعملى مع ادهم الحناوى وهى تعمل مع علاء الحناوى وانا اتفرج عليكم انتو الاتنين
داليا :- يمكن ربنا يسهل ويطلب منك تعملى مع خالد الحناوى ابوهم ويبقى وقعتى من حظ البوص بتاعهم
فاطمه :- لا والله اخرتها يقع من نصيبى الكركوب ده مليش دعوه انا كمان عايزه شاب حليوه وامور زى اللى معاكم
داليا :- انتى عبيطه يا بت هو احنا هنتجوزهم
فاطمه :- امال ايه يا اختى
داليا :- دى عيله هم كلهم عايزين ضرب النار
فاطمه :- يعنى انتى مش هتتجوزى أدهم الحناوى
داليا :- ولا بطيقه
فاطمه :- ولا البت توته هتتجوز علاء الحناوى
داليا :- هى رايحه تتجوز ولا رايحه تشتغل يا عبيطه
فاطمه :- هييييييح طمنتى قلبى الله يطمنك
داليا :- وهى بتكتم ضحكتها بس برضه توته وشطارتها يمكن توقعه فيها ويتجوزها
فاطمه :- عااااااااا ده انا اروح فيها يا نتجوز احنا التلاته مع بعض يا نعنس احنا التلاته مع بعض إنما شغل نفسى نفسى ده مينفعش معايا فاهمين
منتهى :- وهى داخله من الباب فيه ايه يا مجنونه صوتك جايب اخر الدنيا
فاطمه :- ملييييييش دعوه انا عايزه عريس عرررررررريس
أكرم :- السلام عليكم
فاطمه :- بصت وقالت انت عريس
أكرم :- رفع أيده وقال لا والله
داليا :- انت جاى هنا ليه
أكرم :- ممكن اتكلم مع حضرتك على انفراد
داليا :- مفيش ما بنا كلام واتفضل من غير مطرود
أكرم :- انا مقدر عصبيتك دى ومش زعلان بس ادينى شوية وقت اشرح ليكى انا عملت كده ليه
داليا :- سكتت وبصت الاتجاه التانى
أكرم :- ارجوكى مش هطول عليكى
داليا :- اتفضل قول اللى عايز تقولو
أكرم :- طيب ممكن تيجى معايا فى اى كافيه نشرب حاجه ونتكلم
داليا :- انت هتصاحبنى قول الكلمتين واخلص
أكرم :- مش هينفع والله الكلام اللى هقولو مينفعش حد يسمعه
منتهى :- احم ممكن حضرتك تخليكم هنا اتكلمو براحتكم واحنا هنخرج
فاطمه :- على جثتى أخرج من هنا
أكرم :- نعم
فاطمه :- اه والله زى ما بقول لحضرتك اصل الدكتور واصف ليا اقعد فى مكان يكون فيه شمس والجريده مفيهاش مكان فيه شمس غير المكتب ده علشان كده انا لزقه اتفضل اتكلم وقول اللى عايز تقولو بقى
أكرم :- بص بأستغراب لفاطمه ورجع بص لداليا وقال قولتى ايه يا انسه داليا
داليا :- تمام اتفضل فى الكافيه اللى تحت الجريده لما نشوف اخرتها معاكم ايه
فاطمه :- ما تخليكم هنا المكان واسع وشرح ومرح ويسيع من الحبايب الف
أكرم :- بص لداليا وقال اتفضلى معايا
داليا :- مشيت قدامه وخرجت من المكتب
أكرم :- مشى لحد الباب ووقف فاجئه ورجع تانى لفاطمه وقال اه على فكره يا انسه بلاش تسكتى على نفسك شوفى اى دكتور نفسانى وتابعى معاه لان حالتك صعبه اوى عن اذنك وخرج وسابها
منتهى :- اتفتحت فى الضحك على الكلام اللى أكرم قالو لفاطمه
فاطمه :- بغيظ اتلمى يا توته وبعدين قالت كتك القرف فى حلاوتك كده
منتهى :- يخربيت جنانك فضحتينا
فاطمه :- يا اختى اتنيلى مشوفتيش عيونه ملونه وحلوه ازاى هيييييييييح يخربيت جمال امه ده يتاكل اكل يا شيخه هيييييييح
منتهى :- ههههههههههه ربنا يشفيكى على رأيه والله حالتك صعبه اوى ههههههههههه
فاطمه :- هه يا خفه ركزى انتى بس فى لقاء علاء الحناوى وسندت راسها على كف ايديها وقالت هييييييييييح
~•~•~•~•~•~•~•~•~•~•~•~•~•
فى شركة أدهم الحناوى

فى مكتب ادهم

مسك تليفون المكتب وطلب السكرتيره وقال

أدهم :- ابعتى ليا أكرم حالا
ميرفت :- استاذ أكرم نزل من شويه
أدهم :- مقالش رايح فين
ميرفت :- لا والله يا فندم
أدهم :- ماشى فيه مواعيد تانى ولا خلاص
ميرفت :- كان فيه ميعاد واحد واتلغى
أدهم :- بتاع مين
ميرفت :- بتاع شركة السماح للمقاولات
أدهم :- ودول كانو عايزين ايه
ميرفت :- على ما اعتقد أن هما كانو متفاقين مع حضرتك على صفقة معدات
أدهم :- اه اه افتكرت ومين لغى الميعاد
ميرفت :- الانسه رودينا طلبت تأجل الميعاد وقت تانى لأسباب خاصه
أدهم :- ماشى انا ماشى
ميرفت :- تمام يا فندم
أدهم :- قفل السكه وقام اخد المفاتيح بتاعته وتليفونه وخرج من المكتب نزل ركب عربيته ومشى بيها
~•~•~•~•~•~•~•~•~•~•~•~•~•
فى القسم

فى مكتب حمزه

كان قاعد بيفكر يلاقى فين السلاح بتاعه وفى الوقت ده الباب خبط ودخل تامر

تامر :- ايه يا عم مختفى كده ليه
حمزه :- بتريقه معلش اصل كنت بصيف انت عبيط يلا واحد سلاحه ضايع هيكون بيعمل ايه
تامر :- يا عم بفرفشك شويه فكها
حمزه :- يا لهووووووى على الغباء تامر ابوس راس امك اطلع من مكتبى وسبنى فى حالى
تامر :- اختشى يا قليل الادب وتبوس راس امى ليه هتتجوزها مثلا وتصلح غلطتك
حمزه :- اقولك على حاجه انا اللى همشى خليك قاعد بقى
تامر :- هههههههههههه خلاص خلاص اقعد متبقاش قفيش كده انا قولت اضحكك واخرجك شويه من الضغط اللى انت فيه
حمزه :- مين ليه نفس يضحك يا تامر انت مش حاسس بالمصيبه اللى انا فيها
تامر :- انت من غير اى حاجه يا حبيبى كشر مش حجة سلاح وربنا
حمزه :- اللهم طولك يا روح وفى الوقت ده الباب خبط ودخل العسكرى وقال
العسكرى :- فيه واحد برا عايز يقابل حضرتك
حمزه:- مقالش مين
العسكرى:- مد أيده بكارت وقال اتفضل يا باشا ده.الكارت بتاعه
حمزه :- اخده وبص فيه وقال بأستغراب خالد الحناوى
تامر :- خالد الحناوى؟ مش ده رجل الأعمال ابو ادهم الحناوى؟
حمزه :- اه هو
تامر :- وعايز منك ايه ده
حمزه :- معرفش
تامر :- دخله لما نشوف عايز ايه
حمزه :- بص للعسكرى وقال خليه يدخل
العسكرى :- تمام يا فندم وخرج وشويه ودخل خالد وقال
خالد :- السلام عليكم
تامر وحمزه :- وعليكم السلام
حمزه :- خير يا خالد باشا
خالد :- بص لتامر وبعدين بص لحمزه وقال كنت عايز اتكلم معاك فى موضوع بس على انفراد
تامر :- وقف وقال احم طيب عن اذنكم هروح انا مكتبى
حمزه :- ماشى وشويه وهحصلك
تامر :- مستنيك وخرج وسابهم
حمزه :- اتفضل قول بقينا لوحدنا
خالد:- استنيت تليفونك علشان نتكلم فى موضوع أدهم بس متصلتش قولت اجى انا بنفسى
حمزه :- موضوع ايه بالظبط
خالد :- مش احنا لما اتقابلنا قولتلك اعرف حاجات كتير عن أدهم
حمزه :- اللى هو ابنك
خالد :- قولتلك القانون فوق كل شئ
حمزه :- سكت شويه وفكر أن دى فرصه ينتقم من ادهم ويخلص منه ويخلص أخته منه
خالد :- ايه روحت فين
حمزه :- ها معاك تمام قول اللى عندك
خالد :- لاء استنا هنا ايه المقابل
حمزه :- مقابل
خالد :- ايوه يعنى انا هقولك معلومات كتير تساعدك تقبض على ادهم بسهوله ايه المقابل لكل ده
حمزه :- عايز ايه يعنى
خالد :- أسمى ميجيش فى التحقيقات ولا حد يطلب منى شهاده وتانى حاجه تحاول تثبت كلامى بأسرع وقت لان أدهم مش سهل يعنى ممكن يوصل ليه خبر ويأمن نفسه بسرعه كبيره
حمزه :- بس كده
خالد :- لاء طبعآ محتاج منك تعمل ليه قضيه ميعرفش يخرج منها ابدآ وعايز الناس كلها تعرف بموضوع حابسه فى اسرع وقت
حمزه :- بس متنساش أن ده هيضر برضه شركاتك لان هو ابنك
خالد :- ده ملهوش دعوه بده الناس كلها عارفه أن هو مجال شغله بعيد عن المجال بتاعنا احنا
حمزه :- موافق على الطلبات بتاعتك كلها
خالد :- يبقى اتفقنا
حمزه :- قول كل المعلومات اللى عندك
خالد :- بص يا سيدى أدهم بيتاجر فى الحبوب وبيجى ليه مشحون من بره على هيئة معدات وبتدخل البلد عن طريق البحر من مينا اسكندريه وفيه شحنه جايه بكره بليل بالاشتراك مع شركة السماح للمقاولات
حمزه :- معاك ورق يثبت كلامك ده
خالد :- اكيد طبعآ الدوسيه ده فيه كل الأوراق اللى تخص عملية بكره وامضت أدهم على دخول الشحنه
حمزه :- اخده منه وبص فى الورق واتأكد من كلام خالد وقال والله ووقعت يا ادهم يا حناوى
خالد :- انا نفذت اللى عليا نفذ اللى عليك انت بقى
حمزه :- اكيد طبعآ بكره هنعمل كمين وهنقبض عليهم متلبسين
خالد :- بضحكة شر ربنا يوفقك أن شاءالله ووقف وقال هستنا تليفونك بكره بقى تأكد ليا ان كله تمام
حمزه :- سلم عليه وقال إن شاءالله وخرج خالد من المكتب ومسك حمزه الدوسيه وقعد يبص عليه ويضحك وقال كل حاجه هتنتهى بكره يا ادهم
~•~•~•~•~•~•~•~•~•~•~•~•~•
فى الكافيه

