روايات طويلة

تمرد صحفيه الفصل الخامس العاشر

✍️⁩تمرد صحفيه⁦✍️

🌻الفصل الخامس عشر🌻

فى فيلا خالد الحناوى

فى اوضت دينا

صحيت من نومها على صوت تليفونها بصت فيه لاقته رقم تامر قفلت الصوت واتنهدت وقامت من على سريرها دخلت الحمام اخدت شاور واتوضت وأدت فرضها واخدت تليفونها بصت فيه لاقت رساله من تامر فتحتها وكان مكتوب فيها

تامر :- دينا ارجوكى ردى عليا انا مش عارف ايه حصلى بقيت مدمن صوتك ونظرة عيونك انا عمرى ما كنت أتخيل أن اقع فى الحب بالطريقه دى بس انا بعترف يا دينا بمشاعرى ليكى انا بحبك بجد يا دينا بحبك كلك على بعضك الظروف اللى جمعتنا عمرها ما هتكون سبب للبعد بلعكس دى هتكون سبب نتمسك ببعض اكتر نشكر الظروف دى اللى جمعتنا مع بعض كانت اشاره من ربنا لينا اننا احنا سند بعض احنا شخصين بقلب وعقل واحد ادينى فرصه لو صغيره اثبت حبى ليكى وان انا عمرى ما هكون الشخص اللى كنتى تعرفيه قبلى وعمرى ما هبص لغلطه ملكيش يد فيها احنا كلنا بشر وكلنا بنغلط والله لا يكلف نفس الا وسعها انتى تعبتى كتير بسبب واحد زى ده خلينى انا بقى اعوضك التعب ده انا اوعدك مش هضيقك تانى بس ردى عليا برساله لو موافقه تدينى فرصه هكون اسعد راجل فى الدنيا لو مش موافقه ردى برضه برساله وانا اوعدك هبعد عن حياتك خالص
دينا :- حضنت التليفون وهى دموعها نازله منها وقالت صعب يا تامر صعب اقبل اعيش مع انسان طيب زيك وانا واحده سهله انت تستاهل واحده احسن منى بكتير وفى الوقت ده سمعت صوت خبط على بابها مسحت دموعها وقالت ادخل
ادهم :- فتح الباب ودخل وقال صباح الخير يا حبيبتى
دينا :- صباح النور بس ايه حصل فى الدنيا ادهم صاحى بدرى ونازل الشغل من غير ما حد فينا يتعب ويصحيه لاء ده الموضوع كده فيه ان
ادهم :- متحاوليش تتوهينى علشان مسألكيش مالك
دينا :- ها ق.ق.قصدك ايه
ادهم :- قصدى العيون الحلوه دى كلها دموع ليه حد فى البيت ده زعلك
دينا :- لاء مفيش حد زعلنى بس كل الحكايه أن انا لسه صاحيه من النوم
ادهم :- باين اوى انك بتكدبى بس هسيبك براحتك لو حبيتى تيجى تحكى حاجه ليا انا هفضل جنبك ومعاكى طول الوقت
دينا :- ربنا ميحرمنيش منك يارب
ادهم :- بسها من راسها وقال ولا منك يا حبيبتى ومشى لحد الباب
دينا :- بهزار بس برضه مش هسكت غير لما اعرف مين السبب وراه النشاط ده كله
ادهم :- محدش يقدر يعرف حاجه عنى غير بأمرى يا قطه وبعت ليها بوسه فى الهوا ونزل تحت وكان كلهم قاعدين بص ليهم من غير ما يكلم حد فيهم وبص لفادى وقال يلا بينا
فادى :- يلا بينا فين انا لسه جعان اصبر شويه
إنعام :- سيب ابنى براحته لما يخلص اكله
ادهم:- محدش وجهه ليكى كلام
