الرئيسية بشرة وشعر لو عايزة شعر أطول في فترة قياسية

لو عايزة شعر أطول في فترة قياسية

لو عايزة شعر أطول في فترة قياسية

وصفة جديدة من وصفات العنايه بالشعر وصفتنا المرة دي خاصة
بعنصر قوى ومهم جدا لماسكات شعرنا سواء لسيون او حمام زيت او حتى كريم له اكتر من طريقة استخدام آلا وهو
الزنجبيل

الزنجبييل سر الشعر الطويل و حمام الزيت
هو الحل الامثل لعلاج كل مشاكل الشعر
وبيحفظ له حيويته ويحميه من التقصف والجفاف
ومع تجربتى لحمام الزيت لفترة طويله
لاقيت شعرى فعلا ااتحسن كتير عن طبيعته
بس الطول ملاحظتوش الا بعد اضافه
الزنجبيل
لحمام الزيت
بجد فرق معايا كتير وف وقت قصير
كان عندى شعر صغنن جدا عند القورة
طوله ميحصلش 1سنتى
بعد الزنجبيل لاقتيه طول جدا
تقريبا بقا 2 سم في اسبوعين بعد استخدام الزجبيل
لدرجة انى بضفره علشان يطول اكتر
انتو عارفين ان الضفاير بتطول جدا

لماذا الزنجبيل ؟؟؟؟
الزنجبيل على را س المواد الحريفة التى تساعد
ع ىتنشيط الدورة الدموية بالجسم كله
ومن هذه المواد
الخردل ,القرنفل,الكركم ,القرفه
الاعشاب الحارة دي سواء استخدمناها خارجيااو داخليا
باضافتها للمشروبات او المأكولات
بتساعد على تنشيط تدفق الدم الى كل اجزاء الجسم
ومنها جذور بصيلات الشعر
ودة اكتر شيء بيساعد على تطويل الشعر وتقله
تعرفو ايه هو سر طول وجمال شعر الهنديات
انهم بيستخدمو هذه المواد ديما ف ماكولاتهم
واكيد كلكم عارفين زين تريشوب الهندي بيسرع نمو الشعر جدا
من مكوناته الرئيسية

زيت الزنجبيل
مع زيوت اخرى خردل ,زيتون,سمسم,

الزنجبيل ممكن نضيفه لاى ماسك لشعرنا
حمام كريم ,لسيون,غسول
ممكن تضيفوه لغسول البصل والتوم سنة زنجبيل صغيره مع المكونات وهى بتغلي
اما لحمام الزيت تعالو نشوف
هنستخدمه ازااااي؟؟

طريقة حمام زيت الزنجبيل

ممكن نستخدم اى زيت زيت زيتون لوحده
او زيت خاص بيكي مناسب لشعرك
زيت الزيتون

هنحطه على حمام مية مع ربع معلقه صغير زنجبيل بودر

 

ونسييبهم على حمام مية بتغلى 10 دقايق
بعد ما الزيت يبرد خالص
نصفييه
ونكون غاسلين شعرنا
وندهن فروة الراس ونهتم جدا بالفراغات ندلكها كويس جدا
ونعمل تمارين مساج للفروة حوالى 3 دقايق
يفضل تكونى منحنية للامام ف وضع الركوع
للمساعدة الدم انه يندفق الى بصيلات الشعر مع التدليك
بعدا بناخد كمية الزيت المتبقية بايدينا
وندهن الشعر كله حتى الاطراف
منغرقوش والا هيغلبنا غسيله
اهم حاجة لازم تهتمى بيها ف حمام الزيت الجذور
او فروة الشعر
لان اللى هتستفيدو من الزيت هو اللى هيفيد الشعر بجد
طول وثقل وحيوية وهيحسن من طبيعته
بالتريج مع تكرار الاستخدام
اما دهان الشعر نفسه دة فقط للحفاظ ع جسم الشعرة
من التقصف بجمايه الطبقة الخارجية

***************
لكن تغذية الجذور هي الاساس اللى بتفيد الشعر جوهريا
من خلال حمام الزيت
او عن طريق الدم المحل بغذاء الجسم
زيت الزيتون او اى زيت مستخدم هيساعد ف تغذية
من الخارج بامتصاصه من مسام الفروة
اما الزجبيل هيساعد على تغذيتها داخليا بزيادة تدفق الدم اليها
ممكن تستخدمي زنجبيل بودر
او اخضر فريش

المتوافر عندك  ولكن خدي بالك الزنجبيل الاخضر هتبشريه وتصفيه وتضيفي ميته

ومش هتتركية كتير ع حمام المية يدوب المكونات تسخن وتتجانس
وترفعيه بسرعه علشان عصارة الزنجبيل متتطاريش مع الابخرة

بعد دهان الفروة والشعر هنغطي شعرنا بكيس بلاستيك

 

لمدة ساعتيين الى 3 ساعات وممكن نتركه طول الليل
انا بحب اسيبه طول الليل واغسله الصبح
وبعد كدا بتغسلي شعرك بشامبو
مخفف بمية الاعشاب
معلقه من الشامبو تمزجيها ا بكوب مغلى
من الاعشاب وبتغسلي بيها شعرك كله
وبعد الشطف جيدا بتكونى محضرة
كوب اخر من منقوع الاعشاب او مغلى القهوة
للشطفة الاخيرة

 

حمام زيت الزجبيل لتطويل الشعر في فترة قياسية
الزنجبيل
هيجيب من الآخر

 

 

استمرى على حمام الزنجبيل مرة او مرتين بالاسبوع
وشوفى شعرك هيبقى ازاى ف خلال شهرين
هتندهشى من النتيجة واااو
بس ساعتها اتمنى تفتكرينيي بدعوة حلوة

بالنسبة لطريقة حمام الزيت
وتمارين تدليك فروة الرأس
ذكرتهم سريعا ف الموضوع
علشان مطولش عليكم
لكن مهم جدا ف العنايه بشعرنا اننا نعرفهم بالتفصيل اكتر

لان للاسف كتير مننا بيهمل تمارين فروة الرأس
او ميعرفش فايدتها الكبيرة للشعر

تدليك وتمارين فروة الشعر من اهم اسباب
تطويل الشعر وتقله
وصحته عامة
وايضا البعض لا قد يعرفن
طريقة حمام الزيت الصحيحه للشعر
ف طرق كتير منتشرة
لكن لابد نعرف الطريقة الافضل
اللى هتحقق اكبر استفادة من حمام الزيت
باذن الله ف موضوعات قادمة هعرفكم بالتفصيل على
الطريقة الصحيحة لحمام الزيت
وايضا اهم تمارينفروة الرأس اللى بتساعد ع نمو سرعه نمو الشعر
وايضا مننساش اهم شيء وقبل كل دة
اهم حاجة بتاثر على شعرنا وبشرتنا وصحتنا عامة
الا وهو
التغذية الداخليه
محتاجين نعرف نظام غذائي
يساعدنا ف تطويل الشعر والحفاظ على صحته وحيويته الطبيعيه
كل دة هتعرفوه باذن الله ف موضوعات قادمة جديدة
تابعوني ديما ديما
باذن الله هتلاقو في منتداكم المميز
بيت العز
كل ما هو جديد ومفيد
في عالم العنايه الطبيعيه
بالشعر والبشرة

تقييم المستخدمون: 5 ( 2 أصوات)

عن بوسي رأفت

تعليق واحد

  1. جزاكم الله خيرا

رايك يهمنا ♥

error: