المطلقة صغيرة الحلقة السابعة

المطلقة صغيرة الحلقة السابعة

.
.
.
.
لا اسمح بنشرها بدون اسمي الكاتب:Arhima Alagory قراءة ممتعه للجميع
.
.
.
.
.
وطلعنا للمستشفي
انور:هي انزلي
نزلت وخشينا قعدنا شوي جا دورنا
انا خشيت ع دكتور وانور معايا
انور:سلام عليكم
دكتور:عليكم سلام تفضلو
انور:شكرا
دكتور:تفضل شن عندكم
انا:حكيتله
دكتور:انتي ….

عند عيت عمي عبدو قاعد قدام الحوش جا محمود صاحب
عبدو:حوده ياغالي
محمود:شنجوك
عبدو:تمام
طبعا انا من قبل يجي محمود وعبدو يقولي ديري قهوة ونطلع فيها له عند باب ويجي عبدو ياخذها
محمود:امورك تمام
عبدو:الحمدلله دقيقة نوصيهم ع قهوة
محمود:اربح
عبدو:وصاهم ع قهوة ورد مع محمود
محمود:عبدو نبيك في موضوع ضروري
عبدو:تفضل
محمود:جايك نبي نقولك اني نبي اختك
عبدو:والله شن نقولك تفضل في اي وقت
محمود:تسلم يا عبدو

عندي انا عند دكتور
انا:حكيتله ودكتور شافتي
دكتور:والله انتي مافيك شي بس مزلتي صغيرة ومسائلة مسائلة وقت بس
انور:يعني في امل يا دكتور
دكتور:ليش لا مرتك مافيها شي مزالت صغيرة بس
انور:شكرا يا دكتور
دكتور:العفو هضا واجبي

الكاتب:Arhima Alagory

وطلعنا من مستشفي ركبنا سيارة وانور ولا كلمة
انا:سمعت دكتور
انور:اها سمعته
انا:ليش هلك هكي يحكو عليا وانا مافيا شي
انور:هلي خاطرهم يشوفو عيالي
انا:لا انا مش خاطري نكون ام ويكون عندي عيال
انور:باهي خلاص سكري ع موضوع
انا:باه خلاص

روحنا للحوش وخشيت ع عيت عمي
انا:سلام عليكم
عائشة وبنات:عليك سلام
انا:كيف حالكم
عائشة:الحمدلله
انا:كنت عند دكتور انا انور
عائشة:باهي
انا:قالي مافيك شي قصه انك صغيره بس
عائشة:باهي الحمدلله
وهدرزنا وروحنا

ومرت الايام
محمود طلب يشوف اخت عبدو
محمود قاعد في مربوعه ومعاه عبدو
عبدو:سلمي تعالي
جت سلمي:نعم
عبدو:حطي ع راسك وتعالي خشي
سلمي:حاضر
خشت سلمي:سلام عليكم
محمود:عليك سلام
سلمت سلمي ع محمود وطلعت وطلع محمود

الكاتب:Arhima Alagory

بس محمود بعد شاف سلمي قف تليفوناته وحتي لما يشوف عبدو يتغير وعبدو شك ان في شي

عند عيت عمي
قعده انا وعائشة وعبدو وسلمي
عبدو:سلمي اطلعي برا
طلعت سلمي
عبدو:امي راه محمود متغير عليا ومعش يحكي معاي ويفوت فيا
عائشة:زعما ما عجباتش سلمي
عبدو:توقعي اي شي

وبعد فترة قرر محمود يحكي مع عبدو في موضوع جا محمود لعبدو
محمود:عبدو شنجوك
عبدو:واخيرا اذكرتنا
محمود:انا جاي نبي نحكيلك نبيك تفهمني
عبدو:شنو نسمع فيك
محمود:انا نبي اختك الكبيره
عبدو:انصدم اين اخت كبيره
محمود:من نهايه نبي اختك لي مدتلك القهوة هذك اليوم
عبدو:ما عندش اخت كبيرة انا عندي 3خوات وحده متزوجه وحده كبيرة واجد عليك والاخره سلمي لي شفتها بس لي مدتلي القهوة هذي مرت انور يا محمود واسف يا محمود من اليوم انساني وانسه ان عندك صاحب اسمه عبدو
محمود:بس
عبدو:لي صار صعب يا عبدو وكان ترضها في خواتك هذي حاجه ثانيه

