المطلقة صغيرة الحلقة الخامسة

.
.
.
.
لا اسمح بنشرها بدون اسمي الكاتب:Arhima Alagory قراءة ممتعه للجميع
.
.
.
.
.
بعد صورنا وجو هضا
انور:هي نمشو
انا:باه
انور:مسكني من يدي ونزل طرحه وطلعنا
ماما:تبكي
مرام:حتي هيا
انا:عيوني يدمعن ونبي نبكي معقوله انور لي مانعرفش وليا شهرين بس نحكي معاه توا طالعه معاه ونبي نعيش معاه
ماما:ردبالك منها يا انور
انور:انشاءلله
وطلعنا طبعا عنده خوته في كتيبه ويوها جيبين سلاح ولعو الدنيا رصاص وانور يشوف لعيوني ويقولي عيونك يهبلو يا هاجر وانا صاح حاسه بشي حلو بس خايفه ومن خوف تحول الطرحه مني يقاعد يعيط عليا هاجر شنو هضا انا نغار وانتي لزام تسيطري ع روحك وتمسكي اكويس وقعد يعيط بعدها ركبنا في سيارة و وطلعنا وقعدنا نبرمو في الشوارع وخوته ورنا وقدمنا وسيارات واجد ورصاص والعاب ناريه
انور:هاجر شوفي هذا خويا رضوان وهذا عبدو وهذا ربيع هذوم خوتي مش متزوجين
انا:ربي يحفظهم
انور:ويحفظك ليا

الكاتب:Arhima Alagory
بعدها وصلنا للحوش وانا خايفه من سلاح واستقبلتنا العيله اعمامه وخواله نسمع مشاءلله تبراك الرحمن ومبروك وانور يرد عليهم الله يبارك فيكم
بعدها شفت اخته الكبيره وكانت من بدايه نظراتها ليا مش مريحتني بس ما عدلتش عليها

بعدها خشيت انا وياه
انور:تفضلي هاجر
انا:خشيت
انور:نورتي حوشك
انا:منور بيك
انور:تفضلي خشي عليش متحشمه
انا:خشيت للدار وكنت متوتره اول مره نقاعد مع واحد بروحنا في حوش والاكثر اني ما نعرفش اكويس بس عارف ان راجلي لكن مزال لان فتره بسيطة نعرفه فيها
المهم خشيت للشناطي متاعي والبتات وشفت انهم مفتشين وشايفين كل شي لان كانت واضحه عادي فتتها وما عدلتش عليهم
بعدها مرت الايام وجو اكويس ومافيش مشاكل بس في حاجه نحنا متفقين معاهم ان يبني حوش بس طلع مافيش حوش ويسكن جنب اهله شقة صغيرة

بعد اسبوع مشيت لاهلي
انور:هي يا هاجر انا واتي
انا:حتي انا وطلعت
لقيت سهام
سهام:علي وين انشاءلله
انور:ماشين لاهل هاجر
سهام:اها باهي تمام
انا:شوي انور نشوف عمتي لان امس قلتلها تمشي معاي
انور:باهي
سهام:ماما طلعت ومش قاعده
انا:اها باهي عادي
انور:هي هاجر
ومشيت مع انور

الكاتب:Arhima Alagory

مشينا لحوشنا
انا:هي انزل
انور:توا ننزل دقي عليهم
انا:دقيت باب
امجد:هي شوي
انا:افتح بسرعه
امجد:يا ماما جتنا البارده وفتح باب
انا:يا حيوان انا بارده
امجد:بكل
ماسه:هاجر جتني تجري
انا:نجكليا
ماسه:زعلانه منك كنك طولتي عليا وين شوكلاطه
انا:حاضر يا سمحه
ماما:خير يا هاجر رايفنا عليك
انا:نجيكم ليا
مرام:جيتنا
انا:تحسبيني ننساكم
مرام:عرفتك رايفت ع هرجتك
انا:حتي انا والله
بابا:خير بنيتي
انا:بابا كيف حالك
بابا:الحمدلله وانتي
انا:بخير
بابا:وين انور
انا:برا قاعد
طلع بابا:هي يا انور تفضل معقول متحشم
انور:الله يبارك فيك يا عمي
وخشيت هدرزت وتعشينا عند هلي
انور:هي نمشو
انا:تمام نلبس ونجيك
انور:باه
بابا:بدري خليكم
انور:والله عمي نبي نرقد ونوض بدري
بابا:ربي يعونك
مرام:عوديها
انا:اكيده
ماما:ردبالك من روحك
انا:حاضر
ماسه: وين ماشية
انا:ماشيه حوشي
ماسه:هضا حوشك
انا:لالا توا نجيك بكري ونجيبلك شوكلاطه
ماسه:تمام نمشي معاك
ماما:تسيبني انا
ماسه:توا نجيك بكري مع هاجر
انا:لالا انا كان نبي نجي نبي نجيك انتي
ماسه:باه نرجا فيك
وطلعت لسيارة
انور:ساعه بيش تطلعي
انا:مش هكي بس ماسه تحكي معايا
انور:اخره مره اديرها
انا:انشاءلله

