المطلقة صغيرة الحلقة الثانية
المطلقة صغيرة الحلقة الثانية
.
.
.
.
الكاتب:Arhima Alagory قراءة ممتعه للجميع
.
.
.
.
.
عندي انا ومرام
انا:خايفه يا مرام
مرام:بلا خوف امشي
انا:باهي توا نمشي
مرام:ياريت انا راه والله ما نتحشمش خطيبي هضا
انا:خطيبي اول مره نشوفه
مرام:شيلي قهوة وامشي
انا:باه
ماما:تعالي يا هاجر
مرام:عاجبك توا امك تضبحلك
انا:باهي خلاص اسكتي
خذيت سفرة قهوة خشيت
انا:راسي لوطه ومتحشمه سلام عليكم
انور:عليك سلام
ماما:خشي يا هاجر
انا:خشيت تفضل مديتله القهوة
انور:شكرا تسلم ايديك
انا:تفضلي يا ماما
ماما:حطي توا نشرب قعمزي انتي
انا:باه وقعمزت
نحكيلكم ع انور طويل عيون خضر صغيرات اسمر لحيته سوده وكان من منضره مش حنون بس بابا يشكر فيه
انور:كيفك
انا:الحمدلله وانت
انور:تمام الحمدلله
انا:ساكته
انور:شن اخبار القرايه
انا:تمام
انور:باهي تمام وبعد تكملي سنه هذي شن
انا:مزال مش عارفه
انور:لالا توا نديرلك تعيين عندي راجل اختي ايدر فيه بعد تاخذي ثانويه انديرلك تعيين ودارسي
انا:تمام
انور:عندك تلفون
انا:لالا تلفون ماما هو لي نكلم بيه صاحباتي ونتواصل معاهم
انور:تمام توا نجيبلك تلفون
انا:نسال بابا قبل لو موافق عادي
انور:باهي
وقعدنا نهدرزو بعدها روح انور
ونسيت نقوللكم لما جونا الرجاله ويخطبو عطونا 6لاف وقالو عند فلوس ويبني في حوش وهذا اتفقنا معاهم
عندنا بعد طلع انور
مرام:كيف كان وشن شكله
انا:عادي بس باين في مش حنون
مرام:يعني طول عرفتي
انا:هكي باين
مرام:باهي شن حكيتو
انا:خلاص وانتي تسالي ما تشبعش
مرام:تمام اسفه
انا:حسيت مرام زعلت
انا:انا اسفه بس والله ماعندي نيه في قصه هذي كلها
مرام:عليش
انا:هكي مش متريحه
مرام:انتي مزال ماتعرفش اكويس توا بعد تحكي معاه وتعرفيه تحبيه
انا:انشاءلله
الكاتب:Arhima Alagory
عند انور
انور:سلام عليكم
عائشه:عليك سلام خبرنا شن شفتها
انور:اها شفتها ونبيها هيا وبس ومانبي غيرها
عائشه:مشاءلله حاضر انشاءلله هي لك
عندنا
ماما:اليوم جانا انور
بابا:باهي
ماما:هدرز هو وهاجر وانا معاهم
بابا:باهي شن صار
ماما:تمام وقال ان القرايه بعد تكمل سنه هذي يعينها وتشتغل
بابا:باهي مشاءلله
ماما:وقالي يبي يجيبلها تلفون هاجر قالت نشور بابا قبل
بابا:عادي توا هو خطيبها ويبي يقاعد راجلها
ماما:انشاءلله علي خير
رن فون ماما
ماما:هذي عائشة ام انور
بابا:شوفيها
ماما:الو خير يا عائشه
عائشة:خيرات سميه كيفكم
ماما:الحمدلله وانتو
عائشة:تمام الحمدلله انور عاجبته هاجر وقال نبيها ومانبي غيرها والله بيان يحبها
ماما:انشاءلله ربي يهنيهم
عائشة:انشالله
هدرزت شوي وسكرت
بابا:كنها
ماما:تهدرز قالت انور عجباته هاجر ومايبي غيرها
بابا:باهي الحمدلله
ماما:اي الحمدلله هكي نتريح عليها اكيد ح يريحها ويهنيها وتكون متريحه معاه
بابا:انشالله
عندي انا ومرام
انا:تصدقي فرح نور الايام جايه
مرام:تحكي جد
انا:والله ع ولد عمها
مرام:الله من زمان يحبو بعض هم
