احببته رغم تكبري الحلقه الرابعه

(رواية احببته رغم تكبري ?❤)
الحلقه 4 الرابعه

؟؟.. انتم عندكم عم هوا يكون ولد جدك انتم كلكم ماشيه عليكم انه مات
انا.. انت شن الكلام هدا مستحيل وليش قالو مات
؟؟.. خليني نكمل الكلام يلي عندي
جدك كان متزوج قبل جداك ولما حملت ماتت بعد ما ولدت بس الولد عاش وبعدها جدك تزوج حتا تهتم بالولد بس هيا عرفت انه ح يحبه اكتر ولانها كانت حامل قررت انها تطلع بيه وتعطي الولد لي مرا تعرفها وقالت انها معاش لقت الولد او نخطف وبعدها المرا رباته وقبل ما تموت اعترفت بالحقيقه ..
انا.. اسكت كداب انت تكدب مستحيل جداي ادير شي كيف هدا لالا ??
؟؟.. انا يلي عندي قلته وتوا سلام
انا.. كانت الدنيا ضايقه بيا من بعد الكلام يلي سمعته مشيت للحوش ومعاد عرفت كيف نتصرف
رن هاتفي وكانت ماما
ماما.. انتي وين
انا.. في الحوش تعبت روحت .. صارت حاجه
ماما.. لالا مصار شي بس نشغلت عليك لانه ما كنتيش معا خواتك
انا.. باهي تمام سلام توا
سكرت الهاتف وحاولت نرن ع الرقم بس كان مقفل قعمزت ع السرير وندعي ان الكلام يلي سمعته كدب بس ليش انا بالتحديد ومن وين جاب الرقم كيف وصل فيا
فات اليوم والرقم ما اتصلش

مروه.. الوو
مهاب.. الوو حبيبي انا برا هيا اطلعي
مروه.. حاضر دقيقه بس
مهاب.. مطوليش

مروه.. ماما
ماما.. نعم
مروه.. مهاب جي وانا مروحه لو صارت حاجه كلميني
ماما.. ان شاء الله غير اطلعي عيب راجلك يستنى
طلعت مروه وركبت السياره
مروه.. السلام عليكم
مهاب.. وعليكم السلام كيف حالك
مروه.. الحمد لله
مهاب.. والله الحوش من غيرك ما ينخش
مروه.. ههههه ربي ما يحرمني منك يا قلبي
مهاب.. تعشيتي انتي ولالا
مروه.. لالا مادرناش وانت
مهاب.. حتى انا ما تعشيتش لاني حاس بيك وبي بنتي عارفك تعبتي اليوم شن رايك ناخدو واتي ونمشو نتعشو ع البحر ونروحو
مروه.. ياريت والله اليوم تعبت
مهاب.. مايوريك شر حبيبي
وقف مهاب ع المطعم وخدا بيتزا ومشروب ومعهم انواع تانيه ومشو للبحر
مروه.. الجو حلو هلبا
مهاب.. وبيك احلو اكتر انتي الهوا يلي نتنفسه يا أم صغاري
مروه.. شكلي بندلع هلبا هكي بعدين تحصل فيا
مهاب.. لو مدلعتكش اني انا من بندلع
مروه.. والله جعانه خلينا ناكلو
مهاب.. هههه بطني قبل وطني
تعشو وروحو للحوش اما انا ماقدرتش نرقد من الموضوع
سمر.. كوكا اليوم وضعك مش عاجبي في حاجه
انا.. لالا بس خايفه ع جداي بس
سمر.. ان شاء الله ربي يرجعها لينا بخير يارب
انا.. ان شاء الله
رقدت انا والبنات في دار جداي وماما وعماتي في صالة الحوش نضنا الصبح بكري حتى نكملو تنضيف الحوش قبل ما يجي حد
انا.. يا مرام تعالي معاي نديرو الفطور الولاد قريب ينوضو
مرام .. هيا حاضر
طبعا مرام بنت عمتي ابتسام بنت وحده امها مشت مع جداي لي تونس
درنا فطور وناضو الاولاد فطرو وكل واحد طلع وشهد ضمت سفرة لفطور مع سمر
انا.. ماما هاتفك يرن
ماما.. من يرن
انا.. هدا بابا نرد عليه
ماما.. ردي ردي
انا.. الو بابا صباح الخير
بابا.. صباح النور امك وين
انا.. الحق هيا البرا ينضمو في الجنان في حاجه
بابا.. باهي قوليلهم جداك وضعها تحسن واليوم بنطلعوها من المصح
انا.. والدمعه في عيوني الحمد لله باهي توا سلام بابا خلي نفرحهم بي الخبر
بابا .. سلام
انا.. ياماما ياماما
عمتي.. خيرك اللطف زي الهبله طالعه تعيطي
انا.. جداي وضعها تحسن واليوم بيطلعوها
ماما.. متأكده
انا.. والله بابا توا قالي
عمتي.. الحمد لله الله يسمعك الاخبار الحلو زي ما سمعتيني هالخبر
ماما.. كلمي مروه وقوليلها
انا.. بس مزال الوقت اكيد راقدين
ماما.. لالا قوليلها
انا.. حاضر بس نروح للحوش تو نكلمها تبو حاجه
عمتي.. لالا خلاص كملنا سلامتك
انا.. سلام
روحت ولقيت سياره قدام الحوش دخلت لقيت الباب مفتوح
انا.. مالك يامالك
مالك.. خيرك تعيطي في ولد في المربوعه
انا.. باهي فهمت بي لقيت الحوش مفتوح
مالك .. باهي هيا ادخلي بلا دوشا وديريلي قهوا
انا.. باهي بس كلمك بابا
مالك.. اهاا كلمني
انا.. باهي تمام
دخلت للحوش ودرتله قهوا ومعاها حلو مشيت للمربوعه وطقيت الباب
مالك.. هيا هي
انا.. تبي حاجه
مالك.. غريبه .. لالا مانبي شي
انا.. مايفعش فيك ابدا
خش مالك للمربوعه ويضحك
عصام.. خيرك بسم الله
مالك.. تفضل تفضل
عصام.. صحيت
مالك.. قولي انت مش ناوي ترتبط
عصام.. ما لقيتش البنت يلي نبيها قعد
مالك.. ان شاء الله ربي يرزقك بي بنت الحلال
عصام.. ان شاء الله

انا.. الووو مروه
مروه .. صباح الخير شن الجو
انا.. صباح النور شن جوك انتي
مروه.. تمام بس كان ينوض مهاب تعبني من بكري وانا نوض فيه نبي نمشي لحوش جداي
انا.. باهي اسمعيني دقيقه جداي اليوم يروحو بيها لانه وضعها تحسن
مروه.. بجد والله فرحتيني كوتر تمام معناها بعد شويا نجيكم تمام
انا.. تمام هيا باي
مروه باي

مروه.. مهاب حبيبي نوض هيا عارفتك تسمع فيا نمشي نوتي لفطور ونجي نلقاك نايض
ناضت مروه ودخلت للمطبخ توتي في الفطر دخل مهاب من وراها وحضنها
مهاب.. صباحووو عسل ياعسل.
مروه.. نضت ياكسوول
مهاب.. هوا انا نقدر نقعد راقد وحبي مش بجنبي
مروه.. خليني نكمل الفطور وقت
مهاب.. حاضر ندوش ونجي
مروه.. ماطولش حبيبي
دوش مهاب وطلع فطر هوا ومروه وبدلت وطلعو

انا بدلت لبست سروال بيج واسع وبلوزه بيضه وكنت مدخلتها في السروال وجاكيت اسود مكتوب فيه بالجليزي لونه بيج والوشاح والكويش لونهم بيج في الاسود

وانا طالعه تلاقيت مع عصام نزلت راسي

انا.. السلام عليكم
عصام.. وعليك السلام كيف حالك
انا.. الحمد لله كيف حالك انت
عصام.. تمام
انا.. تبي حاجه
عصام.. لالا شكرا نستنا في مالك
انا.. تمام

طلعت من الحوش ومشيت عند جدودي

شهد .. الووو محمد
محمد.. نعم حبيبي وينك فايتتني
شهد.. انت عارف جداي كانت تاعبه وانا قعده في حوش جداي
محمد.. عارف ياروحي تمام بس خليك مره مره مدكرتني
شهد.. هوا انا ننساك اصلا انت دنيتي كلها
محمد.. تمام بعدين نهدرزو حبيبي
شهد.. تمام

انا دخلت لي حوش جداي لقيت العيله مقعمزين ويهدرزو انا ادكرت الموضوع وحسن في روحي سلمت وقعمزت
ماما.. مالك في الحوش
انا.. اهااا يمكن توا بيطلع مع عصام
ماما.. باهي نوضي ديري قهوه
انا.. حاضر
نضت ندير في القهوه جت معاي مرام درتها ونقصت عليها الغاز وقعدت نفكر في الموضوع لعند ما

انا.. اييي ماااااماااااا …..

يتبع

للكاتبه Ŕàhmä Mq