روحنا حوشنا
انا:نزلت نبي نخش شقة
انور:وين ماشيه خشي ع امي
انا:نغير بس
خشيت غيرت وبعدها مشيت لعيت عمي
انا:سلام عليكم
ربيع:عليك سلام وين يا هاجر مختفي
انا:قاعده انت مختفي
ربيع:شغل واللهي
انا ربي يعون
عائشة:باهي جيتي
انا:كنت نغير في دبشي
سلمي:كان جيتي بدبشك عادي
انا:لا قلت نغير خير
سهام:كل كيف بعض دبشك ع اساس عندك حاجه سمحه
رضوان:غير كلام هاجر شن حال هلك
انا:الله يسلمك يا رضوان الحمدلله
قعدنا نهدرزو شوي انور قالي هي نروحو
انا:باه
خش عبدو
عبدو:وين توا نطلع انا معنها
انا:عليش كنك
عبدو:خشيت انا خطرلكم تروحو
انا:هضا هو خلاص
روحنا حوش
انور:انا نخش نرقد ونوضيني ساعه 6 توا نحط منبه عند راسك بيش تنوضي اديري فطور
انا:باه
وكانت هذي حياتي نوض بدري نوعيه نديرله فطور ويطلع يشيل عمال ويجيبهم وهكي

الكاتب:Arhima Alagory

بعدها مرت الايام وجا شهر 10 وكانت حناه انور مريضه وتعبانه مشينلها
انور:كيفك حناي
حناه:الحمدلله
انا:لاباس عليك حناي
حناه:ماتشوفي باس
عائشة:هذي مرات انور عرفتيها
حناه:اها عرفتها

وقعدنا شويه و روحنا
انا:انور اليوم تاريخ كم
انور:10/10
انا:مش عارف اليوم شنو
انور:لا شن اليوم
انا:صاح عمرك ما سالتني ع حاجه تخصني
انور:قصدك عيد ميلادك
انا:اها اليوم
انور:باه
وصلنا حوش وخشيت للحوش

ساعه 9جا انور
انور:هاجر
انا:نعم
انور:امسكي هذي تورته عيد ميلادك بيش ماتقولش انور نساني
انا:فرحت بيها لان الحاجه الوحيده دارها ليا انور تفرحني طول عشرتي معاه
انور:بس نبيك تشيليها للبنات وامي
انا:حاضر

وشلتها لحوش عمي
انا:دقيت باب
عائشه :فتحت باب شنو هذي
انا:عيد ميلادي جابها ليا انور
عائشة:اها خشي باهي

اناخشيت مع بنات

انور مع امه في دار
عائشة:عليش تورته
انور:عيد ميلاد عائشة
عائشة:عليش تكاليف زايدة وانا نقصني دواء سكر
انور:اها

انا وتيت كل حاجه
انا:انور وتيت تعال
انور:لا مانبش
انا:نجيبلك
انور:قتلك مانبش
انا:باه

انا كليت انا وبنات وخذيت طرف لانور
انا:يا سهام باقي خوذي للاولاد
سهام:باه
انا:خلاص نبي نروح

وروحت وانا شي نقصني لان ما شركنش فرحتي ولا قالي حتي كلمه سمحه لان كلام يفرح اكثر من كل حاجه بس قهرتني ما حسيت بحبه معاه بكل راجل بلا مشاعر

الكاتب:Arhima Alagory

بعدها روح انور وكان متعقد خش رقد
ثاني يوم نفطر انا وياه
انور:تعرفي غلطت لما جبتلك تورته
انا:عليش
انور:امي ناقص عليها دواء سكر وانا نصرف ع حاجه تافها انا:كانها ما قلتلك ع دواء وهيا عند حناك
انور:شن قصدك امي كذابه
انا:مش هكي
انور:لا هكي ولو ماتسكرش فمك نتعصب عليك ونكون واحد ثاني وطلع سيبني
انا:قعدت نبكي لان متزوجه راجل ماعندش قلب بكل وبلا مشاعر

ومشيت الايام وجت خطوبة اختي مرام طبعا مرام تبي ولد جيران انور من ايام ثانوية 5سنين علاقة جاب عيلته وخطبوها ومرام موضوع مع بابا وقلتله شاب يقرى معاي ونعرفه من ايام ثانوية واليوم جايبه اهله بابا وافق عليه

عندنا في حوش اهلي
انا:مبروك حبيبتي
مرام:الله يبارك فيك
انا:ربي يهنيكم
مرام:انشاءلله يارب
وجونا عيلته علي
وكانت خطبة وتلبيسة تهبل جابلها دبله وخاتم وتورته وهدايه وساعه وطاقم فضة حلو وتلفون
انا:نشوف ونبكي
ماما:هاجر خيرك حبيبتي
انا:لا بس فرحانه يا ماما ان مرام بعد هضا كله تزوجته لي تحبه
ماما:ربي يهنيكم
انا نبكي لان شفت معنى الحب وانا متزوجه عمري ما فرحت هكي
مرام:كانت فرحانه وتبي اطير من فرحه
انا:ربي يهنيك يارب
مرام:تسلمي خيتي

الكاتب:Arhima Alagory

وقعدت بعدها جاني انور روحت ثاني يوم مشيت لعيت عمي
عائشه:كيف حال اهلك
انا:الحمدلله
سلمي:امس خطبة اختك
انا:اها خطبه وتلبيسه وكانت تلبيسه تهبل دبله وخاتم وتورته وهدايه وتلفون وساعه وطاقم فضة
سهام:اها
انا:فعلا ناس عرفت شن تجيب وعرب عندهم ذوق
سهام:اصلا انور ماياخذ شي الا لما نقوله انا خوذ وكل شي بامري انا

وفعلا كلاها صاح انور اهله هم لي يغيرو فيه عليا

جا يوم كنت نرجا في بساعه بس صار شي ماتوقعتش يصير بكل…
.
.
.
.
.