انا:اها توا خلاص يبي ازوجها
مرام:ربي يهنيهم
انا:انشاءلله يارب
وهكي مرت الايام وطبعا مدرسه عطلت وجا فرح نور
الكاتب:Arhima Alagory
عندنا
انا:شن نلبس يا مرام
مرام:قريب تزوجي وانتي ماتعرفش شن تلبي
انا:تصدقي مرات ننساه اني مخطوبه اصلا
مرام:لان مزلتي ما حكيتي معاه
انا:ممكن بس هو في خطبة وهملني معانها بعد نزوج شن ايدير
مرام:لا اكيد يهتم بيك ويحبك شفتي شن قالت امه قالت قال نبيها هيا ومعش نبي غيرها والله باين فيه كبد عليك
انا:خلاص باهي شن نلبس حايره
مرام:توا نطلعلك انا
انا:تمام
وبعدها لبست ومشيت لعرس نور خشيت لقيت بنات
انا:خير يابنات
سلسبيل:نورتي حبيبتي
انا:نور نورك
موده:وانا
انا:انتي نور كله
موده:ربي مايحرمني منك
انا:ولا منك يارب
نور:هاجر وينك طولتي
انا:والله بابا طول ما جاني
نور:مافيش مشكله
وقعدنا نهدرزو
موده:باهي كيف تبي ادير يانور في القرايه
نور:نبي نكمل بس نبي نخش ع امتحانات طول بعدها نكمل
سلسبيل:ربي يهنيك وانا من يقاعد جنبي توا
نور:يا حبيبتي انتي اقعدي مع موده وهاجر
موده:صاح تعالي معانا
انا:يابنات نبي نحكيلكم حاجه
موده:شنو
نور:احكي
سلسبيل:شن احكي
انا:كنكم وحده وحده توا نحكي
موده:احكي هيا
انا:باهي انا انخطبت
نور:امتي
انا:ليا شهرين
موده:وماتحكش
انا:والله ماعندي نيه ولا نبيه اصلا ماشفتش الا مره وحده ومانحبش
سلسبيل:من هو
انا:واحد يسكن قريب منه شافني وانا نمشي للمدرسه
نور:ربي يهنيك ممكن مزال ماتعرفش
انا:مش متريحه مانبش
موده:يا روحي ماتزعلش روحك بس
انا:انشاءلله
سلسبيل:هي نصبو نرقصو
وقعدنا نرقصو وغيريت جوي نور كانت فرحانه لان عارسها ومع حبيبها بعد 7سنين بعدها روحت للحوش
الكاتب:Arhima Alagory
عندنا في حوش
ماما:كيف كان العرس
انا:اكويس
ماما:باهي لعقبالك
انا:انشاءلله وين ماسه
ماما:راقده
ساري:هاجر جعان
انا:وانا شن دخلني
ساري:ديريلي حاجه ناكلها
انا:شوف مرام
ماما:توا نصبي انا نديرلك حاجه
انا:لالا خليك توا انديرله انا
ماما:الله يربحك
انا:شوي ساري نغير بس
ساري:باهي تمام
خشيت غيرت وبعدها درت لساري حاجه ياكلها
جا مجد
مجد:حتي انا نبي
انا كول مع ساري
مجد:باه
ومرت الايام وع هذي الحاله انا قاعده في حوشنا ونص موافق ونص مش موافق بس ع كلام بابا ولان اكويس راضيه بس حولت كم مره نفصخ الخطبه ونخربها بس ما فيش شي مقنع يخليهم يخربو الخطبه وهكي رضيت بامر الله وسكتت
في شهر 6 قاعده في دار انا ومرام
مرام:كنك انتي كل شوي تبي تخربي ع روحك
انا:لان مش متريحه يا مرام
مرام:مزال انتي ما عشتي شي معاه توا تزوجي ويكون عندك عيال وتحبيهم وتحبيه بعدين تنسينا بكل
انا:انشالله
رن فون ماما
ماما:الو
عائشة:ايواه
ماما:خير يا عائشة كيفك وكيف حال البنات ولعيال
عائشة:الحمدلله وانتو كيف حالكم
ماما:الحمدلله
عائشة:قاعدين في حوش انتو انور يبي يجيب تلفون لهاجر
ماما:قاعدين اها
عائشة:باهي تمام
سكرت ماما
ماما:هاجر
انا:نعم يا ماما
ماما:تعالي اليوم جايك انور يبي يجيبلك تلفون اليوم
انا:صح النوم نسيت بكل
ماما:عيب بلكي يبني وما عندش فلوس يجيبلك توا جابلك
انا:باهي
مرام:شن فيه
انا:الاستاذ انور جايب تلفون اليوم
مرام:باهي مبروك
انا:الله يبارك فيك
خشيت لبست وتيت روحي بعد العصر سمعنا باب يدق
امجد:فتح لقاه انور تفضل
انور:خير امجد
امجد:شنجو
انور:تمام وانت شنجوك
امجد:تمام تفضل
انور:شكرا ودخل للمربوعه
امجد:ماما انور جا
ماما:امشي كلم هاجر
امجد:باه
الكاتب:Arhima Alagory
ماما:دخلت ع انور
انور:وقفلها خير عمتي
ماما:كيف حالك يا وليدي
انور:الحمدلله وانتي كيف حالك وكيف حال عمي محمد
ماما:الحمدلله بخير
انا:سلام عليكم
ماما:خشي
انور:عليك سلام
انا:سلمت ع انور وقعمزت
انور:شنجوك
انا:تمام وانت
انور:الحمدلله تفضلي هذا تلفونك في شفره
انا:شكرا
انور:ولو
وقعد انور شوي وطلع بعدها
انا خشيت دار وخذيت فون ماما خذيت منه رقم موده رنيت عليها
موده:الو من معايا
انا:انا
موده:من انتي
انا:ماعرفتينش
موده:والله رقم مش مسجل عندي
انا:حتي بصوت
موده:هاجر حبيبتي
انا:واخيرا
موده:من وين شفره
انا:من انور خطيبي توا طلع رنيت عليك
موده:ربي يهنيك معاه
انا:انشاءلله شن اخبار نور
موده:تمام متريحه توا ندزلك رقمها
انا:تمام دزي ليا توا
موده:حاضر خلينا نهدرزو بس توا ندزلك
انا:هههههه باهي هدرزي
وهدرزت معاها شوي وسكرت
مرام:بدينا مكالمات وجو
انا:اهو كساد كساد
مرام:مبروك
انا:الله يبارك فيك جتني رساله لقيتها رقم نور
كتبت رقم ورنيت عليها
نور:الو
انا:نور غلاي شنجوك
نور:من معايا
انا:هاجر يابارده
نور:هاجر شنجوك والله مرايفه عليك
انا:اكثر امورك تمام
نور:الحمدلله وانتي
انا:الحمدلله
وهدرزت شوي وسكرت
في ليل رن فوني لقيته رقم
انا:الو
انور:ايواه
انا:انور
انور:اها انور شنجوك توا
انا :الحمدلله وانت
انور:الحمدلله شن اديري
انا:شي نحكي معاك
وقعدنا نهدرزو بس اكثر وقت ساكتين لان اول مكالمه وهكي مرات الايام ونحكي معاه ما عمرش حسيت بشي اتجاه وكان شخص عادي نحكي ونسكر وخلاص
لعند جا يوم انا راقده رنت عليا موده
انا:الو
موده:اسمعني عندك نت
انا:لالا كنك
موده:عطيني رقم جلوس بسرعه
انا:باه اكتبي ******
موده:شوي بس
وسكرت
ماما:من
انا:موده شكلها نتيجه طلعت
ماما:انشاءلله بنجاح
انا:انشاءلله
الكاتب:Arhima Alagory
قعدت شوي ردت عليا موده
انا:الو
موده:هاجر
انا:كنك احكي
موده:مبروك
انا:الله يبارك فيك بيش نجحت
موده:جيد جدا
انا:الحمدلله
وسكرت
ماما:شن صار
انا:جيدجدا
ماما:مبروك
انا:الله يبارك فيك
مرام:شن صار
انا:نجحت
مرام:واخيرا ربي رد تعبك
انا:الحمدلله
بعدين رن عليا انور
انا:الو انور
انور:شن صار فيك
انا:نجحت
انور:مبروك
انا:الله يبارك فيك
وفي العشيه جاني انور توقعته يجيب هديه ولا حاجه بس جا بروحه يبارك وجعتني منه وتحملتها
ومشيت الايام وع هذي الحاله ماحسيت بشي اتجاه وجا شهر 8 وفي شهر هضا صار شي لمنتضر هو
.
.
.
.
.