جا عبدو
عبدو:يا امي
عائشة:نعم
عبدو:راه صار وحكالها قصه كلها
وانا قاعده وسمعتها
عائشة:معقوله محمود يدير هكي
عبدو:خلاص انا محمود سكرت عليها وشطبت عليه بالاحمر
عائشة:المهم ماتحكش لانور الموضوع
عبدو:لا عارف

الكاتب:Arhima Alagory

بعدها فهمنا سلمي الموضوع وقعدت تبكي وجعتها لي صار معاها بس بدت في الحرب معاي انا شن دخلني مش عارفه عائلة نفسيات كلهم تمت كل ما تشوفني تبتسم ابتسامه شر

مرت الايام واناعند عيت عمي
جتني سلمي:هاجر امشي غيري لبستك وبنتك بعدها تعالي
انا:كنها عليش
سلمي: لبستك ضيقة امشي غيريها ومعش تجي بيها وحتي مكياج معش تمكيجي
مشكله ما كنتش نمكيج واجد وقعدت تحرب فيا وكل ما نبي نطلع تقول انا نبي نطلع وتخرب عليا وطلعه تجيني بعد فتره لكن كانت هك تخرب عليا ولا تطلع معاي

جا العيد
وعيدنا وجو تمام بس كان كل شي عليا انا ونخدم ونطيب وندير بعدها جا ليل روحت للشقه وكنت تعبانه بكل

جاني انور متعقد طبعا كان يدخن في شي غريب وشكيت انه حشيش
انور:انتي هنا واختي تغسل في الجنان اطلعي ساعديها
انا:والله تعبانه من صبح وانا نخدم وكل عليا انا وهم رقدات
انور:انا قتلك اطلعي اصلا انا عليش جايبك بيش تخدمي وانتي ساكته
انا:بس قتلك تعبانه ومن امبدري نخدم افهمني
انور:ضربني كف توا تطلعي تسعديها
انا:دموعي نزلن طول انا ح نطلع توا بس عارف حسبي الله ونعم الوكيل

وطلعت لقيت سلمي تضحك
سلمي:شفتي كيف جاك انور متعقد
انا:منك انتي
سلمي:لالا بس قتله وين هاجر كنها ما تسعدنا
انا:كف يوجع فيا قلتلها حسبي الله ونعم الوكيل فيك
سلمي:كنك انتي
وبديت انا ويها كلمه بكلمه
طلع انور
انور:كنكم
انا:اختك تكذب عليا
سلمي:هيا كذابه لانك قتلها اخدمي طلعت تعركت معايا
انور:انتي ما تبش تريحي روحك عارفه يا هاجر لو ما تفكيني من مشاكل نكسرلك راسك

الكاتب:Arhima Alagory

انا خشيت للشقة ورنيت ع بابا
بابا:الو هاجر
انا:بابا نبي نجيكم يومين تعال خوذني
بابا:توا نجيك في طريق وتي روحك

جا بابا ومشيت معاه
انا:سلام عليكم
ماسه:اي هاجر جت
انا:حضنتها مرايفه عليك
ماسه:حتي انا
خشيت وسلمت ع اهلي
وحكيت لماما لي صار
انا:ياماما حطات راسهن من راسي وكل حاجه مسكتها انا تعبت
ماما:تحملي يا بنيتي صغيرة ماتعدلش عليها

المهم قعدت يومين ورجعت لحوشي لما رجعت لقيتها نفس معامله ماتغير شي ومرت ع زواجي سنه وسبعة شهور

وقعدت فترة ما مشيتش لامي بعدها قلت نمشي لهلي وخذيت معايا حاجات من الحوش لان ماسه وانس صغار ويفرحو بيهم

عندنا في حوش هلي
نهدرزو رن فوني لقيت انور
انا:الو
انور:تعرفي الحاجات لي خذيتهن لهلك ترديهن توا وتعالي
انا:انحرجت وهلي سمعو كلام كلهم ومنهم بابا
انا:باه و سكرت
بابا:تعقد وصلت للحد هذا انا عارف ان خواته مش مريحاتك وحاس في حاجه بس مدام حتي هو هكي ويحكي معاك هكي معش تمشيله وطلع بابا

