تمرد صحفيه الفصل السادس العاشر
✍️تمرد صحفيه ✍️
?الفصل السادس عشر ?
فى الصعيد
فى القسم
كان قاعد حمزه فى مكتبه والباب خبط ودخل العسكرى
حمزه :- خير فيه ايه تانى
العسكرى :- واحد اسمه احمد عايز يقابلك
حمزه :- احمد مين ده
العسكرى :- بيقول أن هو خطيب البنت اللى هربت بالدهب وسرقته
حمزه :- اه اه دخله
العسكرى :- تمام يا فندم وخرج ودخل احمد عند حمزه
حمزه :- اتفضل اقعد
احمد :- عملت ايه يا باشا وصلت ليها ولا لاء
حمزه :- اه طبعآ
احمد :- بفرحه بجد ينصر دينك يا باشا قولى فين هى بسرعه
حمزه :- رجعت اسكندريه تانى بس فين معرفش
احمد :- اسكندريه ازاى ده احنا دورنا فى اسكندريه كلها ملاقتهاش
حمزه :- والله مش مشكلتى دورو كويس عليها
احمد :- بتوعد ماشى يا ميرفت تقعى فى ايدى بس مش هرحمك ووقف وقال شكرآ ليك يا باشا تعبناك معانا عن اذنك
حمزه :- العفو اتفضل
احمد :- خرج من المكتب وهو بيحلف أن هينتقم من ميرفت اشد انتقام
حمزه :- بص على احمد وهو خارج بقرف ومسك تليفونه وطلب رقم تامر وانتظر الرد واول ما رد عليه قاله ها عملت ايه
تامر :- طيب قول السلام عليكم الاول
حمزه :- اخلص يا تامر طمنى عملت ايه
تامر :- ده انت مستعجل اوى على كده
حمزه :- تصدق انا غلطان أن اعتمد على واحد زيك
تامر :- هههههههه بلاش تكون قفيش كده يا اخى يا سيدى جبتلك اللى انت عايزه كله
حمزه :- ها انطق بسرعه
تامر:- بص يا سيدى ميرفت دى سكرتيرة مكتب ادهم الحناوى وفى قضية اختك جت عندنا وسألنها اللى حصل
حمزه :- ايووووووه صح افتكرتها ها وبعدين كمل
تامر :- محترمه جدآ والناس عندهم يشهدو بده ليها اخ مفترى جدآ وشغال فتوه على الناس اسمه حسن عاطل وامها مفتريه ومكروها ما بين أهل حارتهم وابوها طيب جدآ بس مريض ومش بيقدر يشتغل وميرفت دى هى اللى متكفله بمصاريف علاج ابوها ومتكفله بمصاريف الاكل والشرب لاهلها امها بتعاملها معامله وحشه جدآ واتخطبت من يومين وسافرت مع خطيبها وامها وابوها واخوها عندك فى الصعيد بس هى دى كل المعلومات اللى وصلت ليها
حمزه :- حلو اوى كده شكرآ ليك يا تامر متحرمش منك يا صاحبى
تامر :- ولا منك يا صاحبى ربنا يوفقك خلى بالك على نفسك سلام
حمزه :- قفل مع تامر وقال يبقى ملامحها مش كدابه صعب الوش البرئ ده تبقى حراميه ولا كدابه من هنا ورايح هقف جنبها واحميها من شر اهلها وقام وقف واخد مفاتيحه وتليفونه ورجع على البيت دخل بص ملاقاش حد فى الشقه عرف أن هى فى اوضتها خبط على الباب بتاع الاوضه اللى نايمه فيها وقال انسه ميرفت يا انسه وخبط تانى وقال يا انسه ميرفت ردى عليا محدش رد عليه قلق حاول يفتح الباب لاقه مقفول من جوه قال يا انسه ميرفت ردى عليا بدل ما اكسر الباب ولما مردتش عليه رجع لوراه وجرى على الباب وخبطه بكتفه بس متفتحش حاول عدة مرات لحد ما اتفتح الباب ودخل يجرى لاقها قاعده فى الارض والمصحف فى ايديها وراسها على حرف السرير ومغمضه عينيها ووشها كله دموع طلع يجرى عليها وخبط على وشها وقال ميرفت رد عليا ميرفت يا ميرفت مردتش عليه اخد من ايديها المصحف وقفله وحطه جنبها وشالها وحطها على السرير وطلع يجرى على التليفون طلب الدكتور يجى بسرعه وقفل معاه وراح تانى قعد على حرف السرير ومسك ايديها وخبط عليها وقال ميرفت ردى عليا ميرفت يا ميرفت وقعد يحاول معاها كتير وبعد وقت طويل وصل الدكتور وراح فتح ليه حمزه وقال بسرعه يا دكتور
الدكتور :- دخل الاوضه وقال ممكن تستنا بره
حمزه :- ليه انا مش خارج من هنا واسيبك لوحدك معاها
الدكتور :- انا دكتور ومن حقى اكون لوحدى مع المريض إنما انت تقرب ليها ايه اخوها ابوها جوزها طبعآ المره اللى فاتت قولتى لاء يبقى ميصحش تقعد هنا وتشوف جسمها وانا بكشف عليها اتفضل بره لو سمحت
حمزه :- وهو بيدوس على سنانه ماشى هطلع بس خلص بسرعه
الدكتور :- حاضر اتفضل بقى
حمزه :- بص لدكتور وبص على ميرفت وخرج وقفل الباب وراه وقعد على الكنبه وهو بيبص على باب الاوضه وبعد وقت خرج الدكتور
وراح ليه حمزه وقال خير يا دكتور
الدكتور :- ضعيفه جدآ ومش بتاكل وده خلى الضغط واطى عندها وكمان الحاله النفسيه عندها مدمره خالص لازم تخرج تشم شوية هوا تخرج اللى جواها وتحكى اللى واجعها تبعد عن اى حاجه بتتعب نفسيتها ياريت تاخد بالك منها اليومين اللى جاين لان لو حالتها تدهورت اكتر من كده في خطوره على نفسها من نفسها يعنى ممكن تأذى نفسها بأى طريقه
حمزه :- ماشى يا دكتور متشكرين ودفع ليه الفلوس ووصله لحد الباب ودخل تانى الاوضه عند ميرفت كانت فاقت
ميرفت :- اول ما شافت حمزه قعدت وشدت الغطا اللى عليها
حمزه :- عامله ايه دلوقتى
ميرفت :- الحمدالله
حمزه :- شوفتى قلة اكلك عملت فيكى ايه
ميرفت :-بدموع ياريت كنت موت كنت هستريح من ظلم الدنيا فيا
حمزه :- حرام متقوليش كده متيأسيش من رحمة ربنا احمدى ربنا فى الضراء قبل السراء متخليش اليأس يتحكم فيكى لدرجه دى انتى لسه صغيره وقدامك العمر الطويل أن شاءالله وعلى حسب ما شوفتك انك بتصلى وبتقري فى المصحف كلام ربنا اعملى بيه بقى
ميرفت :- بدموع الحمدالله فى السراء والضراء استغفر الله العظيم انا مش قصدى والله بس تعبت اوى من اللى شوفته فى حياتى حاسه ان الحمل زاد اوى عليا ومفيش حد بيحبنى حتى الشخص الوحيد اللى كنت بستحمل علشانه كل حاجه بعد عنه ومعرفش عامل ايه كنت مجرد نظرته ليا بطمنى وبتقوينى طبطبت أيده على كتفه ولا بوسته على راسى بتدينى الدافع أن استمر واستحمل الحياة الصعبه دى
حمزه :- ده مين
ميرفت :- وهى الدموع فى عينيها ابتسمت وقالت هو رمز قوتى فى الحياه هو قدوتى فى الدنيا هو اللى ضحكته كانت بستفتح بيها نهارى هو اللى دعوته كانت بتقف ليا فى اصعب المشاكل هو عمرى كله بابا اعظم اب فى الدنيا
حمزه :- ربنا يخليه ليكى
ميرفت :- يارب مش عايزه حاجه من الدنيا غير أن اشوفه تانى واترمى فى حضنه زى الاول وأيده تضمنى وطبطب عليا وتواسينى واحشنى اوى اوى وقعدت تعيط
حمزه :- احم خلاص أهدى وان شاءالله ربنا يجمعك بيه قريب اوى
ميرفت :- نفسى اشوفه اوى
حمزه :- طيب اقولك على حاجه
ميرفت :- ايه هى
حمزه :- مش عرفت انا شوفتك فين قبل كده
ميرفت :- ها ع.ع.عرفت
حمزه :- ايوه عرفت لما انتى سكرتيرة أدهم الحناوى مقولتيش ليه
ميرفت :- ع.ع.علشان انا عارفه المشاكل اللى ما بينك وبينه وبعدين انا خوفت تستقصدنى علشان مواقفتش جنب اختك الصحفيه
حمزه :- منكرش أن انا كنت متغاظ منك اوى ساعتها بس عمر ما حد احتاجنى فى مساعده واتخليت عنه وبالذات لو كانت واحده ضعيفه زيك
ميرفت :- انا مش ضعيفه انا لو ضعيفه مكنتش استحملت ربع اللى حصلى من يوم ما اتولد بس لكل انسان طاقه وانا طاقتى خلصت بعد ما شوفت واستحملت كتير اوى فوق ما تتخيل
حمزه :- وقف وقال سبيها على ربنا نامى وريحى شويه على ما اعملك اكل
ميرفت :- تعملى اكل ده حتى ميصحش يا حضرة الظابط
حمزه :- الدكتور قال انك محتاجه غذا على ما تنامى شويه هعمل الاكل ليكى
ميرفت :- ريح انت راجع من الشغل تعبان ومنمتش بسببى وانا هقوم اعمل الاكل
حمزه :- لالالا ريحى انتى تعبانه انا مش تعبان والله
ميرفت :- نومى فى السرير هتتعبنى اكتر عايزه اتحرك شويه اتفضل انت نام وانا مش هعمل ليك ازعاج خالص وهعمل الاكل بهدوء
حمزه :- لو مصممه هاجى معاكى اساعدك
ميرفت :- بس
حمزه :- قطعها وقال اسمعى الكلام انا مش بحب اقول كلامى مرتين
ميرفت :- ح.ح.حاضر وخرجو الاتنين من الاوضه ودخلو المطبخ ووقفت ميرفت فى نص المطبخ وقعدت تبص عليه
حمزه :- مالك واقفه كده
ميرفت :- تحب تاكل ايه
حمزه :- اى حاجه تعمليها هكلها شوفى عايزه ايه واجيبه ليكى
ميرفت :- مكرونه
حمزه :- حلوه واعملى فراخ جنبها
ميرفت :- مش لازم انا واخده اكلها كده
حمزه :- علشان انتى محتاجه غذا
ميرفت :- حاضر فين الحله
حمزه :- ولا اعرف انا معملتش حاجه فى المطبخ من يوم ماجيت هنا
ميرفت :- ماشى انا هدور عليها
حمزه :- خليكى انا هدورك عليها وقعد يدور فى المطبخ لحد ما وصل ليهم وطلع حله وقال خدى
ميرفت :- وعايزه واحده تانى علشان الفراخ
حمزه :- خدى اهى
ميرفت :- اخدتها منه وبدأت تحضر الاكل بمساعدة حمزه ودورت على الملح لحد ما لاقته ومدت ايديها علشان تجيبه بس كان عالى عليها ومش عارفه تجيبه
حمزه :- بيبص لاقها بتحاول تجيب الملح من الدولاب ومش عارفه تجيبه راح عندها ووقف وراها ومد أيده وجاب الملح واداها الملح فى ايديها
ميرفت :- اتوترت من قرب حمزه ليها اخدت من أيده الملح وقالت ش ش.شكرآ وبعدت عنه بسرعه
حمزه :- احم العفو ووقف يساعدها وبعد وقت انتهو وحضرو الاكل على الترابيزه وقعدو ياكلو
ميرفت :- شكرآ ليك
حمزه :- وهو بياكل شكرآ على ايه
ميرفت :- انك واقف جنبى وبتساعدنى وتعباك معايا
حمزه :- علشان انتى مظلومه واتأكد من كلامك من خلال التحريات اللى عملتها عليكى
ميرفت :- انا اضعف من اكذب على ظابط على فكره
حمزه :- ده كان شرطى انك تقعدى هنا لحد ما اتأكد من صدق كلامك
ميرفت :- واتأكد اقدر امشى بقى
حمزه :- هتروحى فين وافرضى وقعتى تحت ايد اخوكى وابن خالك من هينقذك منهم ويحميكى
ميرفت :- ربنا قادر ينجينى منهم
حمزه :- ونعمه بالله طبعآ
ميرفت :- الصبح هترجع مش هتلاقينى
حمزه:- طيب هتروحى فين
ميرفت :- ارض الله واسعه متشغلش بالك
حمزه :- احم انتى ممكن تخليكى هنا انا مش مضايق على فكره
ميرفت :- مش حكاية تضايق ولا لاء بس احنا كده بنعمل حاجه حرام وجودى فى مكان مقفول مع راجل غريب حرام
حمزه :- بس ربنا شايف اننا مش بنعمل حاجه يا انسه ميرفت
ميرفت :- حرام برضه معلش انا همشى من هنا اول ما النهار يطلع
حمزه :- ربنا معاكى
ميرفت :- وقفت وقالت الحمدالله
حمزه :- اقعدى كلى انتى مأكلتيش حاجه
ميرفت :- شبعت والله
حمزه :- بس انتى كده بالمنظر ده هتضعفى اكتر ما انتى ضعيفه
ميرفت :- متقلقش عليا انا متعوده على كده
حمزه :- وقف علشان يشيل الاطباق
ميرفت :- سبهم انت انا هشيل واغسلهم
حمزه :- لاء ادخلى انتى نامى علشان تعبانه وانا هظبط الدنيا
ميرفت :- لاء ميصحش واخدت من أيده الاطباق ودخلتها المطبخ وغسلتها ودخلت اوضتها وقفلت الباب وراها
حمزه :- بص عليها وهى ماشيه واتنهد ودخل اوضه
~•~•~•~•~•~•~•~•~•~•~•~•~•
فى شقة سعيد
كانت داليا قاعده فى اوضتها ودموعها على خدها وفى الوقت ده سمعت صوت خبط على باب اوضتها مسحت دموعها وقالت
داليا :- ادخل
سعيد :- فتح الباب ودخل قعد على حرف السرير وقال بنوتى حابسه نفسها ليه فى اوضتها
داليا :- مفيش يا حبيبى بس مصدعه شويه
سعيد :- وان قولتلك ان انا مش مصدقك
داليا :- ليه
سعيد :- علشان انتى مش بتعرفى تكدبى وباين اوى على عيونك انك كنتى بتعيطى ممكن تقوليلى السبب
داليا :- اتنهدت ودموعها نزلت منها وقالت مخنوقه شويه يا بابا
سعيد :- من ايه يا حبيبت بابا
داليا :- اترمت فى حضنه وقالت انا حاسه نفسى ضعيفه اوى يا بابا اوى ضمنى خلينى استمد القوه منك خلينى ارجع تانى داليا بتاعة زمان
سعيد :- بنتى انا عارف مربيها ازى عارف ان هى عمرها ما بتضعف قويه تسد عين الشمس ضحكتها بتنور الدنيا تملى عندها امل وتفاؤل مش عند حد وعندها عزيمه واسرار محدش يقدر يكسرهم ليها مهما حصل مش بتتنازل عنهم ممكن ثقتها تقل شويه بنفسها بس مش بطول كتير ثوانى وبترجع اقوى من الاول بكتير
داليا :- يااااااه يا بابا قد ايه كلامك ده بيكون دواه لكل جروحى بلسم بطيب بيه اوجاعى ربنا يخليك ليا وميحرمنيش منك ابدآ
سعيد :- بسها من راسها وقال ويخليكى ليا بس مش هتقولى ايه اللى وصلك للحاله دى
داليا :- ادهم السبب يا بابا
سعيد :- ادهم ليه عملك ايه
داليا :- المشكله ان هو معملش انا اللى غبيه يا بابا
سعيد :- ضحك وقال الحب عمره ما كان غباء الحب ده منتهى الذكاء بيعرف يوقع القلوب فى بعضها يسحر العيون ببعضيها يشعلل نار الغيره فى قلب العشاق يزود نار الاشتياق للحبيب على رأى ام كلثوم لما قالت
ياللى ظلمتوا الحب وقلتوا وعدتوا عليه قلتوا عليه مش عارف إيه
العيب فيكم يا فى حبايبكم أما الحب ياروحى عليه
فى الدنيا ما فيش أبدا أبدا أحلى من الحب
نتعب نغلب نشتكى منه لكن بنحب
ياسلام ع القلب وتنهيده فى وصال وفراق
وشموع الشوق لما يقيدوا ليل المشتاق
يا سلام ع الدنيا وحلاوتها فى عين العشاق
مؤمن :- هيييييييييا ايه الجمال ده يا حاج ده انت خلتنى احب على نفسى وانا واقف
سعيد :- انت ازاى تدخل اوضت اختك من غير ما تستأذن
مؤمن :- ليه هى كانت اوضت مين يعنى علشان استأذن وبعدين ما انتو اللى سيبين الباب مفتوح وحسيت بمغناطيس بيشدنى على هنا لما سمعت كلامك عن الحب قولت اكيد دى فقرة انا والنجوم وهواك لاسامه منير قولت الحق الفقره من اولها
داليا :- والله اطلع بره يالا
مؤمن :- اصل هقولكم كنت قاعد لوحدى كده زهقان شيطان يوزك لسكه شمال يقعد يقولك العب يالا العب يلا وقعد يرقص
داليا :- يخربيت عبطك وهبلك امشى بره بقولك
سعيد :- امشى بره يا اخرة صبرى
مؤمن :- اخرة صبرى ولا سمير صبرى هههههههههه هموت مش قادر يخربيت خفة دمى عسل يا مؤمن عسل
داليا :- عسل اسود على دماغك
مؤمن :- عسل اسود ده الفيلم بتاع احمد حلمى صح هههههههههههه لالالا دى جامده اوى هههههههههه
داليا :- بابا شوف صرفه معاه انا مش طايقه نفسى
مؤمن :- ولما انتى مش طايقه نفسك احنا هنطيقك ازاى هههههههه لالالا دى جاحده بقى قصف جبهه ايه يا لهوى عليا يا ناس
داليا :- بصوت عالى اطلع برررررررررررررره
مؤمن :- احم طيب بتزعقى ليه ما تقولى براحه اطلع بره وانا هطلع علطول تصبحو على خير بقى معلش مش هقدر اسهر معاكم وخرج من الاوضه وسابهم
داليا :- يخربيت رخامتك يا اخى
مؤمن :- رجع تانى وقال بتنادى
داليا :- مسكت المخده وحدفتها عليه وقالت امشى ياغلس
مؤمن :- طلع يجرى وهو بيضحك ودخل اوضه
داليا :- بنأدم فصيل ها يا بابا كمل كلامك
سعيد :- بس يا حبيبتى كلام ام كلثوم لخص كل اللى عايزه اقولو ليكى الحب حلو اوى وبيحلى كل شئ فى عيونك
داليا :- بس لما يكون من الطرفين انا حاسه ان ادهم عايز يتجوزنى حب امتلاك مش اكتر عامل شبه الطفل لما بيتعلق باللعبه الجديده ويبقى عايزها معاه فى كل حته ولما تطلع لعبه احدث واحلى يرمى القديمه ويجرى يشترى الجديده اهو ادهم كده فرحان بيا علشان لسه جديده معاه بس مجرد ما يقابل واحده تانيه هيرمينى ويجرى وراها يا بابا
سعيد:- غلطانه يا حبيبتى ادهم تعب وهيتعب لحد ما يوصلك وعلشان تعبه ده هيحافظ عليكى وبأيدك انتى تخليه يشوفك كل الدنيا أو تخليه يمل منك ويدور على غيرك
داليا :- يا بابا انا مش عايزه كده عايزه داليا اللى مفيش حد يقدر يشغلها عايزه داليا اللى اى راجل بالنسبه ليها هوا انا حاسه نفسى انى مش انا حاسه بقيت واحده تانيه يا بابا انا وصلت لمرحلة انى بتخيله قدامى وبيكلمنى وبكلمه انا مش حابه شخصيتى دلوقتى انا عايزه ارجع داليا بتاعة زمان يا بابا
سعيد :- الحب عامل زى الادمن لما بيدخل القلب صعب تطلعيه منه وعلاجه مش هتقدرى عليه ومهما تحاولى هترجعى ليه من تانى
داليا :- يا ريتنى ما شوفته ولا قابلته يا بابا ياريتنى
سعيد :- استهدى بالله كده وقومى صلى ركعتين استخاره واللى فيه الخير يقدمه ربنا
داليا :- حاضر يا بابا
سعيد :- وقف وقال تصبحى على سعاده وهنا يا حبيبتى وبسها من راسها وخرج وقفل الباب وراه
داليا :- اتنهدت وقامت اتوضت وصلت ركعتين استخاره وخلصت طفت النور ونامت على سريرها
~•~•~•~•~•~•~•~•~•~•~•~•~•
ادهم :- داليا يا داليا
داليا:- فتحت عينيها وقالت مين
ادهم :- انا يا داليا
داليا :- انت مين
ادهم:- انا ادهم
داليا :- ادهم ازاى لاء انت مش ادهم
ادهم :- لاء انا ادهم بس علشان الدنيا ضلمه مش شيفانى كويس تعالى معايا
داليا :- اجى معاك فين
ادهم:- تعالى بس متخفيش
داليا:- قامت معاه وخرجت من اوضتها وخرجت من باب الشقه ونزلت الشارع واول ما بصت فى وش الشخص ده لاقته ديب صرخت وطلعت تجرى وهو يجرى وراها تصرخ وتجرى وهو يجرى وراها لحد ما شافت باب خبطت عليه فتح ليها واحد مخبى وشه قالت
داليا:- ممكن تخبينى عندك فى ديب بيجرى ورايا
الشخص :- انتى مش عرفانى انا ادهم
داليا :- ا.ا.ادهم بس انت مخبى وشك ليه
الشخص :- ادخلى بس قبل ما الديب يجى
داليا :- ح.ح.حاضر ودخلت وقفلت الباب وراها
الشخص :- شال اللى على وشه
داليا :- اول ما شافت كده قعدت تصرخ وتقول ا.ا انت الوحش
الوحش :- حاول يهجم عليها بمخالبه بس طلعت تجرى ولاقت الديب واقف طلعت تجرى منه وبقى يجرى وراها الوحش والديب وهى تجرى وتصرخ وتنادى على ادهم لحد ما ظهر ليها ادهم بس كانت عينه مغطيها بحاجه
داليا :- طلعت تجرى عليه واترمت فى حضنه وقالت الحقنى يا ادهم ع.ع.عايزين يموتونى
ادهم :- رجع لواره وبعد عنها ومشى وسابها
داليا :- ا.ا ادهم انت رايح فين الحقنى يا ادهم