عند داليا واكرم

داليا :- ادينا قعدنا فى الكافيه اتفضل اتكلم بقى
أكرم :- عارف انك مش طيقانى بسبب اللى حصل فى المكتب عند ادهم
داليا :- ولما عارف جاى ليه
أكرم :- علشان اقولك على الحقيقه وعلشان اعرفك أدهم اتعامل معاكى كده ليه
داليا :- بص انا عايزه اعرف الحقيقه مش اكتر ميخصنيش أدهم بتاعك ده
أكرم :- اسمعينى للاخر وبعد كده احكمى
داليا :- اممم اتكلم يا عم اللعيب
أكرم :- بصى يا ستى يوم ما جيتى المكتب عند ادهم انا كنت قاعد فى مكتبى ولاقيت ادهم بيتصل بيا وبيقولى أن فيه واحده قاعده عند السكرتيره اروح عندها وادخلها المكتب عنده
داليا :- اللى هو انا طبعآ
أكرم :- ايوه ودخلتك المكتب زى ما طلب منى وكان طالب منى أن أمسك شنتطك بأى طريقه واحط فيها الساعه الدهب بتاعته اللى كانت معايا وعملت كده فعلا لما كنت ماسك شنطتك وبعد كده أخرج من المكتب واقفل عليكم الباب بالمفتاح من بره كل ده من غير ما اعرف السبب المهم نفذت كلامه بالظبط وخرجت وقفلت الباب من بره وبعد كده روحت على مكتبى بس مقدرتش استحمل أن اكون سبب فى أذية بنت رجعت تانى بسرعه وفتحت الباب وانقذتك منه يعنى مكانش فيلم منى أن أعمل نفسى شجيع السيما بس فعلا انا وادهم اتخانقنا مع بعض علشان انقذتك من أيده
داليا :- ولما انت كويس اوى وشهم كده ليه مقولتش الحقيقه دى فى القسم
أكرم :- خوف عليكى انتى واهلك
داليا :- والله طيب اوى حضرتك
أكرم :- انا حاولت كتير اقنع أدهم يغير كلامه ويخرجك من اللى انتى فيه بس رفض ولما قولت ليه أن انا هقول الحقيقه هددنى بيكى وبأهلك وانا عارف أدهم كويس اوى لما بيحط حد فى دماغه مش بيرتاح غير لما يجيبو الارض وكان هينفذ كلامه وهيأذيكم اذيه اكبر من وجودك فى القسم ومش انتى بس كان هيأذى أهلك كمان علشان كده خوفت عليكم ومقولتش الحقيقه
داليا :- اللى مش قادره أفهمه ليه بيعمل معايا كل ده اللى حصل ما بينا ميوصلهوش للانتقام منى بالطريقه دى
أكرم :- لاء بالنسبه لادهم حاجه كبيره اوى ان فيه حد يوقف قصاده ويتحداه ومش اى حد دى بنت كمان علشان كده كبرت فى دماغه حكاية الانتقام علشان يكسرك قدام نفسك ويثبت لنفسه أن لسه متخلقش اللى يوقف قصاد ادهم الحناوى بس اللى هو ميعرفهوش ان اتخلق الشخص ده وقاعد قدامى كمان
داليا :- بصدمه تقصد انا
أكرم :- ايوه انتى انتى مش عارفه قيمتك ولا عارفه العمل العظيم اللى قدرتى تقومى بيه وده اللى شجعنى وخلانى اجيلك داليا انتى الوحيده اللى هتقدرى ترجعى أدهم لحياته الطبيعيه هتقدرى تنسيه اللى حصل ليه زمان انتى فى ايدك حياة جديده لشخص فقد طعم الحياة من زمان اوى
داليا :- انا! انا مش فاهمه حاجه خالص
أكرم :- ايوه انتى يا داليا انتى عارفه يعنى ايه تقفى قصاد أدهم الحناوى من غير خوف ولا راهبه يعنى ايه تردى عليه بكل قوة من غير ما حتى تتهزى ده شئ عظيم جدآ
داليا :- وايه المطلوب منى أن شاءالله
أكرم :- ايدى فى ايدك نرجع أدهم للحياه ننسيه وجع الماضى نديه شوية ثقه ونثبت ليه أن الناس كلها مش زى بعض فيها الكويس وفيها الوحش
داليا :- مش فاهمه نثبت ليه الناس مش زى بعض ليه ونرجع ليه الثقه علشان ايه وننسيه الماضى اللى هو ايه ده أسأله كتير اوى محتاجه ليها تفسير
أكرم :- هجوبك على كل اللى انتى عايزاه بس توعدينى انك تساعدينى
داليا :- مش لما افهم الاول ابقى اوعدك
أكرم :- متقلقيش هفهمك كل حاجه
داليا :- خلاص لما افهم ابقى اقرر اساعدك ولا لاء
أكرم :- تمام بصى يا ستى هحكيلك حكاية ادهم وأمه واللى كانت السبب فى تغير شخصيته بالطريقه دى
داليا :- ماشى قول
أكرم :- ………………
~•~•~•~•~•~•~•~•~•~•~•~•~•
بقلمى #دودومحمد