كيكة القهوة وصوص الجناش

كيكة القهوة وصوص الجناش وبدون بيض

كيكة من غير ولا بيضة بس هشة جدا مش محتاجة سيرب ولا شربات
بصوص جناش بسيط وسهل التحضير

لمقاديرها هنحتاج

• كوب حليب دافئ
• كوب الا ربع زيت
• كوب الا ربع سكر
• نص كوب قهوة بس تكون متصفية ( لو مش متوفرة ممكن تعويضها بنص كوب ماء مذوب فيه معلقة نسكافيه )
• معلقة صغيرة بودرة كاكاو
• 2 كيس بيكن باودر
• 2 ونص كوب دقيق
• 2 معلقة كبيرة خل ( وده سر هشاشتها )
• رشة ملح

 

طريقة التحضير

في بولة نخلط كل السوائل ماعدا الخل بالويسك لغاية ما يتجانسو ثم نضيف الدقيق مع البيكن باودر والكاكاو وفي الاخير خالص نضيف الخل ونفرغ الخليك في قالب كيك مدهون ومرشوش دقيق
وندخله فرن على درجة 175 لغاية ما يستوي

مقادير الجناش

• علبة شكولاتة + 3 معالق زبادي طبيعي من غير سكر + معلقة صغيرة زبدة
• ندوب الشكولاتة في حمام مريم ثم نزيلها من فوق البوتاغاز ونضيف الزبادي والزبدة ونحرك لغاية ما نحصل على خليط متجانس ونغطي بيه الكيكة ونزينها بالمتوفر من فوق
• ندخلها الثلاجة لغاية ما يتماسك الجناش ويبرد ونقدمها بالهنا والشفا

اللهم أدمها نعمة واحفظها من الزوال
استودعكن الرحمن وإلى لقاء جديد بإذن الله