رواية عائدة من الموت البارت الخامس

محمد مالك: رواية عائدة من الموت

البارت الخامس

للكاتب المصري محمد مالك
قرر اللواء احمد الذهاب الي ابنتة القتيل الذي يدعي السيد مهران لعله يحد عندها اجابة للأسئلة التي تدور في رأسه
نها .. مين حضرتك ؟!!
احمد .. انا اللواء احمد حسان ابن الاستاذة احلام عز الدين الهادي المحامية
نها .. اهلا وسهلا .. اتفضل يا فندم .. والاستاذة ايه اخبارها دلوقتي عاملة ايه ؟!!
احمد .. مفيش جديد زي ما هي في غيبوبة .. الحمد لله علي كل حال
نها .. مش قادرة اصدق اللي حصلها ده !! عرفتوا مين اللي عمل فيها كدا ؟!!
احمد .. لسة
نها .. منهم لله اللي عملوا فيها كدا طول عمرها ست صاحبة حق وواقفة دايما جمب المظلوم مع اني كنت واخدة علي خاطري منها لما سابت القضية بتاعة بابا بدون مبرر مع انها في الاول قالتلي انا همسك القضية ومش عاوزة اتعاب وفعلا حاولت اديها اتعاب رفضت ولكن فجأة لقيتها بتقلي شوفي محامي غير يمسك القضية
احمد .. من فضلك ممكن تحكيلي اللي حصل بالظبط ؟!!
نها .. انا بابا راجل اعمال معروف واكيد اي راجل اعمال ناجح ليه منافسين منهم الكويس ومنهم الوحش وحظ بابا انه وقع مع انسان وحش جدا اسمه سليم الابيض محدش يقدر ينافسة او يقف في طريقة لأن نهايته بتكون معروفة .. المهم بابا جه في مرة دخل مناقصة وكان هو منافس فيها وجت تهديدات كتير بالانسحاب من المناقصة لأن فيها سليم الابيض ودا راجل مبيرحمش والكلام ده .. لكن بابا صمم يدخل المناقصة وبالفعل اخدها لأنه كان احق واحد بيها وبعدها بيومين
وبابا كان خارج من الشركة انضرب عليه نار من مجهول الرصاصة جت في دماغه ومات في الحال .. طبعا انا شكيت علطول في سليم الابيض لأنه الوحيد اللي ليه مصلحة يقتل بابا لانه كان منافس ليه وتفوق كمان عليه وهو الوحيد اللي بعت رسايل تهديد ل بابا .. بس .. ناس قالتلي اروح عند الاستاذة احلام لأنها شاطرة جدا في القضايا دي وهي الوحيدة اللي هتقدر تجيب حقي وحق بابا .. لما قابلتها وحكتلها ع الموضوع رحبت جدا وزي ما قلت لحضرتك قالتلي انا همسك القضية وبدون مقابل .. انا استعجبت في الاول .. ليه بدون مقابل بالرغم اني بنت رجل اعمال واكيد معايا فلوس واقدر ادفع .. المهم بعدها بشهرين تلاته قبل حادثة اختطافها بأسبوع اتصلت بيا وقالتلي تعالي عاوزاكي ضروري ولما رحت لقيتها مضطربة ومتوتره وتقريبا كانت بتبكي وقالتلي معلش يا نها انا اسفة شوفي محامي تاني يمسك القضية .. حاولت اعرف السبب رفضت .. المهم انا شفت فعلا محامي تاني لكن طبعا نفوذ سليم الابيض كانت اقوي من الحق وخرج براءة
احمد .. بس شئ غريب فعلا انها رفضت تاخد اتعاب
نها .. ايوه افتكرت حاجة
احمد .. ايه هي
نها .. لما اخدت منها ملف القضية عشان اودية لمحامي تاني ببص لقيت جواه ورقة مكتوبه بخط اليد فيها كلام انا مفهمتوش ومالوش علاقة بالقضية بس بصراحة كنت واخدة علي خاطري منها فمرجعتهاش
احمد .. ممكن اشوفها ؟
نها .. اكيد
وبعد ان تحضر نها الورقة وينظر اليها احمد يصاب بصدمة شديدة …
الاحداث اشتعلت تابعوني والبارت السادس .. تحياتي الكاتب والسيناريست المصري محمد مالك.