إنعام:- مش ابنى ده وبعدين بلاش طريقتك المستفزه دى فاهم
ادهم:- ما هو اخويه برضه وانا مديره فى الشغل ياريت متدخليش فى اللى ملكيش فيه وهى دى طريقتى اذا كان مش عجبك ولسه هيمشى
علاء:- استنا يا ادهم عايز اتكلم فى موضوع ولازم تكون موجود فيه
ادهم :- طيب قول بسرعه
علاء :- انا شوفت بنت ومعجب بيها وعايز اروح أتقدم ليها
سندس :- الله يعنى هيكون عندى اتنين مراتات اخواتى فى وقت واحد انا فرحانه اوى
إنعام:- اخرسى خالص وبصت لعلاء وقالت بنت مين من عيلة ايه
علاء :- انا سألت عليها لاقتها من عيلة متوسطه الدخل بس الناس كلها بتشهد بأهل البنت دى وبيحلفو بتربيتها وبأحترامها
إنعام :- يعنى ايه بنت فقيره
فادى :- وفيها ايه الفقر مش عيب على فكره المهم الاخلاق والتدين
إنعام :- اسكت انت بلاش كلام الناس العواجيز ده لازم الواحده تكون من عيله كبيره ومستوى وبصت لادهم بقرف وقالت ولا هى عاده فيكم تروحو تخطبو زبالة المجتمع
ادهم :- داس على سنانه وبصلها بقرف وبعد كده بص لعلاء وقال شوف حابب تروح امته وانا هاجى معاك
إنعام :- وانا مستحيل اوافق على البنت دى لو عايز تتجوز اصبر اشوف ليك واحده من عيلة كبيره ومستوى راقى
علاء :- يا ماما انا عجبانى البنت ومش عايز غيرها
إنعام :- وانا بقولك مستحيل الكلام ده يحصل انا امك وعارفه مصلحتك
علاء :- وانا مش عيل يا ماما وعارف مصلحتى كويس وشايف أن البنت دى انسب واحده ليا
إنعام:- خالد انت ساكت ليه ما تقول حاجه
خالد :- وقف وقال انا ماشى مش فاضى لكلامكم الاهبل ده
أنعام:- خالد انت رايح فين كده ما تشوف موضوع ابنك ده
خالد :- انا دماغى فيها مليون شغلانه مش فاضي انا يتجوز دى وميتجوزش دى وسابهم ومشى
ادهم :- بص على ابوه وهو ماشى بأستغراب من ردة فعله وقال علاء انا ماشى وشوف هتعمل ايه وبلغنى فى التليفون
علاء :- ماشى
ادهم :- اخد فادى ومشى وساب علاء وإنعام يتكلموا فى موضوع الجواز
إنعام:- لو فكرت تكسر كلامى يا علاء قلبى مش هيسامحك ابدآ
علاء :- يا امى علشان خاطرى انا مش عايز ارتكب ذنب كبير واعصى كلامك وحياة اغلى حاجه عندك وافقى
إنعام :- واقفت وقالت مستحيل لو عايز قلبى يغضب عليك روح اتجوزها لكن أنا عمرى ما هوافق على واحده زى دى فاهم وسابته ودخلت اوضتها
علاء :- اتنهد وقال اعمل ايه انا دلوقتى مقدرش اغضب امى وفى نفس الوقت مقدرش ابعد عن منتهى انا ما صدقت ربنا بعت ليا واحده زى دى يارب حلها من عندك وقام خرج راح على الشركه بتاعته
~•~•~•~•~•~•~•~•~•~•~•~•~•
عند فاطمه

كانت رايحه تركب تاكسى علشان تروح الجريده عربية فرملت عليها اتخضت وغمضت عينيها بخوف وقالت
