احببته رغم تكبري الحلقة الثانيه

الحلقه 2 التانيه
.
.
.
.
اساور.. اهااا مزبوط بس بنقولك حاجه
انا.. قولي شنو في
اساور.. بنقولك شنو رايك ندخلو للبحر ??
انا.. تحكي جد انتي والله ماني داخلتها الا بعد الساعه 6 تمام هكي تتسمطي عليا صار
اساور.. باهي خلاص فوتي الموضوع اصلا شمس قعدا نمشي نجيب هاتفي ونجيك
انا.. جيبيلي هاتفي في شنطي
مشت جابت الهواتف وجابت معاها شامينسا وجت

عند سمر والبنات
سمر .. وين كوثر واساور
ايه.. مقعمزين ع الشط
سمر .. هيا نمشووو بجنبهم
ايه.. يلا شنو ورانا كملنا نضمنا كل شي
اصيل.. وين ماشيات انتي وياها
شهد.. يمكن احني في البحر حتى اهني وين ماشيات ومن وين جايات عليك حاله
اصيل.. باهي امشو واني نشوفلكم من هني
ايه.. تمام
انا.. جيتو
ايه.. لا قعدين ماجيناش شن رايك انتي
انا.. باسله عندك علم
ايه.. اهاا عندي علم بس كنت نستنا فيك انتي امت اتقوليلي
طبعا الشخصيات الجديده هما عيلة خالتي بنتين وولدين ايه مواليد 97 واساور م 2002 اصيل م 95 اما محمد م 92

____________________________

ماما .. يامحمد حاول مع مالك شوفه خيره قعد ماجاش
محمد.. ياخالتي مافيش تغطيه
اصيل.. ادكر القط يجيك اينط
مالك.. شن كنتو تقولو عليا
خالتي.. برو شوفو لبنات
مالك.. بوي تبي حاجه
بابا.. لالا سلامتك
مالك..ياولاد تفكرو في يلي نفكر فيه
محمد .. باهي هيا ياولاد
اساور .. يابنات الاولاد جو
انا .. خلي يجووو شنو بنديرولهم اكيد جايين يتصيعو الحكايه اكلها بنات وولاد
ايه.. بكل طروف اهني
انا.. هدا ما فالحه فيه انتي
ايه.. انا مش زيك حبيبتي معقده هلبا
انا.. لا مش معقده بس ابسل منهم مفيش شن بندير بيهم عندي عيلتي وقرايتي وصلاتي اهم شي في الدنيا
محمد.. شن تحكو بكل طاقه شن في
انا.. مواضيع بنات شن دخلك انت
محمد .. ام لسان طويل
المهم دخلنا البحر وقعدنا نتعاركو
ايه..محمد اصيل ??
ايه كانت بتغرق بس كان بعاد عليها ومن الزحمه والدوشه ما سمعناهاش وكان في ولد شافها وأنقدها
انا ..يابنات ايه وين
اساور.. مش هديكا هيا يلي ع الشط لاكن خيرها ومن هدا يلي معاها
طلعنا وفهمنا الموضوع اصيل ومحمد تشكرو الولد وطلع اسمه معتز
بعدها كملنا الشوي وتعشينا وروحنا وكنا تعبانين هلبا

ماما .. هيا تعالو نضمو الحوش وبعدين اركبو..نضمنا الحوش وكملنا وركبت اني اول وحده دوشت ولبست توته سماويه وجففت شعري وفتحت هاتفي لقيت مكالمات من مروه رنيت عليها
انا.. الوو مروه شن الجو
مروه.. هاتفك وين كان خارج التغطيه وبعدين يرن ومترديش
انا.. مبكري كنا في البحر وتوا الهاتف فوق وانا كنت تحت
مروه.. اهااا صار في البحر انتم ومن مشيتو وخيركم ما قلتوش
انا.. خالتي هاجر والله جت بالصدفه
مروه.. باهي غير اسمعيني شويا
انا.. نعم شنو في
مروه .. شن عندك غدوا
انا.. ولا حاجه يعني شن بيكون عندي
مروه.. كويس غدوا نجيكم ونمشي اني وياك للمحلات يرفعنا مالك
انا.. خير علاش شن تبي تشري
مروه.. نبي ناخد هديه لي مهاب لانه بعد غدوا عيد ميلاده
انا.. طح سعدك خلعتيني
مروه.. توا سلام لانه مهاب روح باي
انا.. سلامات سلميلي عليه
سكرت من مروه وقفلت الهاتف ورقدت

____________________________
شهد.. الوو حبيبي
محمد.. نعم عيون حبيبك
نسيت نقوللكم ان خطيب شهد اختي هوا محمد ولد خالتي هاجر حب طفوله
شهد..واضح انك تعبان ?
محمد.. لالا مش هلبا عادي بعدين نمشي الفتره هادي هلبا للبحر بس المره هادي تعبت شويا في جرتكم
شهد.. انتم يلي بديتو تحملو مايجيكم
محمد.. صار نتحملو مايجينا تو نوريك يا مجنونه
شهد.. مجنونه من لما حبيتك تجننت
محمد.. وجننتيني معاك يابنت شن درتي فيا
شهد.. حبيبي انا مادرت شي قلبك هوا يلي اختارني
كملو هدرزه ل الساعه 3 ورقدو
.. في الصبح
انا.. صباح الخير
ماما.. صباح النور
انا.. مافي حد ناض
ماما .. مالك ناض فطر وطلع قال ماشي للشغل وبوك نفس الشي
انا .. اهااا كويس
ماما .. ابدي في ضمان الحوش خلي نركب انوض شهد وسمر
قعدت انضم في الحوش الدور الاول كملته ودخلت المطبخ انوتي في الفطور
شهد.. صباح الخير
انا.. صباح النور وين سمر
شهد.. في الحمام (حشاكم)
انا باهي قعمزي نزلت سمر وماما وفطرنا وانا نضمت المطبخ وبخرت الحوش وركبت لداري دوشت لبست سوال واسع اسود وبلوزه بيضه قصيره وقمت شعري فوق ومشيت لي دار شهد وسمر
شهد.. وين ماشيه طارحه ع خير ان شاء الله
انا .. ماشيه انا ومروه نتشري لي مهاب هديه عيد ميلاده
شهد .. جو الرومانسيات عيت تركي
انا.. اه بكل هما قعدين ماسكروش السنه قعدين عرسان
شهد.. في جو مش عادي
انا.. انا نازله لوطه تبي حاجه
شهد.. اطلعي خلي ندوش شويا وننزل
انا.. باي
نزل لقيت امي تهدرز مع مرت عمي في الصاله سلمت عليهم وقعمزت بجنبهم لعند ما طق الباب نضت افتحت
مروه.. هلا
انا.. اهلين بالغاليه
مروه.. من في هني
انا.. مرت عمي ابراهيم
مروه.. خلي نسلم عليهم
انا..ادخل خلي نمدلها العصير هيا
وتيت العصير والشكلاطه ومديتلهم
ع فاطمه.. ان شاء الله في فرحك
انا…. كحكحكحكحكح والله يامرت عمي الدوه هادي ماهي ليا
ماما..مانيش مستاحشتك عندي اني
انا.. هكي عينك عينك
روحت مرت عمي وطيبنا الغدي وتغدينا اكلنا وخواتي نضمو المطبخ وانا الحوش وبعدها رقدنا شويا بعد العصر نضنا صلينا العصر
مروه.. مالك
مالك.. نعم
مروه.. ترفعني للمحلات اني وكوثر
مالك.. باهي هيا بنطلع مع الاولاد
انا..لبست وشاح اسود سبيدرو اسود وبخيت عطر وطلعنا شرت مروه حجات لي مهاب واني لما تعجبني حاجه ناخدها وروحنا
مروه.. حطني في حوشي يامالك لانه خلاص مغرب ومهاب وقت مرواحته من الشغل
مالك.. باهي تمام
وصلنا لي حوش مروه ونزلت وانا نزلت بنركب من القدام لعند ماطلع عصام
مالك .. اركبي من التالي عصام بيركب من القدام
انا.. تنرفزت ..باهي تمام
عصام.. السلام عليكم
انا.. وعليك السلام
مالك.. نمشو لمصيف صرمان ولا تليل صبراته
عصام.. فوتنا منه تليل مخلط خلي صرمان خير
مالك .. تمام سيارتك قعدا ماطلعتش
عصام.. لالا غدوا بتوصل سياره جديده شريتها
مالك.. ميه ميه
وصلنا للحوش نزلت انا وهما طلعو
دخلت للحوش مالقيت حد رنيت ع ماما بس ماردتش ركبت بدلت وصليت المغرب ورقدت نضت بعد ادان العشاء نزلت
انا.. ماما
ماما.. نعم
انا.. وين كنتو
ماما.. عند جداك مرضت شويا مشينا غادي
انا.. ليش خيرهااا …….

يتبع

ان شاء الله عجبتكم ????
Ŕàhmä Mq