المطلقة صغيرة الحلقة الثامنه

.
.
.
.
لا اسمح بنشرها بدون اسمي الكاتب:Arhima Alagory قراءة ممتعه للجميع
.
.
.
.
.
جاني بابا
بابا:هاجر نبي نحكي معاك
انا:تفضل يا بابا
بابا:ناس تجي ع موضوعك يبو يردوك وانا ما نبش نظلمك ظلمتك مره ومانبش نظلمك في ثانيه
انا:واللهي يا بابا
بابا:اي قرار تاخذي انا معاك
انا:نبي نتريح مليت وتعبت من هضا كل وقعدت نبكي
بابا:خلاص اسكتي توا نريحك
طلع بابا لناس وقاللهم ان نبي طلاق

الكاتب:Arhima Alagory

بعدها انور قررنا طلاق وطلقني وكان تاريخ طلاقي يوم11/12/2017 وهكي تريحت من انور وبديت حياه جديده بس مزال انور مخرب حياتي توا تعرفو عليش

وقررت نبدا حياه جديده وننساه لي صار معايا وفعلا بديت حياه جديده وغيرت من نفسي غيرت طبعي كلامي وشكلي وكل حاجه قعدت عصبيه ومعش نتحمل شي
عندنا في حوش
ماما:امشي يا مرام نوضي هاجر
مرام:فكيني منها توا تهزب
ماما:باه توا نمشيلها انا
انا راقده
ماما:هاجر يا هاجر
انا:نعم يا ماما
ماما:هي صبي
انا:باهي توا نصبي
ماما:ما طولش تعالي سعدينا ع حوش
انا:حاضر
نضت خشيت حمام حشاكم وتوضيت وطلعت نصلي بعدها طلعت نساعد في ماما ومرام
انا:صباح النور
ماما:صباح الورد
مرام:صح النوم نوم العوافي يارب
انا:نجكليا
مجد:هاجر ناضت
انا:شن تبي
مجد:نبصر خلاص
انا:شن تبي تعال هنا
ماما:سيبيه خلاص
انا:باه تبو انسعدكم في حاجه
مرام:وراس هاجر اديري دار لعيال
انا:حاضر ومشيت ندير في دار لعيال
وماما ومرام يديرو في الغداء بعدها روح بابا
بابا:هاجر
انا:نعم بابا
بابا:وين الغداء مزال
انا:مش انا دايرته
بابا:عليش نبي ناكل منك
انا:حاضر بكرا انديرلك انا الغداء اليوم نضت متاخر شويه
بابا:باهي امشي ساعديهم في حطت الغداء
انا:حاضر

الكاتب:Arhima Alagory

حطينا الغداء نتغدو
بابا:هاجر شن رايك تكملي قريتك
انا:اها كيف
ماما:ما فيها شي وانتي ما ضاعش شي منك تقدري تخشي معهد وتكملي قبل حتي لي خش للجامعه من دفعتك
مرام:خيرلك وحق الله
انا:باهي تمام
بابا:شن تبي تكملي
انا:والله نقرا معهد حاسوب خير واحسن
مرام:صاح اسهلك وتكملي بسرعه حتي تعيين تلقي
بابا: بكرا نمشي نسجلك في معهد
انا:انشاءلله
وكملنا الغداء وغسلت المواعين وكملتهن

ثاني يوم
بابا:وين هاجر
ماما:ادير في الغداء
بابا:هاجر وينك
انا:نعم بابا مش قلت تبي الغداء مني قعده ندير فيه
بابا:سلم بنيتي باهي بعد العصر نطلع انا وياك للسوق
انا:عليش
بابا:توا كنت في معهد وسجلتك الاحد تبدي نمشو للسوق تاخذي لي تبيها
انا:تمام باه

وتغدينا وبعد الغداء خشيت دار
مرام:نبو نبدو نقرو وجو
انا:فوتيني خير
مرام:كنك انتي من ابسط حاجه تهزبي
انا:مش هكي بس ماعندش جو
مرام:انسي لي صار معاك ومعش تفكري فيه
انا:لي صار معايا هو سبب خلاني هك قوليلي تمشي معايا بعدين
مرام:لا وراس امك فكيني انا بتاتي مش عارفه كيف وامتي نطلع ماعندش جو
انا:عيب عليك اختك انا
مرام:نجيها لنا الطيبة هذي
انا:حولي يا بارده