فاطمه :- يارب يكون عريس انا راضيه تكون دى البدايه بس فتحت عينيها لما سمعت صوت ضحكة راجل واتصدمت وقالت انت
الشخص :- لسه مجنونه زى ما انتى يا طمطم
فاطمه :- انت ايه رجعك تانى ابعد عن سكتى يا رامى
رامى :- انا عارف انك زعلانه منى من اللى عملتو معاكى بس حبى ليكى وغيرتى عليكى كانت مخليانى شخص مجنون بغير عليكى من الهوا الطاير كنت بشك أن اى حد بيكلمك يبقى عايز يخدك منى كل اللى عملتو فيكى ده بدافع الحب يا فاطمه
فاطمه :- بدموع انت بنأدم مريض بالشك كنت بتعذب فيا خلال فترة خطوبتنا وكنت بستحمل واقول يا بت ده بيحبك وبيغير عليكى علشان كده بيعمل كده فيكى بس فى الآخر طلعت واطى وطلع دى قلة ثقه منك فيا طلعت بنأدم شكاكك علشان انت واحد زباله ووسخ علشان كنت بتخونى من غير ما اعرف مفكر أن هعمل زيك واخونك وفى الاخر ظلمتنى وقولت أن انا بقابل شاب غيرك وخونتك منك لله على اللى عملتو فيا والتعب النفسى اللى سببته ليا بعد اللى حصل منك عمرى ما هسامحك ابدآ يا رامى ابدآ
رامى :- اى واحد مكانى كان هيشك يا فاطمه لما يشوف خطيبته قاعده فى كافيه مع شاب غريب
فاطمه :- انا صحفيه يا رامى يعنى وارد جدآ أن اقابل ناس معروفه فى المجتمع فى أماكن عامه واعمل معاهم حوار صحفى واللى انت شوفته معايا ده كان كاتب روائى وكنت بعمل معاه حوار لجريده وانا قولتلك الكلام ده قبل كده لكن انت مصدقتش وطلعت عليا كلام بالباطل
رامى :- قولتلك عملت كده بدافع الحب والغيره
فاطمه :- انت عايز ايه منى تانى
رامى :- نرجع لبعض انا مش قادر اعيش من غيرك ولا شايف غيرك قدامى
فاطمه :- مستحيل ده يحصل لو انت اخر راجل فى العالم ده كله برضه مش هتجوزك
رامى :- انا اسف يا فاطمه ارجوكى سامحينى وانا بقيت واحد تانى خالص غير اللى انتى تعرفيه غيرت من نفسى علشانك انتى
فاطمه :- لو سمحت ابعد عن طريقى وملكش دعوه بيا تانى فاهم ولسه هتمشى
رامى :- مسكها من دراعها وقال فاطمه استنى بس فى الوقت ده لاقه حد بيضربه بالبوكس فى وشه
فاطمه :- اتخضت وقالت انت
أكرم :- انت بضايق الانسه دى ليه يا حيوان
رامى :- وانت مالك دى خطيبتى
أكرم :- بصلها وقال خطيبك
فاطمه :- كان خطيبى ومحصلش نصيب
رامى :- وهو حاطط أيده مكان الضربه قال بس هنرجع لبعض تانى
فاطمه :- كداب بعينك ده يحصل
رامى :- فاطمه انا بحبك ارجوكى سامحينى
أكرم :- مسكه من هدومه وقال انت ايه مش بتفهم بتقولك مستحيل ترجعلك تانى ابعد عنها بدل ما اخليك تندم على اليوم اللى جيت فيه الدنيا
رامى :- وانت مالك انت واحد بارد بجد ده موضوع يخصنا احنا اطلع منها انت
فاطمه :- لالالا اوعى تطلع منها انت ادخل واقعد وربع كمان براحتك على فكره
