أشهى الاطباق

فطائر محشية من غير دلك ولا عجن

فطائر محشية من غير دلك ولا عجن

فطائر هشة جدا بعجينة ولا اروع مش محتاجة مجهود في العجن ولا لدلك
تنفع للعشا و ساندويتشات للمدرسة وعلى السحور في رمضان كمان

لمقاديرها هنحتاج

 

  • حوالي نص كيلو دقيق
  • ربع كوب زيت
  • بيضة
  • ملعقة كبيرة سكر
  • ملعقة صغيرة خميزة فورية ( في البرد ممكن نزود )
  • ملح
  • زعتر للتنسيم او اي اعشاب متوفرة
  • كيس بيكن باودر
  • كوب مية دافية

طريقة التحضير

  • نخلط كل المقادير مع بعض بالويسك ونضيف الدقيق شئا فشيئا لغاية ما نحصل على كرة عجين متماسكة ولينة
    نغطيها ونسيبها تختمر مش محتاجة للدلك كفاية التخمير وتضاعف الحجم
  • في الاثناء دي نجهز الحشوة
    اي حاجة متوفرة
    انا كان عندي لحمة مفرومة عصجتها مع البصل والفلفل الحلو مفرومين وضفت عليهم زيتون حلقات مع شوية جبن مفروم وتوابل وتركتها تبرد
  • العجينة اختمرت قسمتها كرات بحجم الخوخ ماشاء الله عجينة تحت الطوع وسهلة في الشغل وكأنها متدلكة
    الكمية عملت لي 13 ساندويتش
  • نمدد اول كرة كويس بشكل بيضاوي وبحجم 2 مللي مش عايزين لبابة جوة الساندويتش
    ونضع وسطه كمية من الحشوة
  • ونقفلها زي الميني باكيط مكان القفل للاسفل على صينية فرن عشان متفتحش اثناء الطهي
    نستمر كده لغاية ما نخلص كل الكمية
  • مش محتاجين يختمرو ثاني
  • اول ما نخلص ندهنهم بيض ونزينهم بالسمسم او اي حاجة متوفرة
  • وندخلهم فرن على درجة 190 لغاية ما يستوو ويتحمرو

اللهم أدمها نعمة واحفظها من الزوال

أستودعكن الله الذي لا تضيع ودائعه وإلى لقاء جديد بإذن الله

تقييم المستخدمون: 4.83 ( 4 أصوات)

بوسي رأفت

محررة في أحلى مجلة اهوى الكتابة والخواطر
إغلاق

أنتي تستخدمي إضافة Adblock

برجاء دعمنا عن طريق تعطيل إضافة Adblock