زوجة على الورق
زوجة على الورق
جميع الحقوق محفوظة للكاتبة جمايكا أحمد
الجزء الاول ..
6:30 صباحا..
رن المنبة لازم فيق لازم اقوم استقبل اول يوم بحياتي الجديدة هاد اليوم اللي ناطرتو من 24 سنة . نسيت عرفكم على حالي انا رولا عمري 24 سنة بنت حنطية وعيوني? متل موج البحر والله رازقني عيون الكل بقلي فيهم سحر الخلاق .. طولي 168 بس مشكلتي وزني اللي راح يفوت 100 ? .. انا حاولت قد مافيني انزل وزني استخدمت كل الطرق كل انواع الرجيمات بس مافي حل كل بنات اللي بعمري اتزوجو ..وانا ماعم لاقي غير نظرة الشفقة من امي من نروح نشتري تياب ، اوقات تشتري قماش وتريح حالها عند خياطة.. كل زوجات خواتي كل وحدة جسمها اجمل من التانية .. امي كانت تنطر اليوم اللي تفرح فيني فيه انا البنت الوحيدة لالها .. انا ماعم اكل كتير بس مشكلتي عندي خلل بالهرمونات ..وعندي كسل شديد بالغدة الدرقية … هاد اليوم اللي رح يكون اول يوم بحياتي فيه..
امي?:-في شاب بدو يتقدملك والشاب واهلو جايين اليوم وبدهم يتفقوا على كل شي
.. أنا?:-حكتلها ليش مستعجلين كل هالقد .
امي ?:- بقولو شايفينك وعجبتيهم والشاب دكتور اسنان وانا شفت صورتو طار عقلي فيه شلون من تشوفيه انتي ..
انا للحظة خجلت معقول اجا اللي يتقبل جسمي وشكلي واعجب فيه ودكتور اسنان ووسيم على بركة الله .
بعد ماخلصت انا وامي تجهيزات قمت اخدت حمام، والبست تنورة تغطي اردافي وجسمي وقميص واسع وحجابي …
حسيت شكلي مقبول شوي ..وساعة ورن جرس البيت فاتت ام الشاب والشاب وابوه على غرفة الضيوف واستقبلهم ابي بترحيب وما اسمعت الا عم يقولو نقرأ الفاتحة على بركة الله ?..
طيب وانا ليش مانادو اجي شوفو اقعد معو! ، حسيت بكسرة معقول خايفين ينصدم فيني بعد شي نص ساعة انفتح باب الغرفة وطلع الشاب اللي ماشفت الا طولو وجسمو النحيل? ..وعضلاتو ، ماشفت وجهو ولا شي وطلع من البيت ..بعدها نادت على امي لاقعد مع ابوه للشاب وامو ..
فتت الغرفة بعد ماسلمت جلست بجانب امي .. ماسمعت حتي كلمة ماشاء الله ربنا يبارك .. متل مابقولو العالم من ينخطبو .. ابي لفت وجهو عليه وحط ايديه على كتافي وقلي ..
بابا? :- هادول ساروا دار عمك وعلى قريب راح تكوني عندهم .. كان نفسي تشوفي الشاب بس عندو شغل بالعيادودة الخاصة فيه .. وانتي راح تكوني ام ابنو ان شاء الله ..
انا?:- من سمعت الجملة الاخيرة وقف قلبي وشردت بالي ماعرفت شو احكي ..
شو يعني معقوله هو مجوزة وعندو ولد وبدهم خدامة لابنهم بالحلال .. مابكمل خيالي الا امي بتقلي ..
امي?:- شوفي ياعمري نصيبك انكتب هاد الشب بدو زوجة ترعى ابنو اللي عمرو شهرين لان هو بحكم يشتغل ودار حماكي مو قادرين لانهم كبار بالسن .. ..
انا سرت تمتم بدي قول شي بدي اسال عن شي لقيت الجواب على اسرع من اني اتخيل .. وكان من مرت عمي
حماتي?:- شوفي يابنتي اكيد عم تسألي حالك وين امو .. وانا جيت حكيت الصراحة لاهلك ولازم اخبرك اياها من تمي انا .. ابني اتزوج وحدة بحبها وباع الدنيا كرمالها بس وهي حامل بالولد كشفها الله يستر عليها عم تخونو بس سامحها مشانها حامل بس الله يهديها من بعد شهر من الولادة كان ابني يعتقد انو هي خلص انصلح حالها وانها بترعا الولد بغيابو بالشغل بيوم رجع علي البيت سمع صريخ الطفل سار يدق البيت ماعم يفتح فات البيت لقا الطفل لحالو فارط بكي ونطرها لتجي بعد نص ساعة وعرف انو كانت مع عشيقها وبلحظتها من كشفها تركت الطفل وهربت .. انا بعرف صعبة عليكي ولان بنعرف انك بنت اصول وماحد غيرك يعتني بهالطفل .. ..?
انا بلشو عيوني يدمعو وقمت من مكاني ليش هيك عم يصير فيني انا مالي حظ وسرت فكر بالطفل شو ذنبو بعد ساعات قلت لامي توكلي على الله مين يعني راح يجي يتقدملي فوق شكلي هاد على الاقل دكتور ووسيم سرت ببالي اتخيل شغلات تخبي الوجع واضحك مع خيالي .. امي ردتلي خبر انو معنا بس اسبوعين لنخلص تجهيز اغراض فرحي . وكأنها امي ماسدقت تخلص مني .. المهم مرو الاسبوعين بلمح البصر والخطيب ماشفتو الا بصورة على الفيس .. وهو امي اكدتلي انو ماشافني وبهالاسبوعين ماحكا معي الا مرة اتصل فيني حسام استغربت من الرقم ورديت
حسام?:- مرحبا رولا كيفك انا حسام خطيبك اتصلت لإسألك اذا محتاجة شي ناقصك شي ..
انا وقف قلبي ماحسيت رد صوت رجولي فوق العادة وكمان مذوق ماشاء الله ولمين كل هالشي لالي .. حسام ?:- الوو رولا مرحبا بقلك الوووو .
انا?:- احم اسفة اسفة كيفك حسام شلونك انت لايسلمو مامحتاجة شي مابتقصر
حسام?:- ولافكرت بنت صغيرة عم تحكي كل هالنعومه بالصوت ماشاء الله .
سار يتغازل فيني وانا خجلت لاول مرة حد بحياتي بغازلني بس اضحكت مع حالي قلت معقول انا صوتي حلو وكل هالصوت الناعم يطلع من بقرة متلي ?? .. سكر حسام وانا طرت من فرحتي وماعرفت شو ساوي غير اني شغل اغنيه جنو نطو .. وسرت نط واحس كل البوفيه تبع كاسات امي عم يجن وينط معي طلعت امي من غرفتها .
امي?:- بتقلي حسيتي بالزلزال شي يالطيف زلزال سار عنا انا فقعت ضحكه قلتها امي انا فرحانه فرحانه امي نظرت لالي نظرة المرفوع عنو القلم وقالت
امي?:- الله يفرحك بس اتقلي شوي مو تتقلي وزن لا اتقلى بالشسمو قلتها امي شو الشسمو قالي ماغيرو الشسمو يعني كوني وازن الجاسم .. قلتها امي ييييه دورك هلاء اتنكتي سرت اضحك مع امي وتقلي قومي البسي هاد الفستان اشوفو عليكي وروحي بالبيت زياد واياد قصدي ذهاب واياب .. والبست الفستان اللي الحمدلله كان حلو بس مو لالي كان لازم لوحدة جسمها اجمل وانحف .. هاد كان فستاني اللي راح البسو بيوم عرسي طبعا مو فستان ابيض كان فستان سوارية عادي لان مافي عرس وطنه ورنه كان راح يكون جمعة اهلو واهلي وسلم تستلم .. انا كنت زعلانه على انو مو كل شي اتخيلتو بدو يسير بس يالله ريحة البر ولا عدمو .. اجا يوم التسليم قصدي الفرح .. البست واخدتني امي على كوافير تعملي ميك اب وشعري .. شعري كان طويل فوق العادة كانو عيوني وشعري احلى شي فيني.. كنت اتقبل حالي فيهم .. وطلعت يومها حلوة نوعا ما .. وقتها سرت انطر بحسام ليجي يشوفني خلص .. وفات حسام البيت ولفتت نظرو مرت اخي فكرها انا غمزتلو امو وقالت لالو هاديك عروستك رفع نظرو لالي وحسيتو نصدم بس كتم صدمتو لان بموقف محرج وقف جنبي ولاكلمة قال وانا ماحسنت قول شي لان حسيت حالي ناقصة وجسمي الضخم كان ابشع شي فيني وسار وقت ياخدني على بيتو ..وركبت السيارة وماحكاني كلمة وحدة..
…
…