الفن
أخر الأخبار

فنان يُحوّل بقايا الأخشاب الي تُحف وأنتيكات

من قرية طناح محافظة المنصورة ابراهيم علام شاب موهوب

تقرير : حبيبة أحمد

  • الاسم : ابراهيم علام سيف النصر
  • مواليد : 1/1/1996
متى بدأت بعمل او عمل فني من الخشب
  • من 10سنين
طيب قولي ازاى اول مرة فكرت انك تستخدم الخشب في اعمال فنية
الفكرة جاتلك ازاى
  • انا اول شغل لي بيت صغير من الكرتون لاختي الصغيرة كنت قاعد بتسله 😁

طيب ولما خلصت البيت اللي من الكرتون عجب المحطين بيك واختك

  • طبعا اختي كانت هطير من الفرحه بيه

طيب وازاى تطور الموضوع من بيت من الكرتون لعمل تحف فنية من الخشب

  • عملت بعده واحد زي الكرتون ده بس احسن بكتير من الكرتون ببواقي الخشب الي عندي فالورشه
  • مهوه انا اساسي نجار موبليا وولدي نجار موبليا
حلو وايه راي اللي شافوا وهل لقيت حد شجعك ودعمك انك تكمل وتطور من نفسك
  • انا في قريه علي قدها شويا يعني الحاجات دي ماتفرقشي معاهم
  • مع ناس مابتفكرشي الا في شغلها و يومها يعدي وخلاص

طيب اصحابك رايهم ايه؟

  • فيه وفيه باردو يعني فيه واحد صاحبي قالي اعملك صفحه واعرض عليها شغلك
  • وفيه الي اتريق عليا
  • وفيه الي محسسني اني  بجري ورا اوهام وشغل على الفاااااضي
  • مايمشيش مع المجتمع الي انا فيه ولا الناس الي انا معاهم

بالعكس ده فن جميل وراقي ومجهود جبار في ان الشغل يطلع بالشكل الجميل دا

  • يعني والله العظيم بكلمك بجد لو هافضل طول حياتي اشتغل في الورشه ومطلعشي منها خالص انا موافق
  • فضلت سهران في نحت حصان لغاية الساعه 3 عشان بس اشوفه في الاخر هيطلع ازاي او شكله ايه
طيب ايه اكتر حاجة عملتها وكنت معجب بيها جدا ؟


  • الصرحه كتير كل حاجه بعملها بحبها
  • وكل ما تكون جديده بحبها اكتر لانها جديده عليا بحب كل جديد

انت اللي بتهدن اعمالك دي؟

  • لا انا الصرحه نفسي ادهن عشان اكملها كلها

 

  • هابعتلك صوره انا الي دهنها

طيب ايه طموحك في مجال شغلك؟

  • طموحي اني ابقا متميز ومختلف عن اي حد بيصنع انتيكات هاند ميد
  • ويبقا عندي اكبر مصنع في العالم لشغل الانتيكات

ايه اكتر حاجة شوفتها ونفسك تنفذها بالخشب؟

  • اشخاص خشب نحت بس فيه ناس بتقولي حرام
  • نفسي اعمل برج ايفل طول 4متر

كان فيه واحد اتفق معايه فعلا صاحب استديو تصوير في القاهره عايزه يعمله للعرسان يطلعو يتصوروا فيه مكون من 3 ادوار ويطلعوا عليه وعربيه كبيره بس خشب

اتفقت معاه وكنت سعيد جدا اني هنفذه بس رجع ف كلامه تاني

طيب انت بتعمل فقط انتيكات ولا موبليا كمان ؟

  • ايوه ما هوه انا خريج موبليا اصلا
  • انا بشتغل في الموبليا +الباب والشباك + كراسي سفره و ترابيذات + صالونات وانتريهات وركنه

ايهما احب الي قلبك الانتيكات ولا الموبليا؟

  • لاطبعا الانتيكات
  • هو شغل الموبليا الي خلاني اتجه للانتكات  حبي ليها وتاني حاجه انها مختلفه عن النجاريين وحاجه مش اي حد يعملها
انا بدور ديما علي الي يخليني احسن من غيري وأفضل منه

نفسك تسافر اي بلد؟

  • ايوه طبعا اسافر اي دوله اروبية واكتسب خبرات كتيره ومرجعش الا وانا واثق جدا من نفسي وكويس جدا
نفسك توصل للعالميه وشغلك يسافر برا مصر ؟
  • طبعا نفسي علي فكره فيه واحد اخد شغل مني مصري وسفره فرنسا وطلب مني شغل تاني هوا حب شغلي كله قالي اي حاجه عندك يا هيما اعملي منها قطعتين محددش حاجه له مكتب في فرنسا قالي هاخدهم واحطهم في المكتب عندي وأقول للاجانب ده شغل ابن بلدي

تحب تقول حاجة للناس اللي هتشوف اعمالك ؟

  • احب اقول لناس محدش يحبط حد لو شوفت حد عنده موهبه متقللش منه وشجعوا ماتبقاش ضده وتاني حاجه فيه منتجات بنشتريه من بره مصر احنا بنعمل ارخص منها واحسن منها بكتيررررررر لازم نشجع بعض ونقف جمب بعض
  • ومش عليا بس فيه ناس بتصنع احسن مني ومش ظهره لازم كلنا ندور علي الناس الموهوبه دي ونقف جمبها وندعمها بجد لانهم يستحقو كده
  • بشوف ناس كتيره بتظهر علي شاشات التليفزيون ويقولك انا موهوب وفنان مثلان يغني مهرجانات اي هبد وخلاص والناس فرحانه بيه ووقفه جمبه

 

تقييم المستخدمون: 4.67 ( 6 أصوات)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error:
إغلاق
إغلاق

عفوا أنتي تستخدمي إضافة Adblock

برجاء تعطيل إضافة Adblock حتي تتمكني من التصفح