أكرم :- وهو بيكتم ضحكته على كلام فاطمه بص لرامى وقال اياك تفكر تقرب من الانسه تانى علشان لو فكرت تعمل كده هيكون اخر يوم فى عمرك اتفضل يا ننوس عين امك اركب عربيتك ومشوفش وشك هنا تانى وساب هدومه وزقه
رامى :- ماشى يا فاطمه متفكريش ان انا هبعد عنك وهسيبك بسهوله كده وانت حسابك معايا بعدين مش دلوقتى وراح ركب عربيته ومشى بيها
فاطمه :- بصوت واطى تسلم يا وحش يا اخواتى يا ناس على الحمش
أكرم :- ههههههههههه مجنونه فى كل اوقاتك حتى وانتى مضايقه سمعتك على فكره
فاطمه :- احم ش.ش.شكرآ على وقفتك جنبى
أكرم :- العفو يا ستى عدى الجمايل بقى
فاطمه :- احم عن اذنك ولسه هتمشى
أكرم :- استنى يا انسه
فاطمه :- ايوه
أكرم :- تعالى اوصلك
فاطمه :- لاء شكرآ مش بركب مع حد غريب ومشيت خطوتين ورجعت تانى وقالت صح هو انت كنت هنا بتعمل ايه
أكرم :- ها ص.ص.صدفه كنت معدى من هنا وشوفتك واقفه مع الشاب ده وماسك دراعك قولت ده حد بيعكسك فنزلت وجيت ليكم
فاطمه :- اه ماشى ومشيت خطوتين ورجعت تانى وقالت ومن امته وحضرتك بتعدى من هنا
أكرم :- ها ا.ا.اول مره اعدى من هنا
فاطمه :- ماشى ومشيت خطوتين لقدام ورجعت تانى ولسه هتتكلم
أكرم :- لاء ما هو يا تيجى اوصلك واسألى براحتك يا تمشى من سكات وتخلينى امشى علشان اشوف اللى ورايا
فاطمه :- احم لا اتفضل حضرتك امشى انا قولت اشكر حضرتك لآخر مره وسابته ومشيت وهى بتقول لنفسها يخربيت كده حلاوه وجمال وعيون ملونه وجدع وشهم وبصوت عالى قالت هيييييييييييح اوعدنا يارب بواحد قمر شبه كده
أكرم :- فضحتى نفسك على فكره انا سمعتك
فاطمه :- طلعت تجرى من الكسوف وقفت تاكسى وركبته وراحت على الجريده
أكرم :- ههههههههههههه مشوفتش حد كده فى حياتى ابدآ وركب عربيته ومشى بيها على الشركه
~•~•~•~•~•~•~•~•~•~•~•~•~•
فى بيت سعيد

صحيت داليا من نومها وبصت على الجرح اللى فى ايديها وافتكرت لمست ايد ادهم ليها ولهفته عليها لما اتجرحت وقالت وهى بتبتسم
داليا :- ايه يا دودى شكل أدهم الحناوى وقع ولا ايه لهفته وخوفه عليكى مكنتش طبيعيه ولا عليه ضحكه توقع القلوب كلها فى حبه انا عرفت دلوقتى معنى كلمات اغنية سعاد حسنى يا واد تقيل دى كأنها معموله علشانه هو وبعدين سكتت وقالت مالك يا داليا ايه فوقى انتى خلاص حبتيه نسيتى عمل فيكى ايه ونسيتى السبب الرئيسي اللى متجوزاه علشانه فوقى يا داليا فوقى ادهم عمره ما هيكون ليكى ولا عمره ما هيفكر فيكى مجرد ما يمتلكك هيفرح بيكى شويه وبعد كده هيرميكى ويروح يدور على غيرك بلاش تعشمى نفسك على الفاضى وغمضت عينيها واخدت نفس عميق وخرجته بهدوء وقامت دخلت الحمام اخدت شاور واتوضت وخرجت لبست هدومها وأدت فرضها وخرجت من الاوضه بتاعتها وقالت صباح الخير
سعيد:- صباح النور يا حبيبتى ايدك عامله ايه دلوقتى
داليا :- بصت على الجرح ومسكته بأيديها التانيه وقالت الحمدالله يا حبيبى انا كويسه
سعيد :- يارب يا حبيبت بابا تكونى تملى كويسه وبصحه جيده
داليا :- ويديك الصحه يارب يا بابتى تصدق أن حمزه واحشنى اوى
سعيد :- ومن سمعك انا هتجن عليه من يوم ما مشى ومتكلمش غير مره واحده يطمنا عليه ان هو وصل ومن ساعتها متصلش تانى
داليا :- استنا هتصل بى انا ومسكت تليفونها طلبت رقم حمزه واتصلت عليه وانتظرت الرد لكن بعد محاولات كتيره مردش عليهم
سعيد :- سبيه يا حبيبتى براحته يمكن كان شغال لصبح ونام وانتى عارفه نوم اخوكى عامل ازاى
داليا :- انت هتقولى ده انا واحشنى مقالبى فيه وهو نايم ربنا يجيبه بالسلامه يارب
سعيد :- يارب يا حبيبتى
مؤمن :- وهو خارج من المطبخ ومعاه طبق الفول غنى وقال سالمه يا سلامه روحنا وجينا بالسلامه
سعيد :- خلى بالك يا اخرة صبرى الطبق هيوقع من ايديك
مؤمن :- متقلقش كده يا بابا ده طبق فول هوا بالنسبه ليا وبعدين حتى لو وقع متقلقش الشغاله الفلبينيه هتمسحوا علطول امته يجيلى عدلى واتجوز وارتاح من الهم ده ياربى
داليا :- هههههههههههه شكلك هتعنسى يا سعديه هههههههههههههه
مؤمن :- فشر ده انا هيموتو عليا بس النفس يا اختشى
سعيد :- استرجل يالا العن ابوك ولد ابن كلب صحيح
مؤمن :- اعملك ايه يا حاج ما انت اللى مستخسر حق ازازة البيريل وبعدين لو سمحت متغلطش فى بابى علشان لو سمعك هيزعل اوى وحط طبق الفول على السفره وراح يجيب باقى الاكل وقال وهو ماشى اه ضهرى قطيعه محدش بياكلها بساهل وطلع يجرى
سعيد :- امشى يا ابن الكلب
مؤمن :- رجع تانى وقال مش عجبك طلقنى ودخل يجرى المطبخ
داليا :- ههههههههههه هموت مش قادر ابنك ده مشكله
سعيد :- ده هيجننى ربنا يهديه
داليا :- بعد الشر
مؤمن :- هو ايه اللى بعد الشر تقصدى بعد الشر أن ربنا يهدينى
داليا :- لاء اقصد بعد الشر عن جنان بابا
مؤمن :- حط الطبق وقال اه بحسب
داليا :- لاء أطرح يا اخويه وقعدت على الكرسى
مؤمن :- ايه يا حاجه هتعملى ايه اتحركى كده وتعالى جيبى معايا الاطباق ده انتى معندكيش دم صحيح
داليا :- اه تصدق رجلى مشنكله ومش قادره اقوم
مؤمن :- والله ماشى يا صحفيه فاشله
داليا :- امشى قال صحفيه فاشله قال ده انا اكبر صحفيه فيكى يا اسكندريه وهى بترجع لواره بأيديها وقعت بالكرسى فى الارض قالت اااااااه
مؤمن :- هههههههههههه اخرت الكذب يلا أما اروح اجيب بقيت الاطباق بقى ومشى وهو بيضحك على وقعت الكرسى بيها
داليا :- وقفت وقعدت تانى وقالت عيل رخم
سعيد :- مش عارف انا هتكبرو امته حاسس ان انا عايش مع اطفال فى الحضانه
مؤمن :- وهو بيحط الاطباق على السفره ويقعد على الكرسى قال قدرك بقى يا حاج انك تخلف اتنين زينا متخلفين هو فيه زى حمزه وحلاوة حمزه وأدب واخلاق حمزه وهدوء حمزه انت مجبتش غير حمزه وبس
داليا :- انت ليه محسسنى انك بتتكلم على حمزه تانى غير اللى نعرفه
مؤمن :- تنكرى أن هو هادى وراسى كده غيرنا خالص
داليا :- لاء منكرش بس دى كأبه ده بيعمل لضحكه حساب ويوم ما يغلط ويضحك تحصل مصيبه فى الدنيا
مؤمن :- ما زى خطيبك بالظبط يوم ما ضحك ايدك اتجرحت هههههههه
داليا :- هه خفه
سعيد :- كلو وبطلو لك
مؤمن :- حاضر ابابى
داليا :- حاضر وقعدو ياكلو وبعد وقت خلصو وكل واحد نزل مؤمن راح مدرسته وداليا راحت الجريده وسعيد قام ينضف البيت
~•~•~•~•~•~•~•~•~•~•~•~•~•
فى الصعيد

صحيت ميرفت من نومها وبصت حاوليها بخوف وفكرت نفسها موجوده فى بيت ابن خالها احمد وبعد كده افتكرت حمزه دموعها نزلت منها وقعدت على السرير وضمت رجليها عند صدرها وحطت راسها على رجليها وقعدت تعيط وفى الوقت ده الباب بتاع الاوضه خبط خافت وقالت
ميرفت :- م.م.مين
حمزه :- انا
ميرفت :- عايز ايه
حمزه :- خدى اكل
ميرفت :- مش عايزه
حمزه :- هو ايه اللى مش عايزه انتى مأكلتيش حاجه خالص من امبارح
ميرفت :- انا حره مش عايزه مليش نفس
حمزه :- هتقومى تخدى الاكل ولا افتح الباب وادخل عليكى الاوضه
ميرفت :- لالالا ثوانى متفتحش وقامت حطت الطرحه على شعرها وفتحت الباب وقالت انا مش عايزه اكل هو الاكل بالعافيه
حمزه:- اه الاكل بالعافيه لما تكونى قاعده فى بيتى ومأكلتيش ويحصلك حاجه انا اللى هتسأل عليكى
ميرفت :- لاء متقلقش هكتب ورقه وأقول إن انا المسؤوله عن كل حاجه حصلت ليا ممكن تسبنى بقى براحتى
حمزه :- بعصبيه مسكها من دراعها وقال انتى مالك بتتكلمى كده اتعدلى احسن اوريكى الوش التانى اللى مش هيعجبك
ميرفت :- بألم ودموع ااه دراعى اه ح.ح.حاضر هسمع الكلام
حمزه :- ساب دراعها وزقها وقعها على الكنبه وقال خدى كلى
ميرفت :- اخدت الاكل من أيده وهى دموعها نازله منها وقعدت تاكل وهى صعبان عليها نفسها
حمزه :- بصلها وهى بتاكل ودموعها نازله منها صعبت عليه وقال انتى بتعيطى ليه دلوقتى
ميرفت :- بدموع مفيش
حمزه :- طيب خلاص بلاش عياط
ميرفت :- بدموع ح.ح.حاضر
حمزه :- طيب ما انتى لسه بتعيطى اهو
ميرفت :- ممكن ادخل الاوضه لو سمحت عايزه ابقى لوحدى
حمزه :- خلصى اكلك وادخلى الاوضه براحتك
ميرفت :- بس انا شبعت
حمزه :- انتى مأكلتيش حاجه كلى شويه كمان
ميرفت :- بدموع ح.ح.حاضر
حمزه :- برضه مش ناويه تقولى ليا اتقابلنا فين قبل كده.
ميرفت :- هزت راسها بمعنى لاء
حمزه :- انا فاكر أن شوفتك قبل كده واتكلمت معاكى بس فين وأمته مش قادر افتكر
ميرفت :- وقفت وقالت عن اذنك انا داخله الاوضه
حمزه :- طيب ردى عليا
ميرفت :- مش عايزه اتكلم عن اذنك وسابته ودخلت الاوضه
حمزه :- مسك تليفونه وطلب رقم تامر وانتظر الرد
تامر :- حمزه واحشتنى والله القسم ملهوش طعم من غيرك
حمزه :- انت اكتر والله يا صاحبى عامل ايه
تامر :- اهو تمام
حمزه:- ايه عامل ايه مع البنت اللى عايز تخطبها
تامر :- لسه زى ما هى مش موافقه عليا وبحاول معاها ادعيلى يا صاحبى انا هموت عليها
حمزه :- ربنا يهديها وتوافق عليك ويسعد قلبك يارب
تامر :- ربنا يخليك يا حموزتى المهم عامل ايه فى الصعيد
حمزه :- اهو بحاول اتأقلم مع المكان والناس
تامر :- معلش هى فتره وهتعدى أن شاءالله وترجع تنور مكتبك من تانى
حمزه :- أن شاءالله ايه اخبار ادهم الحناوى
تامر :- ولا اعرف من يوم ما انت مشيت من هنا محدش يعرف عنه حاجه
حمزه :- ماشى المهم عايز منك خدمه
تامر :- ايه هى
حمزه :- هديك اسم تعمل عليه تحريات وتعرف كل حاجه عنه
تامر :- عيونى قول الاسم وبليل هيكون عندك كل حاجه
حمزه :- قدها وقدود بص هو اسم واحده
تامر :- ووووواحده هو انت لحقت علشان واحده توقعك
حمزه :- اتلم يا تامر واخلص
تامر :- ماشى قول الاسم
حمزه :-ميرفت ناصر ياسين محمد سنها اربعه وعشرين
تامر :- تمام بليل هيكون عندك كل حاجه عنها بالتوفيق يا صاحبى مع السلامه
حمزه :- قفل مع تامر وقال كلها ساعات واعرف كل حاجه عنك ده شكلك وطبيعتك بجد ولا بتمثلى عليا وقام دخل اوضه غير هدومه ونزل شغله
~•~•~•~•~•~•~•~•~•~•~•~•~•
فى شركة أدهم الحناوى

كان أكرم وفادى قاعدين فى مكتب ادهم
فادى :- انا لو اعرف ان الشغل راحه اوى كده كنت اشتغلت من زمان
أكرم :- ههههههههه راحه قلبك ابيض والله انت بس علشان لسه مبتدئ جديد فى الشغل مش عايزين نتضغط عليك ونشغلك وبعدين ادهم باشا هو اللى أمر بكده علشان متنشغلش عن دراستك
فادى :- والله يعنى انا شغلى هنا تحصيل حاصل بس
أكرم :- مش كده بس اى شاب لسه بدأ يشتغل مش بندوس عليه اوى بنخدها معاه واحده واحده متستعجلش بكره تكره نفسك من كتر الشغل
ادهم :- انتو هتقعدو هنا كتير ما كل واحد يروح على مكتبه
أكرم :- انا عن نفسى مش متحرك من هنا
ادهم :- ليه يا اخويه الدكتور قالك تقف فى حته فيها طراوه
أكرم :- بص ليه وافتكر لما فاطمه قالتها ليه وقعد يضحك
ادهم :- بص لفادى وبعدين بص لأكرم وقال وده من ايه
أكرم :- اصل سمعتها الجمله دى قبل كده بس كانت بطريقه كوميدى تفطسك من الضحك ههههههههههه
ادهم :- أكرم اطلع بره
أكرم :- اخس عليك يا قاسى وهان عليك تقولها
فادى :- اموت واعرف ازاى انتو أصحاب واحد جد اوى والتانى بيحب الهزار كتير فين الحاجه المشتركه ما بينكم
