روايات ليبية

يـومـيات هـنـادي

يـومـيات هـنـادي بقلمي آيات صالح

رواية كوميدية

حكـايـة خيـاليـة كـوميـديـة?
بقلـمـيأيــات صـالـح?
مافـيش مقدمـة?
الحـلقـة…(1)
————————–—————
ماما:خلاص يا هنادي كلمة وقلناهااا جمال بتاخديه يعني بتاخديه
انا:تي اما جمال يا ماماا هو فمه زوز الميترو قدام وجبهته تقول طاقية الهم الاحرف وتزيدي تقهري فيا باسمه?
ماما:تي من مزال يدور في الشكل توا وقتنا هذا اهم شي رزق الراجل وهو مشالله عليه اراضي وعقاراات وتلاتة حياش شن مزال تبي
انا:نبي الجمال اللي تحكي عليه?
ماما:معاش بناقشك ني والفاتحة الخميس الجاي
انا:جعلها تنقرا في عزاه قبل عرسي قولي امين??
ماما:نوضي من قدامي يا فرخة
طلعت من المطبخ وني الدخان طالع من خشمي?خبطت في خوي عماد
عماد:خيرك حمارة ما تشبحيش
انا:مافيش حمار وانت موجود?
عماد:غير مش رايقلك توا
انا:ترا نحي من قدامي
مشيت للصالة لقيت بابا يتفرج ع الـTV
انا:بابا ترا اشبحلي،شوي نبي نكلمك
بابا……
انا:باباا نبي نكلمك
بابا……
تلفتت ع الـTV لقيت فاتح ع قناة وفيها هيفاء وهبي تشطح?
انا:يااابابااااااا
باباا فاق ع روحه وقلب القناة
انا:ترااا شوية بناخد من وقتك بعدين تفرج ع كورسات الرقص?
حدفني بابا بالمخذة
بابا:احترمي نفسك يا فرخة?
انا:حاضر
بابا:شن تبي?
انا:يابابا خيركم بتزوجوني غصب معقولة?
بابا:تي الراجل فلوس بيعيشك في راحة
انا:لكن شيين صغاري يطلعو شينينن?
بابا:يعني ع اساس انتي هيفاء وهبي
انا:علاش عاجباتك هيا?
حذفني بالمخدة التانية?
بابا:?
انا:يابابا ني حلوة صح سمينة شوي لكن وجهي حلو
بابا:عمرك بطقي ال30 وتتشرطي يافرخة الشيب بيطلع من شعر خشمك وقاعدة تقولي هذا شين وهذا حلو?
انا:شيب،شنو?تصحيح عمري 25?
بابا:تي هذا اول واحد يطق الباب وعمرك25 وعندك عين تحكي
حسيت كلام بابا صح واستسلمت
انا:به موافقة?
بابا:هكي بنتي نبيها نوضي عاوني امك هي
انا:به كمل الكورس بتاعك
المرة هذي،ضربني بالجهاز??
ركبت لداري وني فرحانة انه عرسي قريب و زعلانة ان بنرقد ونتصبح في وجه جمال?وكل ما نقول اسمه نبكي??
احمممم نسيت نعرفكم بروحي??
ني هنادي الفتاة الجميلة??عمري 25 وقريب نسكر الـ26 متخصصة انقلش بس اشتغلتش?لانني باخلة?
خطبوني دكاترة ومهندسين بس ني رفضتهم لان مزال نبيش نتزوج?تصدقوش كلام بابا?عنده زهايمرر?
المهم ني وجهي حلوووو بس جسمي مليان شوي?
خطبني ولد عمي اسمه جمال وعليييييكك جمال يهد الكون وعلييكك سنون يعموو العيون من الضي الاصفر?وعلييك خشم يتنفس بيه هو وثلاثة اخرين??وفوق هذا صلعة يعني الشامبو لياا ني بس??طبعا بابا وافق لانه معبي هلباااااااااا هو وحيد عيلته
عندي خو واحد اسمه معاد عمره 18 يقرا اولى جامعة اكبر نسونجي في العالم????
وماماا:سمر وبابا:سالم
صديقتي المقربة اسمها ميار كييووت هلباااا
الحوش ما طلعتش منه عامين لدرجة قاعدة عايشة في صيف 2017??

