انا.. ليش خيرهااا
ماما.. تعبت شويا ورفعوها للمستشفى قالولهم برده بسيطه بس مش متطمنين لانه قال بوك نطلعو بيها لي تونس
انا.. اهاا غدوا الصبح نمشي نشوفها … تعيشين انتم
ماما.. اي تعشينا وانتي تعشيتي
انا .. لالا كيف نضت من النوم نتعشا ونرقد
ماما.. باهي اني توا بنرقد ليلتك سعيده
انا.. وانتي اسعد
تعشيت وركبت لي داري ورجعت رقدت

الصبح

نضنا فطرنا ونفس الرتونين اليومي فات اسبوع كل يوم نمشو ننشوفو في جداي وبعدين طلعو بيها لتونس مشي بابا وعمي ابراهيم وعماتي الاتنين

ماما.. وين ماشيات ان شاء الله من غير ادن
شهد.. جيت بنستأدن منك بنمشو للمحلات بنشرو لبس للبيبي لانه مروه دخلت الشهر الرابع ودارت الجهاز قالولها بنت وبنمشو عندهاا
ماما.. باهي ومروه عندي علم بيها بس م طولوش
مالك.. هيااا كان بتمشو
انا.. هيا طالعين
طلعنا شرينا لبس للبنوته يجننو ومشينا لحوش مروه
مهاب .. اهلا اهلا زارتنا البركه تفضلو
مروه.. يي جيتو هيا ادخلو
دخلنا لحوش ومهاب ومالك طلعو
مروه.. يهبلووو
انا.. حتى هيا إلين
شهد.. ههههه حتى سمتها
مروه.. والله حلو الاسم لاكن انا ومهاب تفاهمنا الاولاد انا نسميهم والبنات هوا
انا.. خلاص تو انكلم مهاب نبي نسميها إلين لعند ما رن هاتفي
انا.. نرد ع الهاتف ونجي
دخلت لي دار البيبي
انا.. الوو حبي شن الجو وين مغيبه
نور.. الحمد لله شن جوك انتي والله حقق عليا اسفه
انا.. يلا المره هادي نفتوها لك تعاوديها نوريك
نور .. شنو صار بتمشي الاسبوع الجاي للثانويه
انا.. اول يوم وتاني يوم لا
نور.. تمام شنو مدايره انتي
انا.. حال الكساد يعني انتي شن جوك مع الكبيده
نور.. تمام بكل مش كيفك انتي
انا..مش زيك انا لا حبيب نكسد عليه لا نكد جوي ع خاطره فهمتي
نور.. ح يجي ولد الناس يلي ح يغيرك واني نقولك من توا والله
انا.. مستحيل يجي يوم ونكبد ع مخلوق من جنس ادم
نور.. كوكتي شويا بس ونكلمك
انا.. تمام سلمات
سكرت الهاتف حسيت في حد وراي لفيت القيته مالك
انا.. انت شنو ادير هني
مالك.. شن رايك انتي صار مستحيل تكبدي تبي نقتلك
انا.. اطلع برا مليكش دخل نكبد ولا لا اصلا مش ليا مواضيع هادي
طلعت وخليته مشيت قعمزت بجنب خواتي جي مالك وقعمز بحدانا
دخلت المطبخ نشرب وقعمزت ع الكرسي جي مالك ووقف وراي
مالك.. عيط في ودني وانا من الخلعه نضت انعيط
انا.. علاش يامالك هكي خلعتني مبردك
مالك.. جيت بنقولك خليك ديما هكي ومتخليش اي مخلوق ع وجه الارض يجرحك وانا واثق فيك
انا.. لا توصي خوي انا مستحيل اندير حاجه نزلك بيها راسك
طلعنا من المطبخ وادكرت هاتفي خليته في الدار مشيت جبته وطلعت البرا الجو كان حلو فتحت الهاتف وكسدت ع النت لعند ما هاتفي قعد ايرن والرقم غريب ما دورتش فتحت الماسنجر شويا وسكرت
دخلت الداخل
مالك.. هيا نروحو خلاص الساعه 11الطريق ما طمنش
انا.. باه هيا حتى ماما وصتنا مانتأخروش
نضنا روحنا وصلنا للحوش اركبت غيرت ورقدت طول نضت الصبح لقيت هلبا مكالمات من نفس الرقم بس يلي شغلني صوت دوشى قويه نزلت نجري لقيت العيله في الجنان امي وحنان مرت عمي ابراهيم
انا.. شن في
ماما..هيا برو البسو بنمشو لحوش جداك عماتك ع جيه غادي لانه جداك جتها جلطه
انا قعدت نبكي ومش عارفه شن اندير ركبت لبست عبايتي ونزلت مشينا لحوش جداي لقينا عماتي كيف خاشات والدنيا دايره بيا جداي اغلى انسانه ع قلبي وقت نزعل نرقد في حضنها نموت لو يصيرلها حاجه
بعدها هدينا شويا والناس بدت اتجي قعمزنا انا والبنات في حوش عمي الصغير مش متزوج لانه فاضي وحتى هوا لحق هاتفي قعد يرن ونفس الرقم رديت
انا.. الووو
؟؟..السلام عليكم
انا.. وعليكم السلام من معاي
؟؟..انا بنقولك ع حاجه وهيا سبب الجلطه يلي جت لجداك والسر هدا ما يعرف بيه حد الا هياااا
انا.. احكي شنو في
؟؟.. ،،،،،،
انا.. مستحيل الشي يلي تحكي فيه انت من وشن تبي منااااااا…….

يتبع
ياريت تفاعل ?

للكاتبه