روايات طويلة

رواية حب إخوات

رواية حب إخوات

جميع الحقوق محفوظة للكاتبة فاطمة 

الحلقه الاولي :
بنت نازله علي السلم ودخلت المطبخ
الام : صباح الخير يا ليلي .
( ليلي : بنت وسيمه عندها 19 سنه من عيله غنيه ،عنيها عسلي وشعرها طويل وبنى وطولها متوسط )
ليلي : صباح الخير ، هي الساعه كام ؟
الام : الساعه ٧ ونص .
ليلي : يالهوي اتأخرت علي المحاضره ، سلام يا ست الحبايب ( وراحت بايسه مامتها ونزله ، ليلي نزلت وراحت تركب العربيه لقت عربيه فرملت قدمها )
ليلي : مش تحاسب يا حمار انت .
خالد : شكرا يا مودبه .
( خالد : شاب وسيم عنده 20 سنه من عيله غنيه ، يعرف ليلي من وهما صغيرين . معتبرها ذي أخته وبيحكلها علي كل حاجه في حياته )
ليلي : العفو دي اقل حاجه عندي 😒
خالد : يلا اركبي ، علشان اوصلك .
ليلي : ماشي ، بس بسرعه علشان متاخره علي المحاضره .
خالد : حااااضر 😈
( ليلي ركبت وخالد دور العربيه ومشي علي اعلي سرعه وكان عمال يخمس بالعربيه ، وليلي كانت عماله تصوت وخايفه جدا . لحد ما وصلوا الجامعه )
ليلي : منك لله ، يخربيت اللي يركب معاك تاني ( وراحت قاعده علي الارض )
خالد : علشان تحرمي تشتميني تاني 😏 ( وراح ماشي )
ليلي : شبه الكلب المبلول .
( خالد راح راجع تاني )
خالد : سمعتك علي فكره ، متنسيش هنروح مع بعض .
( خالد راح ماشي وليلي كمان مشيت ودخلت الجامعه )
اميره : ايه يا بنتي اللي اخرك كده ؟
( اميره : صاحبه ليلي المقربه وسيمه وهاديه وعندها 19 سنه )
ليلي : خالد الزفت هو في غيره .
اميره : طب يلا بينا ، علشان الدكتور هينفخنا .
( البنات دخلوا المحاضره ، بعد ما المحاضرات خلصت راحوا قعدوا في الكافيتريا شويه )
( اميره كانت سرحانه كانت بصه للترابيزه بتاعت خالد وبالتحديد باصه لرامي صاحبه )
ليلي : مالك يا اميره فيكي ايه ؟
اميره : ها ! ، مفيش حاجه .
ليلي : علي فكره عنيكي فضحاكي .
اميره : للدرجه دي باين عليا .
ليلي : باين عليكي ايه ؟ ده انتي ناقص تروحي تقوليلوا بحبك .
اميره : ياريت .
ليلي : استني بس . انتي لازم تتقلي شويه ، لازم تحسيسيه انك مش فارقه معاكي وكمان هو اللي يتمني يتكلم معاكي مش انتي .
اميره : طيب سيبك مني دلوقتي ، انتي ايه حكايتك انتي وخالد ؟
ليلي : انتوا ليه مش عايزين تفهموا اننا مجرد اصحاب مش اكتر ، ومفيش اي حاجه ما بينا .
( عند خالد )
عمر : يعني انت عايز تفهمنا انكم مجرد أصحاب ، ومفيش اي حاجه مابينكم . بعد كل السنين دي .
رامي : علي فكره لازم الصداقه دي تقلب حب مفيش حاجه غير كده .
خالد : يا جماعه والله دي ذي اختي .
عمر : ماشي ، مع الايام هتشوف يا خالد .
رامي : والإحساس عمره ما بيكدب .
( خالد كان قاعد وفجاءه سمع صوت ليلي وهي بتزعق )
ليلي : انت حيوان انت اذاي اصلا تقول الكلام ده .
الولد : هو انا كلمتك يا بت انتي .
الحلقه التانيه :
( خالد راح وقف قدام ليلي ومسك الولد من التيشرت بتاعه )
خالد : البت دي تبقي انت .
الولد : ايه يا عم مالك داخل علينا سخن كده ليه ، انت ايه اللي حشرك انت .
خالد : السخن في المطبخ يا عم الحلو ( وراح زقه )
( الاتنين مسكوا في خناقه مع بعض ، لحد ما امن الكليه جه وبعدهم عن بعد )
ليلي : خلاص يا خالد ، خلاص .
خالد ( بعصبيه وزعيق ) : اتفضلي امشي قدامي .
( ليلي مشيت وركبت العربيه من غير ما تقول ولا كلمه . طول الطريق هما الاتنين ساكتين ومحدش منهم نطق . وصلوا قدام بيت ليلي ، ليلي نزلت ورزعت الباب وراها جامد )
خالد : ليلي ، ليلي .
( ليلي راحت ماشيه ومردتش عليه ، خالد اتعصب جامد وخبط رجله في كوتش العربيه وركب العربيه ومشي )
( ليلي طلعت البيت ودخلت اوضتها وهي منهاره من العياط ، عمرها ما شافت خالد بيزعلها كان دايما معاها علي الحلوه والمره عمره ما قلها كلمه زعلتها ، مامت ليلي دخلت وهي مخضوضه )
الام : مالك يا حبيبتي في ايه ؟
ليلي ( بعياط ): مفيش يا ماما اتخنقت انا وخالد .
الام : هو ده بس اللي مزعلك ، خناقات الصحاب مفيش احلي منها .
ليلي ( وهي بتمسح دموعها ) : اذاي يعني يا ماما ؟
الام : يعني ما تزعليش من خالد ده خايف عليكي . وكمان الخناقات دي هي اللي بتبينلك الصحاب اللي بجد من الصحاب اللي اي كلام . يعني مهما تزيد الخناقات المحبه تزيد . هسيبك انا بقي واروح انام .
ليلي : ماشي يا ماما ، تصبحي علي خير .
الام : وانتي من اهل الخير يا حبيبتي  .
( ليلي كانت قاعده تفكر يا تري تكلم خالد ولا لا ، مع ان هما الاتنين غلطانين . قعدت تفكر كتير ، لحد ما غلبها التفكير وراحت نايمه )
( ليلي صحيت في نص الليل علي صوت موبايلها وهو بيرن ، بصت لقته خالد قررت انها ترد وتوجهه )
ليلي : الو
خالد : بقولك ايه يا بت انتي اقسم بالله لو قفلتي لاجي اضربك وفي بيتك كمان .
ليلي : نعم عايز ايه ؟
خالد : متعيشيش في دور الضحيه . عمتا انا معايا تذكرتين سينما للفيلم اللي كان نفسك تدخليه ، جايه ولا لا ؟
ليلي : استني هفكر .
خالد : لا الاوقات دي مفيهاش تفكير ، موافقه ولا اخود امي معايا .
ليلي : هيمسكوك مع واحده كبيره في نص الليل يا موكوس .
خالد : عارف عارف 😅 ، ها جايه ولا ايه ؟
ليلي : اه طبعا جايه ، علشان الفيلم علي فكره مش علشانك .
خالد : واطيه طول عمرك .
ليلي : حبيبتسلم 😂😂 .
يتبع………

تقييم المستخدمون: كن أول المصوتون !

1 2 3الصفحة التالية
زر الذهاب إلى الأعلى
إغلاق

عفوا أنتي تستخدمي إضافة Adblock

برجاء تعطيل إضافة Adblock حتي تتمكني من التصفح