خلوناا نردو للرواية:

ركبت لداري واتصلت بميار
ميار:يا اهلا بالعروسة
انا:يعطك كوسة تاكليها وتخنقك وتموتي قولي امين?
ميار:اللطف علاش??
انا:بيعطوني لجمال ولد عمي وني حسبته مؤيد?
ميار:جمال اللي قبل يعاكس فياا?
انا:اي?وصكري،فمك?
ميار:متتتتتتت تغاري?
انا:??
ميار:وكيف قبلتي
انا:قلت باهي?
ميار:ياحمارة قصدي كيف عادي قبلتي ورفضتيش
انا:ااه?تي ماما وبابا غاصبيني وبعديين ني الشييب بيركبني وتزوجتش نقبل وخلاص
ميار:كل ما تكسدي دربكي ع صلعته??
انا:هذا اللي بيصير??
ميار:عادي المهم افرحي ودوريش انتي اصلا جمال درويش بكل يعني تمشيه ع كيفك?
انا:هذا احسن،شي فيه?
ميار:بنسكر توا نكلمك بعدين
انا:درب يسد مايرد
سكرت من عليهااا وقعمزت ع المراياا نراقب في جمالي الخلاب?
نحط في الكريمة ع وجهي طقطق الباب
انا:منوو?
ملاك:اني
انا:ملوكتييي خشي
خشت ملاك وسلمت عليها
انا:وين خالتي
ملاك:تحت
ملاك هذي بنت خالتي القريبة ليااا طبعا هيا بنت وحيدة ع اربعة ولاد
ملاك:صار بتتزوجي جمال ولد عمك
انا:اي
ملاك:فؤاد لما سمع قريب هبل قبل يبيك
انا;وعلاش ما نشط روحه ولد الـ بابا?
ملاك:الله غالب المهم احكيلي كيف شكله عضلات طوويل?
انا:شفتي بابا سنفور
ملاك:اي?
انا:اطول منه?
ملاك:وووووووه??بتكمليله رضاعته ولا شنو?
انا:تي اصبري خلي نكملك
ملاك:كملي هي
انا:عنده طاقية من ربي تحميه من اشعة الشمس وسنون اصفر من ضي الحمام?وصلعة?
ملاك:كويس كل ماتبي تشوفي روحك شوفيها في صلعته???ولما تكسدي اقعدي تلمعي فيهااا
انا:حتى هذا راي?
ملاك:حظك عطيب بنية خالتي
انا:هلباا?
ملاك:في العرس البسي شبشب حمام وهو كندرة كعب وانشالله يجي طولك???
انا:?
ملاك:ارفضي به
انا:من كثر العرسان اللي،يطقو في الباب?
ملاك:ويخطبك فؤاد خوي
انا:وين،بنسكن
ملاك:في حوشنا
انا:اي ونرقد جنب الغاز
ملاك:??مش تبي الشكل
انا:لازم يكون في توافق عاد
ملاك:به نوضي نشوفو امك وامي
انا:تعالي هي
مشينا للصالة لقينا ماما وخالتي سلمت عليها
انا:بابا تغدى
مااما:اي
خالتي:مبرووك هنادي زواجة الدهر?
انا:الله يبارك فيك
ماما:تعرفي جمال عنده تلاتة حياش وعنده شركة
انا:مش امبكري قلتو شركات?
فنصت فيا ماما تفنيصة لين شعاع الخارق حرقلي عيوني?
خالتي:مشالله مشالله
ماما:?
انا(في خاطري):يفشكو ع حسابي?
انا:ني بنرقى نرتاح شوي في داري ملاك اقعدي هني
ملاك:تافهة والله?
مشيت لداري كيف بنرقد رن فوني لقيته رقم غريب
رديت
انا:الو?
….:…..
انا:?
#يتبع
اعطوني رايكم في سردي في الكوميدي?وقولو ضحكتو او لا??+عارفتها قصيرة هذي كـ بداية بس مزال في احداث هلبااا?+مش كلها ضحك راه يعني

تقييم المستخدمون: 4.16 ( 7 أصوات)

1 2 3 4 5 6الصفحة التالية
زر الذهاب إلى الأعلى
error:
إغلاق
إغلاق

عفوا أنتي تستخدمي إضافة Adblock

برجاء تعطيل إضافة Adblock حتي تتمكني من التصفح