البادنجان المخلل في حلة الضغط

من اسهل واسرع المخللات التجهيز والسواء مش هياخذ منك اكثر من نص ساعة

لمقاديره هنحتاج

• كيلو بادنجان بعد ما نغسله كويس نقسمه على اربعة دون الوصول للطرف
• نص كوب ل كوب الا ربع زيت زيتون
• ربع كوب خل ابيض
• زيتون حلقات
• معلقة صلصة طماطم
• شطة حسب الرعبة
• 4 فصوص ثوم مهروس
• 2 معلقة كبيرة كزبرة وبقدونس مفرومين
• التوابل ملح فلفل اسود بابريكا كركم زنجبيل كمون ورق لورى

طريقة التحضير

في بولة نخلط كل مقادير التخليل ماعدا ورق اللورى
ونتبل بيه البادنجان من برة وجوة ونحاول نكثر الحشوة من جوة

ونرصة في حلة الضغط
نضيف عليه نص كوب مية
ونقفل الحلة كويس ونسيبه على نار متوسطة الى عالية
بعد ما نسمع الصفارة نحسب 15 دقيقة ونفتح
هنلاقيه استوى وكل المية اتبخرت
مش فاضل غير الزيت اللي كنا خللنا بيه

اللهم أدمها نعمة واحفظها من الزوال
اتمنى ان الوصفة تنال استحسانكن

استودعكن الله الذي لا تضيع ودائعه وإلى موضوع جديد بحول الله