العلاقات المرهقة
العلاقااااااات المرررررهقة
السلام عليكم ورحمة الله وبركاته
لو عندك حد بيرهقك من كتر طريقتة البشعة في التعامل
حاولي تتجنبي التعامل علي قد ما تقدري
لانك دايما هتكوني مضطرة انك
- انك تكون دايما مضطر انك توضح و تبرر كل تصرف بتعمله او كل كلمة بتقولها وبالتالى بتلاقى نفسك فى وضع الملام اللى تصرفاته كلها غلط وتدخل فى نقاشات وحوارات علشان يثبتلك غلطك ويبقى مطلوب منك تقديم الاعتذارات
- انك تكون دايما فى وضع الجاحد الناكر للجميل اللى مش بيقدر ودايما بتسمع انا عملتلك وجبتلك وانا السبب فى كذا وضيف على ده نغمة انا هسيبك وهتخلى عنك وانت استحمل من غيرى
- انك تكون دايما بتاخد بالك من اللى بتقوله وبتعمله وعايش فى حالة حرص كبيرة كأنك فى حالة حرب ده غير انك دايما مش مغفور لك اى غلطة او اى حاجة وحشة عملتها سواء تصرف او كلمه
- انك تكون دايما موجود فى خانة الكائن اللى مبيفهمش حاجة فى الحياة و مبيتعلمش من اى حاجة وقع فيها و مبيسمعش كلام او نصايح غيره و ميستاهلش اللى بيتقدمله و مبيقدرش تعب او مجهود غيره معاه
- انك تكون دايما فى اخر اليوم متضايق و مخنوق و مش مرتاح نفسيا
ولا عندك اى طاقة لأى حاجة و مبقتش طايق وجود العلاقة دى فى حياتك
هي دي العلاقات اللي بترهقنا بجد وتستنفذ
اكبر طاقة عندنا