العاصي الفصل السادس والثلاثون

العاصي
الفصل السادس والثلاثون

تحسنت حالة غزل بمرور الوقت وفرح حمزه جدا بعد ان علم انها تحمل بداخلها ولد

ولكن الطبيب اخبره بأنها سوف تلد في الشهر السابع ليطمأنه علي حالة جنينه وحالتها هي ايضا

ظهرت نتيجة تحليل DNAبالايجاب مما افرح احمد جدا وذهب سريعا الي والده واخبره وذهب الي عاصي حتي يأخذ صغيره الذي حزن جدا وهو يلبسه ملابسه

زين:يعني انا هالوح عند بابي ميدو اقعد عنده

عاصي:ايوه انت زعلان ليه دلوقتي مش انت اللي كنت كل شويه تقولي انا عايز بابي الحقيقي

زين:بس اناعايسك انت كمان انا بحب انام جانبك والعب معاك

عاصي :مانا مش هبعد عنك هاجي كل شويه اشوفك وانت كمان هاتيجي وتقعد هنا زي مانت عايز

زين:لاء مس عايس ابعد عنك انت ومامي خليني هنا وهو يبقي يجي يسوفني هنا

عاصي بغضب:لاء ماينفعش ده بابك وانا مقدرش اخدك منه بطل عياط مش بعد ما عملت ليك اللي انت عايزه جاي تعيط دلوقتي وتقولي لاء ومش عايز

تدخلت بينهم غمزه الواقفه بالجوار تحضر اشياءه في

الحقيبه:خلاص يا عاصي سيبه واهدي انا هاكمله لبسه ممكن تخرج ليهم بره

وقف عاصي ينظر اليه ثم ابتعد عنه وذهب بأتجاه باب الغرفه: خلصي وخرجيه لحمزه وانا هانزل تحت ثم تركهم وخرج

غمزه:زين حبيبي متعيطش انت عارف اد ايه بابي عاصي بيحبك هو كمان زعلان عشان هاتسيب البيت بس انت شوفت هو وبابي احمد بقو صحاب اذاي وكل يوم بابك بيجي يقابله وتقعدو في الوكاله تحت سوي

زين:طيب خليه يجي كل يوم بس مس ياخدني معاه انا عايس اقعد معاكو انتو يا مامي

حملته بين يدها واتجهت الي الباب :طب ايه رأيك تروح معاه ده هايفسحك ويوديك الملاهي ويجبلك لعب جديده وبعدين انت لو قولتله انك عايز تيجي مش هايقول لاء

زين بفرحه:يعني هالوح الملاهي واجيب لعب ماسي انا هالوح معاه وبعد كده اقوله يالجعني تاني

وقفت في الرواق وقابلتها غزل وروقيه وهم يبتسمو للصغير

غزل :هاتوحشني اوي يازين يارب اجيب بيبي شبهك كده يا حبيبي

زين: وانتي كمان يا غسل يا حبيبتي مس انتي قولتي انك هاتجيبي البيبي كمان سهل انا هالعب معاه وهاحبه ويبقي اخويا

غزل بدموع:طبعا يا حبيبي دا انت هاتبقي اخوه الكبير

روقيه:تعالي في حضني يا قلب نانا هاتوحشني اوي يا زين

زين بدموع بعد ان تأثر بهم:وانتي كمان يا نانا هاتوحسيني اوي انا هاخلي ميدو يجبني علطول ومس هتأخل

خرجت غمزه به وهم من خلفها حتي يودعوه الدموع تغرق وجوههم

اندهشو الرجال عندما رؤوهم بهذا المنظر

فضالي:ايه المناحه اللي انتو عاملنها دي

روقيه:مافيش يا عبد الرحمن احنا بس صعبان علينا بعد زين

احمد: ماتخفيش حضرتك والله انا مش هابعده اذا كنت انا نفسي حبيت البيت ده ومش عايز ابعد عنه

فضالي:يا حبيبي انت تشرف في اي وقت

حمزه:غزل كفايه يا حبيبتي ابوس ايدك انا مش ناقص تتعبي تاني

احمد: تعالي يا زين سيب مامي وتعالي

زين وقد تشبث في عنقها جيدا:لاءه خليني مع مامي انا مش عايس اسيبها

حمزه وقد بدء يحمله من بين يديها بالقوه:تعالي ياحبيبي ليا انا طيب وننزل الوكاله تحت عند عاصي

