ابي زوجني لأثتين في وقت واحد

جميع الحقوق محفوظة للكاتب محمد مالك

البارت الاول
رواية للكاتب المصري محمد مالك
انا راوية منصور سني ١٨ سنة ماما ماتت وهي بتولدني عشان يربيني بعدها انسان .. انا أسفة اني بقول عليه انسان لأنه فاقد لكل معاني الانسانية .. دا شخص انتهازي وطماع وغليظ القلب اهم حاجتين في حياته هما الفلوس والحريم يبيع الدنيا كلها عشان خاطرهم .. حتي انا بنته الوحيدة باعني عشان خاطرهم .. عاوزين تعرفوا مين الشخص ده ؟! للاسف هو ابويا منصور شرف الدين تاجر .. بيتاجر في كل شئ يجيب فلوس حتي بنته تاجر بيها .. في يوم جاني وقالي انتي انهاردة دخلتك علي الحج سليم تاجر مواشي من الصعيد سنه ٧٥ سنه متجوز مرتين .. المهم الحج سليم شافني واعجب بيا .. فقال اتجوزها .. قال لأبويا عاوز فيها كام ؟! قالوا اد كدا .. وكأني بهيمة بيشتريني .. مكنتش اقدر اقول لا .. لأني عارفة هنضرب وهتهان وبرضوا هتجوزه غصب عني .. المهم وافقت وانا بتقطع من جوايا ازاي بنت صغيرة زيي تتجوز من راجل عجوز اد جدها ؟!! المهم زوقوني ولبسوني فستان فرح وعملوا فرح في البيت ع الضيق كدا وانا قاعدة جمب العريس وكل ما عيني تيجي في عينه بحس انه اكل لحوم شرس مستني الفرح يخلص عشان ياكل في لحمي .. فضلت ادعي يارب خلصني منه وفجأة واحنا قاعدين دخل شاب وسيم زي القمر طول بعرض وعضلات ومعاه كام واحد تاني ولقيته بيقول لبابا .. انت اتجننت يا منصور ؟!! تجوز بنتك لواحد تاني وهي متجوزاني ؟!!
بصراحة انا فرحت اوي وقلت يا سلام معقول يكون بابا جوزني للشاب القمر ده وهو مش عارف ؟!! مش معقول منصور يعمل حاجة كويسة زي دي ابدا !! وفجأة حصلت كارثة ؟!!
الرواية مثيرة واحداثها شيقة .. تابعوني تحياتي الكاتب والسيناريست المصري .. محمد مالك.