احببته رغم تكبري الحلقه الخامسه

رواية (احببته رغم تكبري ?❤)
الحلقه 5 الخامسه

انا.. اييي مااماااا
القهوا رقت وانا كنت سارحه مش عارفه شن اندير مسكتها بيدي ونصبت عليا وحرقت يدي
مرام.. غبيه انتي تمسكيها بيدك تعالي اغسلي
انا.. لالا والله حاره بس كملي انتي اكيد يستنو في القهوا
مرام.. انتي قعدا تفكري في القهوا
ماما.. خيرك تعيطي هدا شن لاعبين في المطبخ بي القهوا
انا.. توا ياماما ما همك غير القهوا وبنتك ماهمتكش يلي حرقت يدهاا
ماما.. عارفتك مطفوشه شن بنديرلك
انا.. باهي وانا بنمشي نغسل يدي
ماما.. باهي بري
اغسلت يدي ومشيت قعمزت بجنبهم
ونسيت يدي مع الهدرزه
انا..الووو مالك
مالك.. اسمعي قولي لي امي اني ماشي لطرابلس مع عصام ومرات غدوا نروحو
انا.. هاااا ليش ماشي باهي
مالك.. شغل ومرات الليله نروحو
انا.. باهي تمام

انا.. ماما قالك مالك عندي شغل في طرابلس مرات نروح الليله ولا غدوا
ماما.. ربي يحفضه ان شاء الله

ماما.. هيا نديرو الغدي خلاص وقت
ع.حنان .. هيا باهي يا شهد وسمر ضمو المطبخ وكوثر ومرام ضمو الحوش
مرام.. باهي حاضر
انا.. هيا نوضو خلي نكملو قبل ما يجي حد
نضنا ضمينا الحوش وماما وعمتي طيبو كسكسي وتغدينا وكملنا
انا.. بنروح للحوش نرقد من بيمشي معاي
وئام.. اصبري نلبس وشاحي
انا.. مرام هيا بري معاي نكسدو مع بعض
مرام.. باهي
طلعنا مشينا للحوش
انا.. اركبو فوق لداري تو نجيكم
مرام.. تمام
دخلت للمطبخ درت سفره عصير وشكاليط وبطاطه وركبت
انا..تعالو كولو
مرام.. مديلي شكلاطه بس
وئام.. شويه ونجي
انا.. تمام
كلينا وحولت السفره ورقدنا نضنا مع الساعه 7:53 نضت دخلت للحمام (حشاكم) توضيت وطلعت لانه المغرب قريب ونوضت لبنات

مرام.. الساعه كم توا
وئام.. الساعه 8:15
انا.. هيا نمشو لحوش جدودي
مرام.. شويه نصلي المغرب
وئام.. حتى انا
انا.. باهي تقبل الله
طلعت من الدار رن هاتفي رجعت خديته وكان نفس الرقم تعودت من الشيطان ورديت
انا.. شن تبي مني انت خلاص معاش ترن عليا
؟؟.. رنيت نطمن ع جداك صار طلعوها من المصحه
انا.. مليكش دخل اطلع من حياتنا وانا متأكده من انه الكلام كدب
؟؟.. تو نعرفو بعد ترجع كدب ولا حقيقه
سكرت عليه الخط وطلعت للبلكونه
مرام..كوكو في حاجه
انا.. لالا شي هيا كملتو نمشو
وئام.. هيا
طلعنا مشينا لي حوش جداي
انا.. السلام عليكم
الكل.. وعليكم السلام
مروه.. شكلكم كيف نايضين
انا.. لالا بكري شويا
انا.. راجلك برا يا مروه
مروه.. اكيد جاي لي عمامي
انا.. اهااا ممكن
شهد..كوكو تعالي معاي شويه نبيك
انا.. ان شاء الله خير تعالي
طلعنا برا
انا.. شن في
شهد.. كلمني محمد قالي في واحد شافك لما مشينا للبحر ونعجب بيك يعني يبيك
انا.. لا والله وانا توا نوافق ولا نمشي نقول لي مالك
شهد.. لالا خلاص انتي قولي لا وتم الموضوع
انا.. هدا ما ناقصني انا بندخل هيا
شهد.. نكلم محمد ونجي تمام
انا.. باهي
دخلت وشهد كلمت محمد
محمد.. الوو
شهد.. اهلا
محمد.. اهلين شن الجو
شهد.. تمام الحمد لله
محمد..شن حال جداك توا
شهد.. كويسه الحمدلله حبيبي بنقولك كوثر قالت لا
محمد.. تمام بعد شويا نكلمه ونقوله مفيش نصيب
شهد.. تمام
محمد.. نهدرزو بعدين توا معاي ولاد تمام
شهد.. حاضر سلام

انا.. مروه بطنك رايحه زي البطه
مروه.. انا عاجبتني وقوليلي انتي علاش مسيبه قرايتك اسبوع يقرو وما مشيتيش
انا.. والله ماخاطري لاكن يوم الاحد بنمشي
مروه.. باهي كويس ردي بالك اهم شي قرايتك
انا.. من غير ما توصي
فات اليوم وتعشينا وروحنا لي حوشنا ومروه بايته عندنا لانه غدوا جمعه رقدنا مع بعد في الصاله في الصبح نضنا بكري
ماما.. كوثر اطلعي برا انتي وسمر سيقو الجنان
انا.. باهي حاضر
سمر.. جيبي السياقات وانا نمشي بجيب التوبو
انا.. باهي تمام
دخلت جبت السياقات وسيقنا الجنان وكملنا ودخلنا
ماما.. كملتو
انا.. اهااا كملنا في حاجه تانيه
مروه.. باللهي عليك جيبيلي هاتفي
انا.. وين مكانه باش نجيبه وشن المقابل
مروه.. مبدردك جيبلي الهاتف هيا تلقيه في المطبخ
انا.. باهي تو انجيبه

شهد.. يامروه تعالي شوي
مروه.. تعالي انتي
شهد..باهي تمام
مروه.. خيرك شن تبي
شهد.. قالي محمد العرس في نهاية شهر 7 وخلاص توا شهر 6 معاش في وقت
مروه.. باهي مزال شهر وانتي كل شي واتي بس نديرو الحلويات وان شاء الله جداي تروح بصحه كل شي يجي في وقته
شهد.. ان شاء الله خير انتي كلمي ماما وقوليلها
مروه.. باهي بعدين نكلمها
انا.. امسكي هاتفك انا بنركب ندوش
مروه.. ساعه باش جبتيه
انا.. كنت البرا نسيتك
مروه.. باهي
ركبت دوشت وتوضيت طلعت لبست عفريته قونه ورديه طويله وتحته بلوزه مورده وصليت وخديت هاتفي ونزلت قعمزنا كلنا في الصاله

مروه.. ماما محمد حدد العرس في نهاية شهر 7 بس يستنو امت يروح بابا
ماما.. نشوفو وضع جداك قبل وبعيدن ساهل
انا.. يعني بيجينا عرس وأخيرا
سمر.. علاش وأخيرا هدا العرس في حوشنا يعني بتعولي وبتجري ومش ح تلقي فرصه تهتمي بنفسك
انا.. مادخليش انا انتم تكفو
ماما.. نوضي شوفي المربوعه كان فيها حاجه
انا.. باهي مهناك غير انا توا
سمر .. ???
انا.. باهي انتي تو تشوفي
نضت مشيت للمربوعه فتحت الباب لقيت …. ??????

يتبع

نبي تفاعل بس ❤❤?

للكاتبه
Ŕàhmä Mq