بشرة وشعر

سكراب القهوة لتقشير البشرة

سكراب القهوة لتقشير البشرة

بشرتك ناعمة ومزحلقة زي بشرة البيبهات مع” سكراب القهوة لتقشير البشرة”

اهلا بيكم مع وصفة جديدة من وصفات
العنايه بالبشرة
في موضوع سابق بقسم العنايه بالشعر
كلمتكم عن غسول القهوة
“غسول القهوة للشعر”
واتعرفنا على فوايدها
بانها بتطوله ويتنشط الدورة الدموية للبصيلات
وبتقل الشعر جدا مع الاستمرار بيبقى الشعر صحى وحيوي
وتقيييييييييل
لان القهوة من مضادات الاكسدة
اللى بتحافظ ع جسم الشعرة
من التلف الى جانب تحفيز نموه

وبما انها مضادة للاكسدة
ومنشطة للدورة الدموية
يبقى منستغناش عنها للبشرة ايضا
القهوة من افيد المواد الطبيعيه المستخدمة للبشرة
ولها صور استخدمات كتيرة جدا
منها الغسولات والماسكات والصوابين والسنفرة وشاور جل …
ممكن تستخدمها ع اى صورة تريحنا
هتفيدنى بايه؟؟
بما انها مضادة للاكسدة ومنشطة للدورة الدموية
معنى ذالك انها تعمل على
توريد البشرة
تجديد خلايا الجلد
تنعيم البشرة
اكسابها نعومة ولمعان طبيعي
تقشير الجلد الميت ..ودة بالنسبة للسنفرة
اللى هتكون وصفتنا ف هذا الموضوع
الخاص ب
“سنفرة القهوة لتقشير البشرة”
تعالى نشوف الطريقة والمكونات
بعد كدا نعرف نتايجتها ايه
على بشرتنا

المكونات ……….

  • كوب زيت زيتون
  • طبعا الزيت مهم جدا ف السنفرة بيرطب الجلد ويحميه من الخدش
  • نص معلقة صغيرة ملح
  • الملح مهم لازاله الجلد الميت وكمان لو عندك روؤس سودا لكن متكرتيش علشان هو ماد ةقوية جدا ممكن تاثر ع البشرة الحساسة ومعظمنا بشرتنا حساسة والحمد لله
  • ليمونة بقشرها الليمون للتقشير والتفتيح وتقليل الشعر الزائد
    وايضا انعاش البشرة  طبعا الليمون لايستخدم بمفرده  قد يسبب تهيج للبشرة الحساسة
    ومعظمنا بشرتنا حساسة لكنمع باقى المكونات مفيش منه مشاكل ان شاء الله
  • معلقه عسل نحل يفضل اضافه عسل النحل لاى وصفة للبشرة او الشعر
    بيضاعف فوائد باقى المكونات وايضا لفوائده التى لا تحصى للبشرة والشعر سواء
    فوائد عسل النحل مينفعش تتقال ف كلمتين ولكن محتاج موضوع مستقل
    علشان نتعرف ع اهميته في عالم تجميل البشرة والشعر
  • ربع كوب شاور جل او صابون دوف السائل هيحول المقشر لشاور جل يعني هيبقى 2×1 وتبقى سنفرة وشاور في وقت واحد وهيخلي الخليط ناعم واملس علشان ميجرحش الجلد كمان هيمنحه ليونة تقدري توزعيه ع الجسم بسهولة
  • كمان صابونة دوف بتساعد على التفتيح والتنعيموبتدي للجسم ريحة عطرة.رائعه
  • سكر انتِ بقا وظروفك معلقه اتنيين المهم يكون الخليط مرمل علشان يسنفر البشرة
    لكن معلقتين تلاتة مرة او مرتين بالاسبوع

    التحضير

    بنخلط المكونات كلها  وتبقى بمتجانسة المكونات كلها مع بعض

الاستخدام

  1. بتفتحى السخان علشان تملى الحمام بالبخار
    أو
  2. نرش الجسم بمية دافيه علشان نفتح المسام
  3. نفرد الخليط نوزعه ع الجسم كله
  4. نبدء ندلك بحركة دائرية عكس اتجاه عقارب الساعه من تحت لفوق
  5. نبدء من القدم ونطلع الى منطقة الصدر والكتفين تدليك برفق..
    مش معنى انى بسنفر يبقى اتخانق مع بشرتى مش عايزين عنف مع البشرة علشان متزعلناش وتلهتب وتتجرح
    وتحصل مشاكل نحن في غنى عنها ندلك برفق لمدة 10 دقايق للجسم
  6. ثم نشطفة بمية دافيه يليها ماء فاتر باردة قدر احتمالك لغلق المسام المفتوحة
    اما بشرة الوجه والرقبه والصدر دى مناطق حساسة مش بتحتاج تدليك كتير
  7. سنفرة خفيفة لمدة لثوانى واشطف ف الحال

فوائد السنفرة

  • سنفرة القهوة لو جربتوها مرة مش هتستغنو عنها نتايجها اكثر من رائعه وعن تجربة طبعا
  • بتخلى الجسم ناعم ومزحلق زي جلد البيبي لوجود (الليمون , زيت الزيتون ,القهوة )
  • وكمان بتلمع الجلد (الليمون,السكر ,عسل النحل )
  • وبتشيل الرؤوس السودا (الملح ,القهوة ,السكر )ا
  • وبتقلل شعر الجسم جدا بتبطء نموه
    (الليمون ,الملح ,عسل النحل ,القهوة) بتفتح الجلد وبتورده وتنعمه جدا
    لوجود المادة المضادة للاكسده المكون الاساسى لوصفتنا
    الا وهي
    القهــــــــوة””
    جربى سنفرى مرة بالقهوة ومرة بغيرها
    وشوفي الفرق واضح
    قد ايه بتفتح الجلد وتنعمه
    وتخليه ناعم ومزحلق زي بشرة الاطفال
    استخدميها مرة اومرتين بالاسبوع

وضرورى جدا بعد السنفره
ترطبى البشره بكريم طبيعي
او زيت زيتون /لوزحلو/جوز هند/زبدة شيا

اى مرطب طبيعي يفضل يكون من مكوناته
زيت عطرى(لافندر / ريحان/ ورد )
علشان يساعد البشرة ع الاسترخاء
بعد الشد والتوتر اللى حصلها من السنفرة
الزيوت العطرية لاسترخاء البشرة
وعضلات الجسم كله
وايضا الاعصاب
مهم جدا الزيت العطرى

وممكن نضيف كمان للسنفره
نص معلقه صغيرة من اى زيت عطرى ضيفيه للخليط

البخار والمسام المفتوحة هتخلى العطر
يتغلل بعمق ف الجلد ويتشربه اكتر
ودة هيساعد ع تثبيت رائحة العطر بجسمك
يمكن محتاجيش لعطر بعدها يومين تلاتة
جسمك هيبقى معطر طبيعي

انتهت وصفتنا لهذه المرة
ويارب تكون عجبكم
وباذن الله تجيب معاكم نتايج مدهشة
والقاكم ع خير مع وصفة طبيعيه جديدة ومفيده
ومجربة
من وصفات العنايه بالبشرة
والسلام عليكم

تقييم المستخدمون: 4.52 ( 3 أصوات)
إغلاق

أنتي تستخدمي إضافة Adblock

برجاء دعمنا عن طريق تعطيل إضافة Adblock