ادهم :- بقى يرجع لواره وهو عينه متغطيه ومش بيرد عليها وكل ما يرجع لواره كل ما النور يظهر اكتر من وراه
داليا :- الحقنى يا ادهم يا ادهم ادهمممممممممم وقامت مفزوعه وهى بتصرخ بأسم ادهم
سعيد:- جى يجرى هو ومؤمن ودخل قعد جنبها واخدها فى حضنه وقال مالك يا حبيبتى مالك
داليا :- وهى جسمها كله بيترعش ودموعها نازله منها ك.ك.كابوس يا بابا كابوس
سعيد :- استعيذى بالله من الشيطان الرجيم
داليا :- اعوذ بالله من الشيطان الرجيم اعوذ بالله من الشيطان الرجيم
سعيد :- بص لمؤمن وقال روح هات ليها شوية مايه بسرعه
مؤمن :- حاضر وراح المطبخ وجاب مايه لأخته واداها ليها
سعيد :- اشربى يا حبيبتى ومتخفيش
داليا :- بدموع ا.ا.ادهم يا بابا سابنى ومسألش فيا
سعيد :- ششششش ده حلم يا حبيبتى متخفيش نامى بس
داليا :- انا خايفه اوى يا بابا خليك جنبى
سعيد :- قعد جنبها واخدها فى حضنه وقعد يمشى أيده على شعرها وبص لمؤمن علشان يروح ينام وقعد جنبها لحد ما الفجر اذن وعينيها راحت فى النوم نيمها على المخده وغطاها وبسها من راسها وخرج من الاوضه وقفل الباب وراه ودخل الحمام اتوضه ودخل اوضه صلى الفجر وقعد يقراه فى المصحف ويدعى لأولاده ربنا يحميهم ويحرسهم تملى من كل شر
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء الاسكندريه لتبدء منتهى بفتح عيونها على صوت تليفونها مدت ايديها واخدت التليفون وردت من غير ما تشوف مين وقالت
منتهى :- السلام عليكم
علاء :- وعليكم السلام ورحمة الله وبركاته
منتهى :- مين معايا
علاء :- انا علاء يا انسه منتهى انتى مش مسجله رقمى
منتهى :- علاء علاء مين
علاء :- هههههههه علاء الحناوى شكلك لسه نايمه
منتهى :- اول ما سمعت كده قامت نطت من على السرير وبصت فى التليفون لاقته اسم علاء ردت وهى متوتره وقالت ا.ا انا اسفه والله اصل رديت من غير ما ابص فى التليفون
علاء :- ولا يهمك بتحصل معايا كتير
منتهى :- احم خ.خ.خير حضرتك متصل فيه حاجه
علاء :- ايوه فيه موضوع حابب اتكلم معاكى فيه
منتهى :- موضوع ايه ده اتفضل حضرتك اتكلم
علاء :- مش هينفع فى التليفون ممكن اقابلك النهارده بعد الشغل نتغدا مع بعض فى مطعم ونتكلم فى الموضوع ده
منتهى :- اسفه بس انا مش بخرج مع رجاله غريبه
علاء :- ولا انا والله بخرج مع بنات ولا دى اخلاقى بس فعلا محتاج اشرح ليكى وضعى حاليآ مع اهلى والكلام ده مش هينفع فى التليفون علشان كده اتجرأة وطلبت منك الطلب ده
منتهى :- احم م.م.مش عارفه انا خايفه
علاء :- منى
منتهى :- لاء طبعآ بس خايفه حد يشوفنا ويقول لبابا
علاء :- لاء متقلقيش انا هكلمك الكلمتين ونتغدا مع بعض وهسيبك براحتك تروحى البيت
منتهى :- سكتت شويه وقالت بتوتر م.م.ماشى
علاء :- تمام هعدى عليكى بعد ما تخلصى شغل
منتهى :- م.م.ماشى
علاء :- فى رعاية الله مع السلامه
منتهى :- احم مع السلامه وقفلت التليفون وقامت تجرى بصت فى المرايا على وشها وحطت ايديها على قلبها وقالت اهدا فيه ايه مالك كده بدق جامد اوى لما سمعت صوته امال هتعمل ايه لما تشوفه وتقابله أهدى يا توته مقابلة النهارده زى شكة الدبوس أهدى كده وفكرى هتلبسى ايه وفتحت الدولاب طلعت فستان شيك ورقيق جدآ ومحترم وحطته على السرير ودخلت اخدت شاور واتوضت وخرجت لبست هدومها وأدت فرضها وخرجت من اوضتها
~•~•~•~•~•~•~•~•~•~•~•~•~•
فى فيلا خالد الحناوى
فى اوضت دينا
صحيت دينا على صوت امها وهى بتصحيها وبتقولها
إنعام :- قومى يلا اصحى علشان تلبسى طقم شيك وتيجى معايا
دينا :- اجى معاكى فين وايه البس طقم شيك دى
إنعام :- تيجى معايا النادى وتلبسى طقم شيك بلاش طقمت ستى دى اللى بتلبسيها
دينا :- والله هى دى طريقة لبسى وعجبانى ومن امته وانتى بتخدينى معاكى النادى
إنعام :- بلاش طريقه اخوكى أدهم فى الكلام دى فاهمه وقومى اعملى اللى قولتلك عليه
دينا :- مش عايزه اروح هو بالعافيه
إنعام :- اه بالعافيه وقومى يلا بدل ما اشدك من شعرك ادخلك الحمام
دينا :- مش رايحه يعنى مش رايحه
إنعام :- شدتها من شعرها وقومتها وقالت امشى انجرى قدامى
دينا :- دخلت الحمام وهى الدموع على خدها غسلت وشها واتوضت وخرجت أدت فرضها
أنعام :- خدى
دينا :- ايه ده
إنعام :- بنطلون جينز وبلوزه رقيقه من بتوعى البسيهم بدل فساتين العواجيز دول
دينا :- مستحيل البس كده انا هلبس الاستايل بتاعى المحترم إنما الجينز ده خليه للرجاله مش لينا
إنعام :- يووووووه بقى البسى اللى تلبسيه بس بسرعه اخلصى
دينا :- والله على مهلى انا لسه هصلى والبس براحتى مستعجله امشى انتى وسبينى
إنعام :- بصوت عالى هتخلصى لبس بسرعه وهتيجى معايا فاهمه وخرجت وسابتها
دينا :- نفخت وزقت البنطلون الجينز برجليها واتنهدت وصلت فرضها ولبست فستان شيك ورقيق وخرجت من اوضتها نزلت تحت
إنعام :- اخدتها بسرعه ومشيت قبل ما حد يصحه
وركبو العربيه وراحو على النادى وكانت المفاجئه لدينا
دينا :- انت ! انت بتعمل ايه هنا
تامر :- جاى علشانك لاقيتك مش سائله فيا جبت واسطه معايا امى
نيفين :- ازيك يا حبيبتى
دينا :- بقرف كويسه وقالت لنفسها يا زين ما اخترت وجبت معاك
تامر :- بتقولى حاجه
دينا :- ها ل.ل.لاء
نيفين :- لسه برضه مصممه تلبسى اللبس اللى مكبرك ده
دينا :- هو فعلا مكبرنى يا طنط بس مكبرنى درجات عند ربنا مكبرنى فى نظرى ونظر ت الناس ليا وده شرف ليا أن لبسى ده مكبرنى عن اذنك يا طنط وسابتهم وراحت قعدت على ترابيزه لوحدها
نيفين :- شايفين الوقاحه فى الرد عليا ازاى
إنعام :- انا اسفه يا نونه عيله ومندفعه فى الكلام
تامر :- بس انا مش شايف اى قلة ذوق فى كلامها باللعكس ردت عليكى بكل واحترام
نيفين :- والله بلاش تبقى مرمى عليها اوى علشان متتغرش فى نفسها
تامر :- بص لأمه بأستغراب من طريقة كلامها وقال عن اذنكم هروح اقعد معاها
إنعام :- اتفضل يا حبيبى روح انت عندها وبصت لنيفين وقالت أهدى يا نونه دى عيله مش عارفه بتقول ايه المهم الولاد اتجمعو مع بعض
نيفين:- الصراحه يا إنعام بنتك مش طالعه شبهك خالص لا جمال ولا ذوق ولا احترام فى كلامها
إنعام :- بكره لما تتجوز تعقل شويه
نيفين :- اه إن شاءالله وعوجت بؤقها
عند تامر ودينا
تامر :- راح عند الترابيزه اللى قاعده عليها دينا وقال ممكن اقعد
دينا :- لاء
تامر :- شكرآ وقعد
دينا :- بقولك لاء مش مسموح ليك تقعد
تامر :- عارف بس خلاص قعد ومش هينفع اقوم تانى
دينا :- خلاص خليك انا اللى هقوم ولسه بتقوم
تامر :- مسك ايديها وقال اقعدى يا دينا ارجوكى
دينا :- بصت على ايد تامر اللى ماسكه ايديها واتوترت وقعدت تانى على الترابيزه وقالت ن.ن.نعم افندم وسحبت ايديها
تامر :- اول مره تسمعى الكلام من غير مناهده
دينا :- ممكن تخلص وتقول عايز ايه
تامر :- عايزك انتى يا دينا عايزك ام لأولاده وانا يا ستى راضى بأى حاجه وإذا كان على القديم مليش دعوه بيه انا ليا من يوم ما عرفتك وشوفتك انا بالنسبه ليا ده اليوم اللى اتولد فيه من جديد
دينا :- تانى يا تامر
تامر :- مسك ايديها وقال بلاش ترفضى اكتر من كده لان رفضك ده من وراه قلبك لان عينك فضحاكى سيبى نفسك يا دينا علشان خاطرى وادينى الفرصه اللى هثبتلك بيها ان انا بحبك بجد ومستعد اعمل اى حاجه فى الدنيا فى سبيل نبقى مع بعض
دينا :- حاولت تسحب ايديها من أيده بس معرفتش وقالت تامر ارجوك بلاش تضغط عليا اكتر من كده سبنى براحتى بلاش شغل الظباط ده عليا مش مجرمه انا علشان تفضل محاوطنى كده وخايف لاهرب منك
تامر :- لاء انتى مجرمه وأكبر حراميه كمان
دينا :- بصدمه انا
تامر :- ايوه سرقتى قلبى منى ومش هاين عليكى كمان تبصى عليه ولا تهتمى بي يرضيك كده اهمالك لقلبى اللى سرقتيه
دينا :- ابتسمت وبصت الاتجاه التانى
تامر :- يا دين النبى هو فيه كده فى الدنيا يخربيت ضحكتك انا حاسس ان هيغمى عليا
دينا :- احم على فكره الناس بتبص علينا
تامر :- محدش ليه عندنا حاجه يا شيخه ده انا ما صدقت انك ضحكتى ونورتى ليا الدنيا كلها
دينا :- احم طيب ممكن امشى بقى
تامر :- خليكى شويه انا ما صدقت انك بدأتى تتكلمى معايا
دينا :- وآخرة القاعده ايه
تامر :- نتعرف على بعض اكتر نتفق مع بعض ايه الخطوه الجايه اللى مفروض نخدوها واهم حاجه نفطر احسن انا هسقط من الجوع
دينا :- هههههههههه مشكله همك على بطنك
تامر :- يعنى بذمتك حد يبقى قاعد قصاده القمر نفسه ومش هتتفتح على الاكل وياكل اللى فى المطعم كله
دينا :- هههههههه لا حكايتك جايه بخساره على الناس مش هيلاقو حاجه ياكلوها
تامر :- مش مهم اى حاجه فى الدنيا المهم انا وانتى ومسك ايديها وقال بحبك
دينا :- سحبت ايديها بكسوف ومردتش عليه
تامر :- انا مش مستعجل يكفى انك اول مره تسمعيها ومترفضهاش معنى كده انك اتقبلتيها منى وان شاءالله الخطوه الجايه اسمعها منك
دينا:- احم فين الاكل
تامر :- عنيا وطلب ليها الاكل وقعدو ياكلو مع بعض وطول ما هما قاعدين تامر منزلش عينه من عليها
~•~•~•~•~•~•~•~•~•~•~•~•~•
فى بيت سعيد
صحيت داليا وهى خايفه ومتوتره من الكابوس اللى شافته قامت دخلت الحمام اخدت شاور واتوضت وخرجت لبست هدومها وأدت فرضها وخرجت من اوضتها وقالت
داليا :- صباح الخير
سعيد :- صباح النور عامله ايه دلوقتى
داليا :- حاسه بشوية خوف بس الحمدالله
سعيد :- اذكرى الله طول ما انتى قاعده كده وربنا أن شاءالله هيطمن قلبك
داليا :- ونعمه بالله صحيح حمزه متصلش
سعيد :- لاء متصلش وقلقان اوى عليه
داليا :- النهارده هفضل اتصل بى لحد ما يرد عليا ويطمنا عليه
سعيد :- ياريت يا بنتى
وفى الوقت ده جرس الباب رن وقال سعيد افتح الباب يا مؤمن شوف مين
مؤمن :- وهو خارج من المطبخ ما الهانم قاعده جنبك ما تخليها تقوم تفتح ولا على رجليها نقش الحنه يعنى اكل وغسيل مواعين وكمان فتح الباب
داليا :- على فكره اللى واقف على الباب اتحنط خلاص ما تفتح واخلص يا ابنى
مؤمن :- فتح الباب وهو بينفخ وقال ادهم باشا اتفضل
ادهم :- سامع صوتك بتزعق يعنى
مؤمن :- من الغلب اللى انا فيه مشغلنى فى البيت ده شغل عبيد وربنا
ادهم :- لعب فى شعره وضحك وقال معلش اجمد يا بطل
مؤمن :- لاء بطل ايه ده انا محصلتش سوسن اتفضل ادخل
سعيد :- مين يا ابنى
مؤمن :- انت لسه فاكر الراجل بقاله ساعه واقف على الباب خطيب بنتك
داليا :- كانت بتشرب مايه واول ما سمعت كده شرقت وقعدت تكح
مؤمن :- يا مسهل خليها تطلع وتريحنا
داليا :- بعد ما شربت المايه قالت هى ايه اللى تطلع
مؤمن :- روحك
سعيد :- اتلم يا ولا وبص لادهم وقال تعال يا ابنى اتفضل
ادهم :- معلش بس جاى اخد داليا معايا فى مشوار
داليا :- اتصدمت وبصت ليه وقالت داليا مين
مؤمن:- وصلت الغباء اشتغلت اهى هو مين هنا اسمه داليا انا مثلا
ادهم :- ضحك على كلام مؤمن وقال فى دى عندك حق
داليا :- ههههه خفه وهنروح فين إن شاءالله
ادهم :- بصلها ومردش عليهاوبعد كده بص لسعيد وقال ها قولت ايه
سعيد :- مفيش مانع يا ابنى بس اتفضل ادخل خد نفسك
ادهم :- علشان الوقت وبص لداليا وقال اتفضلى امشى
داليا :- مش لما اعرف الاول انا هروح على فين
ادهم :- لاء مش لازم تعرفى اتفضلى امشى
داليا :- بغيط صبرنى يا ربى ومشيت قدامه ونزلت وهى متغاظه
مؤمن :- قفل الباب وقال ذنب ناس بتخلصه ناس ودخل على المطبخ
سعيد :- ربنا يسعدك يا بنتى ويريح قلبك يا قادر يا كريم
~•~•~•~•~•~•~•~•~•~•~•~•~•
نزلت داليا وهى متعصبه من طريقة كلام أدهم ليها وركبت العربيه من غير ولا كلمه ونزل ادهم ركب العربيه ولسه هيمشى بيها
داليا :- ممكن اعرف احنا رايحين فين
ادهم :- لاء
داليا :- ليه أن شاءالله خطفنى
ادهم :- حاجه زى كده
داليا :- بقولك ايه يا تقولى رايحين فين يا هنزل من العربيه
ادهم :- شغل العربيه ومشى بيها من غير ما يرد عليها
داليا :- رد يا غلس
ادهم :- ششششش افصلى
داليا :- مش هفصل غير لما تقول احنا رايحين على فين
ادهم :- انتى كده بتعصبينى
داليا:- ولما تتعصب هتعمل ايه يعنى هتضربنى
ادهم :- وهو بيدوس على سنانه بغيظ اسكتى احسنلك
داليا :- لاء مش هسكت وورينى اخرك ايه يا تريح نفسك وتقولى رايحين على فين
ادهم :- وقف العربيه مره واحده قطعها ببوسه مفاجئه فى شفايفها
داليا :- اتفاجئت وقعدت تزق فيه
ادهم :- بعد عنها وهو نفسه سريع وقال بصوت واطى علشان لما اقولك تسكتى تسمعى الكلام وتسكتى
داليا :- ا.ا انت بنأدم قليل الادب ولسه هتفتح الباب وتنزل
ادهم :- مسكها من دراعها وشدها علشان تقعد بس وقعت فى حضنه وبصت فى عينيه وبلعت ريقها بصعوبه
ادهم :- بيبص فى عيون داليا ومشى أيده على كتفها براحه
داليا :- نفسها سرع واتوترت وبعدت عنه وبصت من الشباك وهى بتحاول تجمع جسمها المتخدر من قرب ادهم ليها
ادهم :- غمض عينه واتنهد وشغل العربيه ومشى بيها وبعد وقت وصل الجوازات وقال انزلى
داليا :- احنا جاين نعمل ايه هنا
ادهم :- اكيد مش معاكى جواز سفر
داليا :- لاء ليه
ادهم :- جاين اعملك واحد علشان ممكن يجى ليا شغل و احتاجك تسافرى معايا مش هعطل نفسى علشان خاطر عيونك اتفضلى انزلى
داليا :- احم م..م.ماشى ونزلت مع ادهم ودخلت تعمل جواز السفر ليها وبعد وقت خلصو واخدها ادهم وراحو على مطعم وطلبو اكل
ادهم :- كان سرحان فى البوسه اللى اخدها من داليا
داليا :- شكرآ تعبتك معايا
ادهم :- العفو
وفى الوقت ده جه الاكل وقعدو ياكلو مع بعض من غير ولا كلمه
داليا :- الحمدالله شبعت ممكن بقى تروحنى
ادهم :- لما تاكلى
داليا :- الحمدالله شبعت
ادهم :- كلى
داليا :- لاء
ادهم :- كلى
داليا :- لاء
ادهم :- بلاش تعصبينى انتى شوفتى حصل ايه فى العربيه انا ممكن اعملها قدام الناس عادى ولا يهمنى
داليا :- بكسوف احترم نفسك لو سمحت
ادهم :- ولو محترمتهاش ايه هيحصل
داليا :- معرفش سعتها ايه هيحصل
ادهم :- مسك حتة كفته وهى داليا بتتكلم حطها فى بؤقها
داليا :- انت يا بنأدم لم نفسك
ادهم :- لاء ولو مأكلتيش هأكلك انا بالعافيه
داليا :- هووووف بقى وقعدت تاكل
ادهم :- قعد يبص عليها وهى بتاكل بالغصب لحد ما خلصت ودفع الحساب ورجعها تانى البيت
~•~•~•~•~•~•~•~•~•~•~•~•~•
فى الجريده
دخلت منتهى وهى فرحانه وقالت
منتهى :- صباح الخير
فاطمه :- صباح النور وشك بيضحك لوحده ايه السبب انطقى واعترفى
منتهى :- احم علاء كلمنى الصبح فتحت عينى على صوته النهارده
فاطمه :- هييييييييح وايه كمان قولى
منتهى :- وبعد الشغل هيجى يخدنى بعربيته من هنا ونتغدا مع بعض
فاطمه :- لاء بتهزرى
منتهى :- والله زى ما بقولك طلب يقابلنى علشان عايز يكلمنى فى موضوع مينفعش يقولو فى التليفون
فاطمه :- ايوه بقى والهيييييح هيشتغل
منتهى :- هو انتى علطول كده بتهييييح
فاطمه :- دى مشاعر مكبوته يا بنتى لابن الورمه
منتهى:- مين ابن الورمه ده
فاطمه :- هيييييييييح العريس يابت افهمى وفى الوقت ده دخل أكرم وهو بيضحك على كلام فاطمه اللى سامعه وقال
أكرم :- السلام عليكم ههههههههه
فاطمه :- لاء بقى مش معقول كده اشمعنا انت اللى تملى تنط فى كلمة العريس
أكرم :- ولا اعرف بس شامم ريحه مش لطيفه
فاطمه :- وربنا ما منى انتى يا توته
منتهى :- بصدمه انا ايه
فاطمه :- الريحه اللى مش لطيفه دى منك انتى
منتهى :- ايه اللى انتى بتقوليه ده يا مجنونه
فاطمه :- وانا مالى ما هو اللى بيقول
أكرم :- ههههههههههههههههههههه انتو مستحملين جنانها ده ازاى ههههههههههههه
منتهى :- اخدنا عليه خلاص هههههههههههه
فاطمه :- والله هتعملونى مضحكه ليكم ماشى وقامت وقفت وقالت انا هسيب ليكم المكان خالص وخرجت من المكتب
أكرم :- بنت المجنونه انا اصلا جاى علشانها عن اذنك يا انسه
منتهى :- ههههههههه ربنا معاك
أكرم :- نزل يجرى وراها وقال استنى يخربيتك قطعتى نفسى
فاطمه :- نعم عايز ايه جاى تكمل ضحكك عليا
أكرم :- والله انا بضحك على خفة دمك
فاطمه :- ولا على الريحه اللى مش تمام
أكرم :- هههههههههه انا اقصد يعنى الموضوع فيه حاجه غريبه كل مره اجى على كلمة عريس
فاطمه:- متقلقش اوى كده انت محطوط فى قايمه البلاك ليست يعنى القايمه السوده زى المخفى اللى كان خطيبى بالظبط
أكرم :- وانا اقول كل ما ارن عليكى يعمل معايا كده ليه
فاطمه :- هه خفه
أكرم :- اه خفه تنكرى عيون ملونه ودم خفيف وعضلات وشوية حاجات كده فوق بعضها
فاطمه :- دمك تقيل على فكره
أكرم :- ولما دمى تقيل كنتى عايزه تقطعى شفايفى بوس ليه ها وغمز ليها
فاطمه :- وشها احمر من الكسوف وقالت على فكره انت قليل الادب
أكرم :- هههههههه ايه ده انتى طلعتى بتتكسفى زى البنات اهو
فاطمه :- ليه حد قالك أن انا بخرج مع كل راجل شويه ما تحترم نفسك يا اخى وبعدين انت جاى ورايا ليه
أكرم :- قطع لسان اللى يقول عليكى كده ده انتى ست البنات كلها وبعدين انا جيت وراكى علشان انا جاى الجريده ليكى انتى
فاطمه :- ليا انا
أكرم :- ايوه
فاطمه :- خير
أكرم :- تتجوزينى
فاطمه :- ها
أكرم :- ت.ت.ج.و.ز.ي.ن.ى وسكت فاجئه وقال فاطمه
~•~•~•~•~•~•~•~•~•~•~•~•~•
بقلمى #دودومحمد