ورقدت شوي بعد العصر شالني بابا للسوق ومشيت معايا مرام خذيت دبش ودفاتر وجو هضا بعدها روحت ومرت الايام وجا يوم لي نمشي في للمعهد

الكاتب:Arhima Alagory

في صبح
نضت بروحي خشيت حمام توضيت وصليت الصبح وجيت للمطبخ
ماما:صح النوم
مرام:وين نشاط
انا:خلاص عاد سادني نوم
ماما:انشاءلله بتوافيق
انا:انشاءلله يارب
مرام:نمشي نوض مجد بيش يشيلك
انا:بابا وين
ماما:طلع قال خلي مجد يشيلها
انا:تمام
ناض مجد وطلعت انا وياه
في سيارة
مجد:وين ماشيه انتي
انا:مجد بلا براده متاعك خيرلك
مجد:صبح اضحكي قولي حاجه سمحه
انا:ما نبش
مجد:وسعي بالك راه تعصبي عليهم في معهد هكي
انا:ههههه خلاص يا بارد
مجد:اصلا وصلنا انزلي هي

نزلت للمعهد وخشيت وانا مانعرف حتي واحد فيه شفت بنات مع صاحبتهم وجعتني روحي صاحبتي نقطعت علاقتي بيهم توا قعده بروحي المهم خشيت للمعهد وماطولتش وماعطونا شي بعدها رنيت ع مجد روح بيا

روحت الحوش
ماما:شنجو المعهد
انا:شكله اكويس
ماما:درتي صحابت
انا: لا مزال اول يوم وما اختلطت بحد
ماما:لا تعرفي ع بنات وهدرزي معهن
مرام:حتي تاخذي منهن كان نقصاتك حاجه
انا:انشاءلله تصبحو ع هير
ماما:بدري وين
انا:خلاص نعسانه بكل
مرام:خوذيني معاك
انا:لالا خليك هنا مش نقصني هرجتك
ماما:كنك معاها
انا:تقعد في ليل مكملتها ضحك وهدريز مع سيدي علي
نسيت نقوللكم خطيب اختي اسمه علي
ماما:تحكي هي وخطيبها عادي
انا:عارفه عادي بس مش عند راسي
مرام:خلاص باهي فهمنا
انا:اوكي خشيت رقدت

دقيقة لاني نعسان نبي نتخيل حاجه ونطلع بيكم من قصه شوي
تخيل انك ع سرير ومكيف ع18ودار تقول ثلاجة وشاشة 52 بوصه وتقاعد حاط ع MBC2 فيلم رعب وريموت مره مره يطيح منك وعيونك يغمضن وما تبيهنش يغمضن بعدها شركة الكهرباء تقطع عليك ضي ??نردو القصتنا ومعش قطعتكم

الكاتب:Arhima Alagory

ثاني يوم
نضت بدري قبل حتي العصافير خشيت الحمام ونفس كل يوم توضيت صليت فطرت وقعدت ع تلفزيون بعدها ناضو هلي
بابا:وين ع نشاط هضا
انا:شن رايك فيا
بابا:مشاءلله عليك
انا:نوتيلك فطور
بابا:ليش لا
انا:دقايق بس
خشيت مطبخ وتيت فطور بابا وماما لان سمعتها ناضت
انا:هي بابا فطور واتي
ماما:وانا
انا:حتي انتي اكيد
ماما:نجيك ليا
انا:بابا انتي تشيلني للمعهد
بابا:تمام توا نشيلك
انا:نمشي نلبس معنها
بابا تمام
مشيت لبست دبشي وتيت روحي
بابا:هيا هاجر كنك واتيه
انا:اها واتيه

وطلعبنا للمعهد
بابا:شنجو المعهد
انا:اكويس تمام
بابا:تعرفتي ع بنات
انا:لا مزال
بابا:اها باهي خشي وتعرفي ماتقعدش متحشمه
انا:حاضر
بابا:هي انزلي مسكي عذين
انا:عندي يا بابا
بابا:خلاص امسكيهن
انا:شكرا
وخشيت معهد وبديت نبي نتعرف ع بنات
وفعلا تعرفت ع بنات واجد وغيرن جوي واجد فرحني وتعرفت ع ناس واجد وكان لي يشوفني يعجب بيا وطبعي وكلامي لكن كانت صدمه لما نقوللهم اني مطلقة ?قريت وكملت قراية في المعهد وهذي كانت حياتي بعد طلاق تغير طبعي بس بعدها تعرفت ع ناس غيرتني من جديد

قاعده في الحوش
بابا:وين هاجر
انا:نعم في دار يا بابا
بابا:مبروك نجحتي
انا:الله يبارك فيك
بابا:توا نحطك في مدرسه خاصة وتبدي تشتغلي
انا:ياريت يا بابا
ماما:منها تغيري جوك خيرلك من الحوش
انا:بكل انا توا كساد بكل بلا معهد
بابا:خلاص توا نشوفلك

مرت الايام
بابا:هاجر راه بكرا تبدي في دوام في شغلك
انا:فرحت واجد انشاءلله يا بابا
ومشيت بديت نوتي روحي ونفكر شن نلبس وشن اندير

ثاني يوم بعد الفطور
بابا:هي يا هاجر
انا:هي توا نجي
ماما:موافقه يارب
انا:انشاءلله ماما

الكاتب:Arhima Alagory

وطلعت انا وبابا للمدرسة
بابا:خلاص بعد تكملي رني عليا
انا:حاضر
خشيت مدرسة لقيت ابلة
انا:سلام عليكم
الابلة:عليك سلام تفضلي
انا:انا ابله جديدة هنا وتوا كيف وصلت
الابلة:تعالي معايا توا نشيلك مدير وتوقعي وتفهمي معاه
انا:تمام
مشيت انا ويها للمدير
انا والابله:سلام عليكم
مدير:عليكم سلام تفضلن
الابله:هذي ابله جديده معنا توا كيف جت
مدير:تفضلي
انا:انا هاجر محمد
مدير:انتي بنت محمد مرحبا المدرسة ع حسابك
انا:تسلم
مدير:اهو جدولك واتي ومعلش وقعي هنا ع حظور
انا:حاضر وقعت وخذيت جدول
مدير:اي حاجه تعالي
انا:شكرا
وطلعت لقيت ابله ترجا فيا
ابله:شن صار معاك
انا:تمام شكرا تعبتك معايا
ابله:مافيش تعب
انا:تسلمي
ابله:شن اسمك انتي
انا:هاجر وانتي
ابله:سماح واي حاجه انا كيف اختك تمام
انا:تسلمي
سماح:تعالي نشربو حاجه وتهدرزيلي ع حياتك
انا:باه
مشيت انا وسماح وقعدنا نهدرزو
سماح:انا موليد 97 ابله رياضيات
انا:انا نفسك 97 بس قصتي طويله وبعد ثانوية وقفت القراية
سماح:اها توا عندي حصة يا هاجر هضا رقمي توا نحكو تمام
انا:تمام
طبعا تعرفت ع سماح واشتغلت في مدرسه في عام دارسي هذا يعني 2018/2019 و سماح اعز صديقاتي طيبة حنونه محترمة تعرفت عليها اكثر ومرت الايام

وجا شهر 1/2019
ماما:هي يا هاجر وتي روحك
انا:والله ما نبي نمشي
مرام:بلا نكد امشي غيري جوك خير
ماما:هي سلم بنتي نمشي بروحي
مرام:بعدين حتي بنت جاتك في عرسك
انا:باهي توا نمشي نفختو راسي راه

خشيت وتيت روحي نبو نمشو
لعرس بنت صاحب بابا وتيت وكل حاجه جا بابا خذانا خشيت انا وماما للقاعة
انا:ماما توا نجي نخش حمام نعدل روحي ونجي
ماما:تمام باه
خشيت حمام برمت ع روحي بعدها فتحت باب وطلعت انشوف …
.
.
.
.