الرئيسية حلويات شرقية وغربية طريقة عمل النوتيلا

طريقة عمل النوتيلا

طريقة عمل النوتيلا

جميل اننا نصنع بنفسها النوتيلا في البيت باسهل الطرق وكمان موفرة جدا

وهتعجب الجميع الاطفال والكبار وتقدرى كمان تستخدميها في تزين الحلويات او الكيكات تعالو نشوف مع بعض

الطريقة والمقادير

المقادير:-

كوب لبن

كوب كاكاو

كوب سكر

كوب الا ربع زيت

كيس لبن بودرة

كيس نسكافيه بطعم البندق

وممكن نضيف بندق مجروش لو موجود عندك وممكن اى نوع مكسرات لو حابه المهم تكون مجروشة

الطريقة:-

هنجيب الخلاط ونضيف السكر واللبن في الخلاط ونضيف الكاكاو ونخلط ونضيف باقي المكونات

ماعدا الزيت ويخلط كويس وبعد كده نضيف الزيت بطريقه التنقيط يعنى تضيفي والخلاط شغال

كميات بسيطة جدا من الزيت مع استمرار الخلط لغايه ماتخلص الكمية وبكده يكون خلصنا النوتيلا

باسهل واحلى طريقة وطبعا نقدر نستخدمها زى المربي لعمل احلى سندوتشات او نزين بيها الكيك

والكب كيك وكمان التشيز كيك وكمان لو خففناها شوية نقدر نستخدمها في تزين البان كيك

ونقدر نعمل بيها كريب نوتيلا طعمه روعه ومحبب للجميع وبكده نكون اتعرفنا على طريقة عمل النوتيلا

في البيت بطريقة سهلة وجميلة وتقدرى تعملى كمية وتخزينيها بالتلاجه لحين استخدمها

المهم اننا نخزينها في برطمان مغلق كويس تابعونا دايما هتلاقو كل جديد في مطبخ زمردة

حاولى تستخدمى نوع كويس من الكاكاو ولو هتجيبى من عند العطار استخدمى نوع مستورد في الاسبانى ممتاز وبيعطيكى نتيجة رائعه

بالهنا والشفا

تعليقك يهمنا ♥