زين:هونسل عسان مس عايسني

احمد:لاء ياحبيبي بالعكس ده زعلان خالص ومش عايز يشوفك وانت بتعيط يلا بقي يا زين عشان مانزعلهمش اكتر من كده

زين:حاضل يا بابي انامس هاعيط عسان هو مايسعلس مني

ثم رجع مره ثانيه الي غمزه التي انحنت امامه ليجفف عبراتها بيديه الصغيره:متعيطس يا مامي انا هالوح مع ميدو سويه ثغيلين وهاجي تاني بسلعه عسان ماتسعليس وكمان عسان بابي مايسعلس ماسي

غمزه:ماشي يا قلبي بس عايزك شاطر وتسمع الكلام وانا بابي هانكلمك في الموبايل كل شويه

زين:طيب تعالي بقي نتثول انا وانتي وغسل ونانا صوله حلوه تعالي ياغسل اقفي هنا عسان كلسك يقلع في الثوله

حمزه بمزاح وهو يجلس امامهم ويرفعه علي كتفه:طب استني بقي عشان لما يشرف الاستاذ اللي جوه كرشها ده تبقي توريله الصوره وابوه كمان فيها ههههههههه

??????بقلمي/كنزي حمزه ?????

ترجل به خارج المنزل وهو يحمله بين يديه ومن خلفه حمزه يحمل حقيبته ومن خلفهم والده

كان يجلس هو خارج الوكاله مع أصدقائه خالد وسامح

توجه به اليه وهو مبتسم

احمد:ايه يا عاصي انت مش هتسلم علي زين قبل ما نمشي ولا ايه
عاصي:هاسلم طبعا تعالي يا حبيبي وعندما حمله انفطرقلبه علي صغيره حين لمح العبرات تلمع في عينه وهو يحتضنه بيديه الصغيره
زين:بابي انا هالوح مع ميدو سويه ثغيله وهاجي تاني

عاصي:ماشي يا قلب بابي وانا هاستناك هاتوحشني اوي

حمله سامح من ابيه:والله هتوحشنا كلنا ياض يازين اوعي تنسانا بس ياعم

زين:لاء ماتخفس ياعمو سامح انتو بس لما تيجو تلعبو كوله قوللي عسان اجي اسجع

سامح بمشاكسه:كوره بس والخناقات ياض
زين:هه اسكت ماتقولس احسن ميدو قلع ثابط بيموت الناس ويجي يقبض علينا في الخناقه

خالد:الله طب مانت عارف اني ظابط من زمان مخفتش مني ليه ياض

زين:يا عم اجلي دا بابي عاثي بينفخك انت وحمسه
خالد بغضب:الله يحرقك يا عاصي زي مانت قالل قمتي قدام الواد كده

وقفو جميعا يضحكون بينما وقف هو ينظر اليه بحب حتي يملي عينيه به ليشبعها من رؤيته قبل ان يرحل

وضع احمد يده علي كتف:عاصي مش عايزك تقلق اناهاخده

يقعد معايا فترة الاجازه بتاعتي واول مأموريه هاطلعها هاجيبه ليكو

عاصي:ماشي اما اشوف بس عالله ماتطلعش ندل وبعد ماتمشي بيه ماشوفش وشك تاني

احمد:لاء اطمن يا خويا انا نفسي خلاص مش هقدر ابعد عنكم مع انك لسانك طويل بس صاحب جدع يلا انا هامشي بقي يلا يا زينقول لبابي باي

زين:باي يا بابي هاتوحسني يا حبيبي

عاصي:مع السلامه يا حبيبي خلي بالك من نفسك ولو احتجتني في اي وقت اتصل بيا وانا هاجيلك لحد عندك
قبله في وجنته واحتضنه جيدا وبعد ذلك اخذه احمد واتجه بيه الي سيارته

ظل وقفا يتابعهم بنظراته حتي اختفت السياره من امامه فركل المقعد الذي كان يجلس عليه بقدمه بكل عنف وهتف بصرخه

عاصي:زيييييييييين
امسكه أصدقائه وصاح به حمزه:اهدي ياعاصي خلاص زين مشي مع ابوه اهدي احنا في الشارع

سامح:عاصي انت ايه اللي بتعمله ده الواد مع ابوه مش مع حد غريب

عاصي بعنف :بس اسكتو انا ابوه

خالد بعد ان زجه بيده داخل الوكاله امام والده:فوق بقي الواد راح لابوه اللي من اول يوم شوفته وانت متأكد انه ابنه ومع ذلك صممت تخليه يعمل تحليل وهو مقالش لاء وبقاله اسبوع كل يوم يجي لحد هنا عشان يشوفه مع انه كان ممكن يعتمد علي سلطته او سلطة ابوه وياخد الواد اهدي بقي يا اخي وبطل اللي بتعمله ده

فضالي:يابني الجدع قال انه مش هايحرمك منه بس برضوه دا ابوه ومحروم منه وعايز يفرح بيه ويخليه يتعود عليه زيك

وقف من امامهم بوجه متهجم بالغضب وتركهم وصعد الي اعلي دلف الي شقته ومنها الي غرفة زين وبكل عنف دلف اليها واغلق الباب من خلفه

غزل:غمزه هو جوزك ماله داخل وشه وقفل علي نفسه كده ليه

روقيه:الله يكون في عونه اكيد زعلان جدا علي فراق زين

غمزه:ربنا يعدي الليله دي علي خير مش عارفه اعمل ايه عشان اخرجه من اللي هو فيه ده

روقيه:معلش يا حبيبتي سيبيه لما يهدي شويه وبعد كده ابقي ادخليله يلا احنا هانسيبك بقي وننزل يلا يا غزل

غزل:لاء انا هاطلع شقتي ارتاح يا مامي النهارده كان يوم صعب علينا كلنا

اغلقت من خلفهم بابها واتجهت اليه فتحت الباب بخفه وعينها تتجول غرفة الصغير الي ان وقعت عليه لتلتقي به

وهو نائم علي فراشه محتضن بيديه برواز صغير يجمع صورتهم سويا اجتذبته من بين يديه ووضعته علي الكمود
ورقدت هي بين احضانه

غمزه بهمس: هتفضل زعلان كده كتير

عاصي: يعني انتي مش زعلانه

غمزه وهي تحتضنه جيدا:هاموت ووحشني من دلوقتي بس عشان بحبه هاستحمل

عاصي بعد ان اعتدل واسند رأسه علي حاجز الفراش:انا مش قادر استحمل بعده هو مقعدش معاكي ربع الفتره اللي قاعدها معايا عشان كده انتي مش هاتقدري تحسي بلي انا حاسس بيه

غمزه:طب ولو قولتلك اني عندي خبر حلو هو انا مش متأكده منه اوي بس شاكه يعني

عاصي وهو ضامم حاجبيه:خبر ايه ده

غمزه: هو يعني انا شاكه اني حامل

عاصي بأبتسامه: عادي طب مانا كمان شاكك

غمزه بدهشه:نعم شاكك اذاي يعني

عاصي:انتي عبيطه ولا ايه دانا بحسبها باليوم

غمزه بشهقه: هه يالهوي عليك وتقولي ماتفكريش واتريك انت اللي بتفكر

عاصي وهو يحتضنها:مش يمكن مش عايز ابينلك عشان منعلقش نفسنا بوهم وقولت لما نتأكد الاول

غمزه:اخص عليك يا عاصي يعني انت مش فرحان للخبر ده

عاصي:هافرح وهاطير من الفرح لما اتأكد

غمزه بعناد :طب ممكن بقي تقوم تجبلي اختبار حمل من الصيدليه

رقد علي الفراش مره ثانيه واعطاها ظهره :نامي ياغمزه وسيبيني انام

غمزه بزعل:كده يا عاصي طيب نام بقي لوحدك هناوخد صورة زين اهه احضنها كويس انا رايحه انام في اوضتي

عاصي :خدي يا مجنونه انتي هاتغيري من الصوره تعالي نامي هنا جانبي

غمزه:لاء خليك بقي نايم لوحدك وماتحولش تيجي تكلمني عشان انا زعلانه منك

تنهد هو بفارغ الصبر واعتدل واقف دلف خلفها الي غرفتهم

كادت ان ترقد علي فراشها لكنه احتضنها من الخلف وقبل عنقها
عاصي:غمزه
لم ترد عليه ولكنه احس أنتفاضة جسدها وهي تشهق بالبكاء

لفها بين يديه وهمس:ليه كل ده يا حبيبتي

غمزه:عشان نفسي افرحك شيافك اد ايه زعلان علي زين ومش عارفه اجيب ليك البيبي اللي نفسك فيه

عاصي: مين قال كده بس والله انا مستني بس تتأكدي وهاطير من الفرحه دانا كل يوم بيعدي بحمد ربنا يحبيبتي انك مزعلتيش فيه.

غمزه :انا بحبك اوي يا عاصي

عاصي: وانا كمان يا روحي تعالي نام بقي عشان ماتخلنيش اتهور والصبح يا ستي اول ما هاصحي هاجيب ليكي كل اللي انتي عايزاه

?????????????????

دلف به الي داخل الفيلا وجد جده يقف في استقبلاه وبجانبه

فتاه بعمر والدته تقريبا بيضاء وعيونها فيروزيه تعادل عيون والده قوامها فرنسي ممشوق وشعرها زهبي اللون

عبدالحميد بفرحه: اهلا اهلا يا حبيب جدك حمدلله علي السلامه نورت بيتك ياغالي

زين:اسيك يا جدو

عبد الحميد بعد ان حمله ودلف به للداخل: والله يا استاذ زين انا بقيت في احسن حاله لما سوفتك

جلس زين علي الاريكه والتفت اليها: انتي مين انا مس سوفتك قبل كده

عبد الحميد: دي اسمها دارين تبقي بنت اخويا يعني بنت عم بابك

ذهب الصغير امامها:واشار لها ان تنحني له وهمس

زين:علي فكله انتي حلوه خالث

درين وهي تقبله في وجنته:ياختي وانت كمان حلو خالث وجميل خالث

زين:انتي هتبقي ثحبتي سي مامي غمسه وغسل هما كمان حلوين سيك كده

دراين:بجد وانا موافقه نبقي اصحاب ونلعب سوي ونعمل كل اللي انت عايزه

زين:طب تعالي نتثول بقي عسان ابعت الثوله لبابي دا بيحب البنات الحلوه خالث

احمد:ههههههههههههه والله يا سي زين عاصي ده مشكله بقولك ايه انت مش جعان

زين بعد ان جلس بجانبه:لاء انا عايس مامي تجبلي لبن سخن

احمد:طب ممكن انا اجبلك اللبن النهارده

زين:لاء انا عايس الوح لبابي عاثي انا جيت معاك اهو وقعدت سويه خليني الوح ليه بقي

عبد الحميد: بس ده بيتك يا حبيبي والمفروض تقعد فيه علطول

زين:يعني انا مس هالوح عند بابي تاني

احمد: يابني انا ابوك وده بيتك افهم بقي

بدء الصغير يبكي ويحني رأسه للاسفل

دارين:طب بقولك ايه ايه رأيك لو تيجي معايا ونحضر انا وانت اللبن سوي وبدأت تحمله

ابعد احمد يدها عنه وصرخ فيها:دارين مالكيش دعوه بيه لوسمحتي تعالي يا زين انا هاجيب ليك اللبن

حمله وذهب به بأتجاه المطبخ بينما نظرت هي الي عمها

ولمعت عيناها: انا مش قصدي حاجه يا انكل Ay ,m soo sory

عبد الحميد: انا عارف يا حبيبة عمك مش عايزك تزعلي احمد بس عايز ابنه ياخد عليه مش اكتر

دارين بتنهيده:طب عن اذنك يا انكل انا هاطلع اوضتي عشان انام

عبدالحميد: انتي مش هاتتعشي ولا ايه انتي مش قولتي هاتستني لما احمد يجي وبعدين تخلي الخدمين يحضرو العشا

دارين:بس ماليش نفس عن اذنك يا انكل sorry

صعدت الي غرفتها دامعة العينين من معاملة هذا القاسي

الذي من وقت ان حضرت للعيش معهم بعد وفاة والدهاوهو يعاملها بكل قلة زوق