الكاتب:Arhima Alagory

بابا مشا للمحل خذا الحاجات لي جبتهم واكثر منهم وشالها معاه لحوش انور
بابا:دق باب
انور:فتح باب
بابا:امسك هذي الحاجات لي ميت عليهن وبنتي اتجي طلقاها ومعش نبو منك شي

وجا بابا للحوش
بابا:خلاص رجعتله الحاجات وانتي معش تمشيله
انا:قعدت نبكي بس قلت خلاص انا تعبت ايهانه وضرب ونبي نتريح

بعد اسبوعين
جونا عائشة و وسام وعبدو

في مربوعه
وسام:والله يا حاج نبو نحلوها وترد هاجر لحوشها وكيف قبل
بابا:هاجر لي شفاته منكم سادها شن مزال تبو اديرولها
عبدو:حقك علينا يا حاج
بابا:وين انور حتي توا ماجش بيش يردها
وسام:نحنا قلنله توا نردوها لك
وعائشة تحكي مع ماما
ماما:بس يا عائشه واجد راه
عائشة:ربي يهديهم والله نحنا مانبو نخربو بيتهم
ماما:بس ولدك هك يبي
عائشة:خلاص يا سميه انا جايه نبي نروح بيها

الكاتب:Arhima Alagory

المهم بعد هضا كله رديت غصبان عني

رديت ما يحكوش معايا وفايتني انا نحكي بيني وبين نفسي ليش هم هكي جايين عليا بس قلت عادي خير من كلام ومشاكل وفتت

قعدت فترة ما مشيتش لاهلي
امي:يا امجد امشي لحوش هاجر اسال عليها
امجد:باهي
وجاني امجد
قعد معاي واطمن عليا هو طالع شفاته سلمي
سلمي:خزي عليك وعلي هلك ناس ما تتحشمش وقعدت تسب فيه وفي بابا وكلام واجد امجد:جا يبي يرد عليها
انا:خلاص امجد روح انت

روح امجد وطلعت ع سلمي
انا:حرام عليك شن دارلك
سلمي:هك كساد ومدت يدها عليا
انا:مسكت يدها انتي كنك شن جاك مني بيش اديري معايا هكي
وقعدت كلمه بكلمه معاها جا انور لقانا نتعاركو
انور:طول جا مسكني من شعري كنك انتي ويها
سلمي:توا جايها خوها وقعد يسب فينا ويسب فيا بعد طلعت عليه
انا:كذاب هي لي تسب فيا وفي خوي وبوي
انور:انتي كذابه يا حقيره يا حيوانه حشاك طبعا ? وقعد يضرب فيا
انا:حول يدك شعري
انور:يضرب فيا ويكر في من شعري
انا:فكيت روحي خلاص انا تعبت منك ومن هلك ومدام انا كذابه معش نلزمك ومعش قعدتلك قولي ع حاجه حلوه درتها ليا توا نقاعد معاك لكن كله كذب في كذب
انور:سكري فمك
انا:توا تشيلني لحوشنا مش قاعدتلك بكل
وخشيت لميت دبشي وشالني لحوشنا

الكاتب:Arhima Alagory

انا:خشيت نبكي
مرام:كنك حبيبتي وحضنتني وانا نبكي
ماما:كنها هاجر
طلع بابا
بابا:هاجر خشي لدارك مزلت قاعد وانتي هضا مكانك ومعش ترديله

وقعدت في حوش هلي فترة حاول كم مره يرجعني لكن خلاص تعبت من سب وضرب خشو ناس كبار في موضوع لان مش راضي ع طلاقي

جاني بابا
بابا:هاجر نبي نحكي معاك
انا:تفضل يا بابا
بابا:ناس تجي ع موضوعك يبو يردوك وانا ما نبش نظلمك ظلمتك مره ومانبش نظلمك في ثانيه
انا:واللهي يا بابا
بابا:اي قرار تاخذي انا معاك
انا:نبي نتريح مليت وتعبت من هضا كل وقعدت نبكي
بابا:خلاص اسكتي توا نريحك
طلع بابا لناس وقاللهم ان نبي طلاق

بعدها انور قررنا طلاق وطلقني وكان تاريخ طلاقي يوم11/12/2017 وهكي تريحت من انور وبديت حياه جديده بس مزال انور مخرب حياتي توا تعرفو عليش…
.
.
.
.
.

error: