روايات ليبية
أخر الأخبار

كيد النساء بقلم ميلو حسن

جميع الحقوق محفوظة للكاتبة : ميلو حسن

بقلمي : ميلو حسن

#كيد_النساء

الحلقه الأوله او المقدمه 🔥

همام: ي نوره ي روحي فكري شوويه نا نبي نخرب علاها زي ماخربت ع اختي وخلتها تنتحر ومعنديش غيرك انتي الوحيده لقريبه منها وتقدري تجيبي صورها
نوره:اففففف ضروري تحطني في مواقف هكي يعني
همام:باش تبي تاخدي ايفون اكس وسياره ولبس
نور:بطمع……اي ياريتت بنمووت عليهم
همام:انتي لو تسمعي كلامي وتجيبي الي نقولك عليه في يوم بس حايوصلك مبلغ مني حايعجبك وهلبا
نوره:بدون ماتفكر ولا ثانيه. …… اوكى حايوصلك كل شي بس متنساش عموري ومتتصلش واستنا لن انا نتصل بيك لأنه منبيش حد يلاحظ انه بينا تواصل فهمت
همام:بخبث……تم ي قلم نا حانستناك المهم يوصلو الصور قبل مايقرو الفاتحه وعموري خليه عليا
نوره:امممممم…….حاضر خلاص اعتبرهم عندك
همام: تم ي حلوهه توا بنسسكر عمر يستنا فيا نفخهم
نور:به ي همام ومتنساش عمر هههههه
همام:نحكو وقت اخر بس انشاءالله نقنعه انه يخطببك وهكي
نوره:سسلمه مالا توا سلام
همام: سلام

عمر:وضحلي اكترر ؟
همام: قصدي هيا صديقتي وحلوه مش خاطيا وغدوه نمشو الجردينه او مطعم تتلاقا معاها وتحكو معجبتكش فوت الموضوع
عمر:لالا انا فهمني بس من وين جاك الاهتمام بيا وبي مواضيعي الخاصه
همام:ههههه تي عموري الزح حياتك تهمني هلبا انتا راجل حبيبتك توفت في الحادث الله يرحمها قعدت سنتين متأثر خلاص اطلع من جو النكد وعيش حياتك
عمر:فوتني منها الدسكه لمخبشه هادي مورقلك راهو اكيد في حاجه تخططلها
همام:حرام عليك شن تقول لدرجه هادي هكي نا رخيص
عمر:ينفخ في الدخان…..فوته الموضوع متوجعش راسك معاي خير
همام:تي بهي فكر الزح وخلينا نفرحو بيك
عمر:امي باعتاتك تزن ع راسي
همام:ضحكك ع اساس بيحطها في راسه امه……بهي زي انا زي امك المهم شنو رايك؟
عمر:نمششو نشوفوها عادي وزاد في صوت المسجل
همام:😍😍

همام : مواليد 93 من عيلة اغنياء ومدلع هلبا بوه اغلبية وقته مسافر من اوغندا لي امريكيا والاردن وعندهم حتا املاك برا وامه واخته حتا هما اغلب وقتهم برا يسافرو وهمام من النوع الي ميحبش يسافر لانه متعلق بي صاحبه عمر هلبا وزي مايقولو ولد بلاد حرر طبعا قبل سنه لما رجعو اهله لي ليبيا اخته تسنيم حبت شخص وحاولت حتا تنتحر ع خاطره وهوا ميحبهاش لانه كان يحب سجى وكانت كل ماتكلمه او تتواصل معاه يرد فها ويقولها نحب سجى هيا نفسيتها تعبت ودمرت وعرفو عيلتها بشي هدا وحتا مشو وكلموه بس كان رافض لانه يحب سجى الي تسكن في الشارع التاني وتسنيم متحملتش بوكل ولقوها شانقه روحها في البلاكونه 💔…..وطبعا سجى مكنتش مدوراته بوكل ولا تبيه وطبعا همام لانه كان يحب اخته هلبا وتأثر هلبا بي موتت اخته قرر بعد فتره يسأل ع سجى وسمع انها مخطوبه لشخص تاني بس حب ينتقم لي اخته وشوويه وشويه لن قدر يوصل لصاحبتها نوره ألي هيا تسكن معااهم في نفس الشارع يعتبرو كلهم جيران وهكي

مواصفاته: قمحي ونقششه ع صغير وعيونه لونهم عسلي وشعره خفيف وناعم جووه كوميدي لكن شايف روحه لدرجة يحب يكسر الناس الي احسن واحلا منه متعود ع لفلوس ودلع وبنوووتي ويحب يسافر لتونس ع خاااطر 🔞

عمر: مواليد 92 حتا هوا من عيلة غنيه وطبعا تعرف ع همام
لانه بوه عمر وبوه همام شركاء في الخدمه ونفس الشي اهل عمر برا عايشين لانه بوه عمر عنده خدمه …وعمر وهمام صحاب من لما كانو صغار بس عكسس بعض في الطبع عمر متواضع مع الكل ويصلي وقريب من ربي وميحبش شي ربي حرمه انسسان طيب وكويس هلبا بس لو تعصب الله يرحمكم. ….امه وبوه وزوز خوات هادي عيلته 💪🏻🔥

مواصفاته: طويل وابيض شعره مطوله شوويهه ملامحه حااده شخصيتهه حلوهه ودمه حلو وينحب ع طوول ورجوليته واضحهه عليهه نقششه حلو واحلا شي عيونه

سجى:حيوانه والله لا تسألي لا ترني
نوره:لا ي قلبي متزعليش مني اهو نوتي في شنطي من اليوم بنبات عندك
سجى:ووههه واخيرا كلبه وامك وافقت صح
نوره:ماما مترفض مدامه الشي معاك انتي
سجى:حبيبتي والله نححببكك المهم هيا تعالي باش توتي معاي والله حايسسه في روحي ومازال هلبا حاجات مشريتهمش
نوره:من عنوني ي قلبي ثواني ونكوون عندك
سجى:تمام مالا قلبي نستنا فيك ….سلام
نوره:سلام….وسكرت الخط

مـــــــــــــيُـــــــــــــلـــٰــــــــووو حــٰــــــــــسـٰــــــــــن🔥
🔥مـــــــــــــيُـــــــــــــلـــٰــــــــووو حــٰــــــــــسـٰــــــــــن🔥

انا سجى مواليد 95 خريجة مختبرات بعد جهد جهيد واصراؤ باش كملت قرايتي ع خير والحمدالله خديت شهادتي طبعا قصتي انه نا عايشه مع ماما وماما متزوجه راجل تاني لانه بابا متوفي وعمامي من لما دخلت لثانويه وهما في كلمة امتا بتتزوجي لانه مش راضين نعيش مع راجل غريب وماما تعبت هلبا باش خلتني معاها والحق عمامي كويسين مش من النوع الي حقدو عليا علشان ماما تزوجت واول ماجي شخص خطبني وافقت عليه بما انه عمامي سألو عليه وقالو كويس ونا مرفضتش مع انه مش نفس المواصفات الي نباها بس ع خاطر ماما بس وافقت
مواصفاتي بيضه ورقيقونه ملامحي سسسمحه هلباا وبارزه شعري اسسود وكثيف وخاصة عيوني نص جمالي مستحيل نطلع لمكان ومندريش فيه هرجه بس انا مش من النوع الشيطانه وجو كانا هدا مش عارفه شن صار المهم منعطلش عليكم انا حلووه هلبا والي في صورة شبيهتي….وتوا اسبوع عرسي ونجهز في روحي زي اي بنت فرحانه بعرسها وتشري في حاجات حلوهه

نوره:مواليد 95 انتيمة سجى من الطفوله قرو مع بعض من زمان وتخرجو مع بعض ويعرفوهم الكل انهم زي الاخوات يمشو ويجو ع بعض لكن نوره نوعيتها ماديه وتحب المضاهر هلبا مواصفاتها بيضه وقصيره ومربربه وشعرها طوويل وملامحها حلوهه طبعا تحب عمر ومهلوسه بيه وحاولت هلبا مرات تتقرب منه مقدرتش ولتوا قعد عمر ميعلمش بي حبها بس لما كلمها همام ومن فتره لفتره قدرو يكونو اصدقاء وكل حد منهم عنده غرض يبي يوصله 🔥

ملاحضه:همام بعد ماطلع من فترة الي مر باها بعد وفاة تسنيم حاول يووصل في سجى ويرتبط معاها وينتقم منها لكن سجى رفضاته اكتر من مره واما عمر كان يعرف سجى من بعيد وميعرفش علاها شي غير انها بنت شارعهم وبس لانه مليشي هلبا جاي لشارع وعايش مع همام 🔥

مازال هلبا شخصيات وأحداث بس كتبت المقدمه ونبي رايكم نكمل وله نوقف 🔥

تقييم المستخدمون: 3.66 ( 8 أصوات)

1 2الصفحة التالية
الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error:
إغلاق
إغلاق

عفوا أنتي تستخدمي إضافة Adblock

برجاء تعطيل إضافة Adblock حتي تتمكني من التصفح