الرئيسية بشرة وشعر غسول القهوة لشعر أطول وأتقل

غسول القهوة لشعر أطول وأتقل

غسول القهوة لشعر أطول وأتقل.مجرب

المرة اللى فاتت كلمتكم ع غسول البصل والتوم لعلاج التساقط والقشرة والفراغات
هذه المرة ايضا غسول جديد للشعر له نفس الفوائد بيعالج التساقط بيطول الشعر جدا
بينبت الفراغات ويزيد عليهم ………. بيتقل الشعر
وبيطريه وبيعالج التقصف والهيشان ..مع الاستمرار
الا وهو..

غسول القهوة

معروف مادة الكافيين الموجودة بالقهوة
بتعمل ع تنشيط الدورة الموية لجذور الشعر وبتحفز
وصول الدم للبصيلات وبالتالي بتسرع من نموه جد ااااااا
مادة الكافيين
بتدخل ف تركيب اغلى وافضل كريمات الشعر الطبية
التى تعالج الصلع والفراغات وبطء نمو الشعر
اكيد تعرفو كريم “كافا” المصرى العالمى
اللى بيوصفوه اطباء الجلدية
المادة الفعاله فيه هى مادة “الكافيين ”
وسعره مرتفع جدا وعليه اقبال شديد من المستهلكين
نظرا لفاعليته
إنتِ ممكن تستفيدى من هذه المادة لتطويل الشعر
بأقل تكلفة وباستخدام المادة بصورتها الطبيعيه بدون اضافات كيماويه
بإنك تغسلي شعرك بغسول القهوة الغنى بهذه المادة
المميزة

الطريقة…

كوبايتين مية عليهم معلقه قهوة سادة كبيرة تغلى
ع نار هادية 10 دقايق
وهيبقى بالشكل دة

ولما يبرد تصفيه وتاخدي التفل المترسب ف القعر
تدلكي
به الفرغات والشعر الخفيف من قدام -الفروة فقط –
وتتركيه نص ساعه بعد كدا تشطفى شعرك كله بمية القهوة
سواء ناشف او بعد حمام الزيت او الكريم
خصوصا لو عاملة حمام زيت بالتوم
او حمام كريم بالبيض
غسول القهوة بيعالج اى رائحة غير مرغوب فيها
ويخفيها من شعرك
وبعد الشطف ممكن تتركيه بدون غسله مرة تانيه
وشعرك مش هبتقى ريحته قهوة الريحة هتختفى بعد ماينشف
زي غسول البصل بالظبط

الاستخدام

مرتين بالاسبوع
ولو بتستخدمى غسول البصل والتوم يبقى بالتبادل
يوم غسول البصل والتوم ويوم تريحي شعرك من الغسولات
ويوم غسول القهوة
وهكذا

مع الاستمرار هتلاحظي باذن الله ان
شعرك بيطول بنسبة اسرع
وكمان بيتقل:)
لان مادة الكافيين بتقل الشعر جدااااا
غسول القهوة سهل وغير مكلف ولا متعب
ونتايجه رائعه ومجربة
لو قلتلكم انى لاحظت النتيجة من تاني استخدام
مش هتصدقوني
لكن دة اللى حصل معايا فعلا

لكن طبعا بيفرق من شخص للتاني
حسب استجابة الشعر للوصفه وحاجات تانيه بيعتمد عليها طول الشعر
زي التغذية وتدليك فروة الراس والحالة النفسية
لازم تكوني مظبطة امورك من النواحي علشان يجيب معاكي افضل نتيجة
باذن الله

وبكدا خلص الموضوع يارب تكونو استفدتم

تقييم المستخدمون: 5 ( 1 أصوات)

عن بوسي رأفت

رايك يهمنا ♥

error: