المطلقة صغيرة الحلقة السادسة
المطلقة صغيرة الحلقة السادسة
.
.
.
.
لا اسمح بنشرها بدون اسمي الكاتب:Arhima Alagory قراءة ممتعه للجميع
.
.
.
.
.
اسف ع تاخير امس كنت مريض وماقدرتش نفتح نت ونزلها ونشكر ناس لي سالت عليا ع خاص
.
وقعدت بعدها جاني انور روحت ثاني يوم مشيت لعيت عمي
عائشه:كيف حال اهلك
انا:الحمدلله
سلمي:امس خطبة اختك
انا:اها خطبه وتلبيسه وكانت تلبيسه تهبل دبله وخاتم وتورته وهدايه وتلفون وساعه وطاقم فضة
سهام:اها
انا:فعلا ناس عرفت شن تجيب وعرب عندهم ذوق
سهام:اصلا انور ماياخذ شي الا لما نقوله انا خوذ وكل شي بامري انا
وفعلا كلاها صاح انور اهله هم لي يغيرو فيه عليا
جا يوم كنت نرجا في بساعه بس صار شي ماتوقعتش يصير بكل يوم عرس صاحبتي المقربه مودة
في صبح
فوني يرن لقيت موده
انا:خير ياعروس
موده:شنجوك يا قلبي
انا:الحمدلله وانتي
موده:تمام ماتنسيش اليوم تعالي ضروري تجي
انا:حاضر اكيد توا نجيك
موده:نجكليا انشاءلله مانفقدك
انا:ولا نفقدك
وسكرت منها وتميت نلم ندير الغذاء جا انور
الكاتب:Arhima Alagory
انا:نحطلك الغداء
انور: اها ابدي حطي نخش ندوش ونطلع
انا:باه
وبديت نوتي في الغداء بعدها طلع انور من حمام
انا:هي تعال
انور:باه
قعدين نتغدو
انا:انور نبيك تشيلني
انور:وين
انا:لموده عرسها نبي نمشيلها انور:لالا مافيش مشي
انا:بس هذي صاحبتي مقربه وايام عرسي ما سيبتني وامبدري رنت عليا تقولي ضروري تجي
انور:لا مش ضروري تمشي وسكري ع موضوع خير ما نتعصب ونطربق دنيا ع راسك
انا:باه وصبيت خشيت دار
لقيت سلسبيل ترن عليا
انا:الو
سلسبيل:ايوه
انا:شنجوك
سلسبيل:تمام وانتي
انا:الحمدلله
سلسبيل:جايه اليوم انتي عند موده
انا:لا انور قال لالا
وخش عليا انور فك من تلفون
انور:في من كنتي تكلمي
انا:سلسبيل تسال فيا جايه ولالا
انور:احسن شي انك تنسي صاحباتك بكل وخذا تلفون ومسح ارقام صحباتي
انا:عليش مسحتهم
انور:انا لي نسال هنا انتي تجوبي وبس
انا:ليش تعامل فيا هكي عمري قصرت معاك في حاجه ولا نقصت عليك حاجه وطلعت سيبت في شقة
عائشة:كنكم اصواتكم عاليه
انا:نبي نحظر عرس صاحبتي المقربة قالي لا
عائشة:انتي تسمعي وتقولي باهي ومعش تسكري راسك
انا:انصدمت ونحكي بيني وبين نفسي لو هو بس ماعندش محنه عادي نتحمل بس هو وامه وخواته عليا واجد
ومرت الايام ومعش نمشي لهلي واجد وماما خافت عليا
الكاتب:Arhima Alagory
ماما:ساري امشي شوف هاجر وين معش جتنا
ساري:حاضر
جاني ساري
انا:فرحت لما شفته
ساري:وينك معش تجينا
انا:والله مانفضاش بكل انتو كيفكم
ساري:تمام الحمدلله ماما خايفه عليك
انا:سلملي عليهم كلهم
ساري:حاضر نبي نمشي توا تبي حاجه
انا:لالا سلامتك
وروح ساري ومشيت الايام وجت ايام وانا كل يوم مشاكل ونتحمل ومانبش مشاكل لاهلي ونتحمل اها ونسيت نقوللكم كنت متفقه مع انور ع اساس يديرلي تعيين بس كل كلام ومعش كملت قريتي ومعش حصلت تعيين كل كذب كلامهم كله نحكيلكم ع معامله اهله انور لما نمشيلهم نقاعد انا نخدم وخلاص جيبي يا هاجر شيلي يا هاجر اغسلي يا هاجر وكل حاجه هاجر يعني كانها ما عندهمش بنات في الحوش معامله شغاله
قعده عند عيت عمي
سهام:هاجر كنك لابسه هكي
انا:كنها
سهام:مش حلوه لبستك
انا:لا انا عجبتني
سهام:ياربي انتي ذوقك من يوم شين وحتي دبشك مش حلو
انا:سمعتها وفتت
طبعا كلامها كل كذب وهيا هك من يوم جيتهم ديما طلع فيا شينه وماعندش ذوق وحاجاتي مش حلوه عرب حسد يجري في عروقها ?
الكاتب:Arhima Alagory
المهم روحت للحوش وجيت نحكي لانور
انا:انور عارف اليوم سهام درتلي موقف شين بكل
انور:شن دارت
انا:مش اليوم بس ديما هكي
انور:تبي تحكي ولالا
انا:ديما مطلعتني مانعرفش نلبس وحجاتي شينات ومشكله ما تحكيلش بروحي تقاعد قدام هلك وتحكي
انور:اها باه نبي نرقد توا
انا:باه ارقد وطلعت من دار ونبكي ع معامله هذي واسلوب انور معايا
ومرت الايام وجا يوم جت في سلفتي مرت اخو زوجي طبعا هذي تسكن بعيد وفتره بعد فتره تجيهم مش نفسي انا نسكن جنبهم وديمه عندهم وقعدين نهدرزو
سلفتي:وسام اليوم جابلي عطر يهبل وبدون ما نقوله
سلمي:اها
انا:نسمع بس ?
سلفتي:وهذي مش اول مره ديما يحسب فيا وعمره ما نساني ربي مايحرمني منه
انا:وجعني خاطري واجد وقلت عادي ممكن مع العشرة يتغير
مشيت الايام وجا يوم 28/8/2016 يعني مرت سنه ع زواجي وانا في سنه هذي ما حسيتش بشي حلوه سنه من جفاف و تعب وغياب ورياف علي هلي وتفرقت علي صحباتي?
الكاتب:Arhima Alagory
المهم نحكيلكم شن صار معاي في عيد ميلاد معناتي لان مش زواج بفعلا معانه
جا يوم 28/8/2016
لبست قفطان اسود قصير حلو بكل واحلى شي درت كل بيش يهتم بيا انور تاخر قعدت نستنا فيه وجا في وقت متاخر
انا:واخيرا من امبدري نستنا فيك
انور:اها وعليش تستني فيا
انا:لان اليوم عيد زوجنا
انور:اها عارف
انا:تمام مدامك عارف اكيد مش ناسيني وجبتلي حاجه
انور:لالا شن تحكي انتي ولا تبي تقاعدي كيف مرت وسام وتقاعدي تحكي جابلي وجابلي وخواتي وامي يقاعدو يحكو عليا كيف ما يحكو ع وسام مرت لالا فوتي الموضوع
انا:معش قدرت نمسك روحي وقعدت نبكي
انور:ولا كاني نبكي عادي جدا عنده
انا:خشيت حولت القفطان وغسلت جهي وبعدها رقدت
مشيت ايام بعدها انا مشيت حوش جيران عيت عمي لان تعرفت عليهم ويقلولي تعالي
انا:دقيت باب
طلع ولدهم اسم محمود صاحب عبدو
محمود:فتح باب وجت عيني في عينه تفضلي
انا:شكرا
وخشيت نهدرز عندهم
عند عيت عمي
سلفتي مرت وسام اسمها ساره
عائشة:مفروض ادير حل روحها
ساره:شن ادير
عائشة:لزام تحمل نبي نشوف عيال انور
ساره:مش بيدها هيا
سهام:تخايلي تطلع ما تجيبش في عيال
سلمي:عادي توقعيها
عائشة:توا نحكي مع انور يدير حل
انا طلعت من جيرانا وانا طالعه لقيت محمود قدام باب
الكاتب:Arhima Alagory
المهم بعد ايام مشيت لساره نهدرز معاها
سارة:نورتي يا هاجر
انا:منور بيكم
سارة:كيفك
انا:الحمدلله وانتي
سارة:تمام حال تعب والعيال
انا:ربي يحفظهم
سارة:انشاءلله هاجر نبي نحكيلك
انا:شنو احكي
سارة:راه عيت عمي مضايقين واجد
انا:عليش
سارة:يبوك تحملي قالو ضروري تحمل
انا:هذي بيد الله
سارة:اكيد وحتي سهام قالت تخيلوها ما تجيبش عيال
انا:اصلا انا ما مشيتش دكتور بيش نقول ان نقدر نخلف ولالا مفروض يقولو كلام مقنع
سارة:اها صاح باهي امشي لدكتور
انا:انشاءلله
قعدت عند سارة وبعد العشاء جاني انور وروحنا
انور:خشي علي هلي
انا:في صبح كنت عندهم
انور:مافيها شي لو خشيتي اخره
انا:باه
خشيت لقيت عندهم راجل قريبهم
انا:سلام عليكم
سهام:عليك سلام تعالي هنا في راجل
انا:من
سهام:شن دخلك
انا:نسال من راجل
سهام:مش ضروري
بعدها روح راجل خشيت سلمت ع عمتي
عائشه:وينك اليوم
انا:كنت عند سارة
عائشة:وكنك ما قلتيلنا
انا:قلتها لي انور هو شالني
عائشة:بحتت في انور
انا:تبو حاجه
انور:وين
انا:نبي نروح للشقة
عائشة:باه امشي
انا:طلعت بدون ولا كلمة
عائشة:اسمع يا انور
انور:نعم
عائشة:مرتك قعدت 24ساعه طالعه من حوش
سهام:صاح معش تبي تقعد بكل
انور:باهي توا ندويلها
عائشة:مش تدويلها امنع عليها الطلوع بكل
انور:انشاءلله
عائشة:بعدين موضوع اخر
انور: شنو
عائشة:مرتك امتي تحمل لزام ادير حل نحنا زوجنك نبو نشوفو عيالك
انور:حاضر
عائشة: ايوة كان ما درتش هي حل انا عندي حل
الكاتب:Arhima Alagory
عندي في الحوش
روحت غيرت دبشي وخشيت داري بعدها جاني انور نفس كل مره نظراته مش حلوات بكل كل ما يمشي لاهله يروح متعقد ومش طايقني خش رقد بدون ولا كلمة حتي تصبحي ع خير ما قالها وانا رقدت
ثاني يوم
المنبة:عند راسي يرن
انا:نضت خشيت حمام وجيت نوعي في انور
انا:انور
انور: نعم
انا:هي صبي وقت
انور:باهي توا نصبي
انا:خلاص ساعه 6صبي
انور:باه نضت امشي وتي الفطور
انا:باه
مشيت للمطبخ وتيت الفطور
انور في الحمام بعدها طلع
انا:هي تعال الفطور واتي
انور:باه قعمز يفطر
انا:معاه
انور:بعد خطرها امي امس تحكيلي
انا:علي شنو
انور:ع طلوعك
انا:اين طلوع حرام عليك والله ما نطلع واجد هلي لي هم هلي نمشيلهم بعد وين و وين
انور:لي انا قتلك بعدين معش في طلوع بكل
انا:وعليش
انور:انا قتلك وانتها الموضوع بعدين الحمل مفروض ادير حل روحك امي تبيك تحملي
انا:يعني امك تبيني نحمل وانت لا
انور:لا حتي انا
انا:باهي حمل انا ما مشيتش دكتور شيلني دكتور نشوف شن عندي
انور:باهي بعد نروح ساهل
انا:باه
وطلع انور وانا خشيت نلم حوسه الحوش ودرت الغداء خذيت فوني رنيت ع ماما
ماما:وينك يا هاجر
انا:والله قاعده يا ماما تعب وخلاص
ماما:كنك مريضة ولا حاجه
انا:لالا الحمدلله انتو كيف حالكم
ماما:الحمدلله
انا:سلميلي عليهم كلهم
ماما:يوصل
الكاتب:Arhima Alagory
بعدها روح انور وتغدينا وانا نغسل المواعين
انور:بعدين العشية نمشو للدكتور
انا:باه
طبعا انور مهتم للموضوع لان امه طلبت منه هكي
جت العشيه وتيت روحي وطلعنا
سهام:وين بيها
انور:ماشين للدكتور
سهام:عليش لاباس
انور:لا نشوف موضوع حمل هاجر
سهام:كان تبي تحمل راه حملت بدون دكتور
انا:سمعتها وبحتت في انور ومشيت ركبت سيارة
بنسبه لسهام شكلها حسد وغيره وحقد لان هاجر اصغر منها ومتزوجه وهيا كبيرة والله واعلم
وطلعنا للمستشفي
انور:هي انزلي
نزلت وخشينا قعدنا شوي جا دورنا
انا خشيت ع دكتور وانور معايا
انور:سلام عليكم
دكتور:عليكم سلام تفضلو
انور:شكرا
دكتور:تفضل شن عندكم
انا:حكيتله
دكتور:انتي ….
عند عيت عمي عبدو قاعد قدام الحوش جا محمود صاحب
عبدو:حوده ياغالي
محمود:شنجوك
عبدو:تمام
طبعا انا من قبل يجي محمود وعبدو يقولي ديري قهوة ونطلع فيها له عند باب ويجي عبدو ياخذها
محمود:امورك تمام
عبدو:الحمدلله دقيقة نوصيهم ع قهوة
محمود:اربح
عبدو:وصاهم ع قهوة ورد مع محمود
محمود:عبدو نبيك في موضوع ضروري
عبدو:تفضل
محمود:جايك نبي نقولك…
.
.
.
.