أكرم :- قول انت يا اخى انطسيت فى نظرى لما صاحبته بعيد عنك
فادى :- ههههههههههههه كان بدرى عليكى يا لوزه
أكرم :- شكلى خبط فى الحلل صح
فادى :- ايوآ
أكرم :- احم طاب يا ادهومتى انا رايح مكتبى عايز منى حاجه
ادهم :- بص ليه ومردش عليه
أكرم :- طايب شكلك مش عايز حاجه سلام وخرج من مكتب ادهم وراح مكتبه
فادى :- ههههههههه عسل أكرم ده
ادهم:- وانت كمان اتفضل روح مكتبك
فادى :- على فكره انت تتحب كأخ اوى إنما كمدير فى الشغل
ادهم :- امممم
فادى :- احم تتحب اكتر طبعآ وفى الوقت ده الباب خبط ودخل السكرتير بتاع مكتب ادهم الجديد وقال
السكرتير :- ادهم باشا فى واحده بره عايزه تقابلك
ادهم :- واحده مين دى
السكرتير :- بتقول بنت صاحب شركة السماح
ادهم :- ياااااه لسه فاكرين دخلها حالا
وشويه ودخلت بنت شديدة الجمال وملامحها رقيقه ووشها كله دموع
فادى :- اول ما شافها فتح بؤقه وسرح فى جمالها
ادهم :- اتفضلى يا انسه
رودينا :- أسمى رودينا بنت صاحب شركة السماح
ادهم :- اهلا وسهلا اتفضلى استريحى وبص لفادى وقال روح انت مكتبك
فادى :- على جثتى أخرج من هنا
ادهم :- نعم انت هتهزر
فادى :- ها لاء طبعآ بس عايز اقعد اكتسب خبره منك
ادهم :- بص ليه وقال طيب اقعد مسمعش حسك
فادى :- حط أيده على بؤقه بمعنى انه هيسكت خالص
ادهم :- ها اتفضلى يا انسه رودينا خير
رودينا :- بدموع حضرتك هتسجن بابا ظلم لأنه يوم تسليم الشحنه كان محجوز فى المستشفى علشان جاله غيبوبة سكر ومحدش فينا كان فاضى يتكلم يعتذر من حضرتك
ادهم :- والمطلوب رودينا:- ارجوك اتنازل عن الشرط الجزائى اللى مكتوب فى العقد لان احنا حاليآ مش معانا المبلغ ده وبابا مش حمل حبس والله تعبان جدآ
ادهم :- وبالنسبه للخساير الماديه اللى حصلت فى الشركه بسبب والدك
رودينا :- انا تحت امرك فى اى حاجه حضرتك تطلبها بس بلاش حبس بابا ارجوك
فادى :- خلاص بقى يا ادهم سامحهم كان غصب عنهم اهو
ادهم :- اخرس انت متتكلمش فاهم
فادى :- حاضر
ادهم :- انا مش فى ايدى حاجه اعملها ليكم الموضوع دلوقتى فى ايد المحامى والشؤون القانونية لشركه
رودينا :- لالالا ابوس ايدك بالله عليك بابا هيموت لو اتحبس يوم واحد فى الحبس
ادهم :- مش مشكلتى والله
رودينا :- وقفت وقالت بدموع شكرآ ليك بجد على ذوق حضرتك بس لو بابا حصل ليه حاجه بسببكم مش هرحم حد فيكم عن اذنكم وخرجت تجرى من مكتب ادهم وهى الدموع على خدها
فادى :- ايه يا شيخ معندكش رحمه البنت خايفه على ابوها
ادهم :- محدش قالهم يدخلو حاجه هما مش قدها
فادى :- بس ده مرض
ادهم :- مليش دعوه هما غلطو يدفعو تمن غلطهم وبعدين متدخلش فى اللى ملكش فيه فاهم اتفضل بقى على مكتبك
فادى :- حاضر عن اذنك وخرج من مكتب ادهم ونزل يجرى يشوف رودينا راحت فين بس ملاقهاش رجع تانى مكتبه وقعد على الكرسى يفكر فى الحوريه اللى شافها من شويه فى مكتب ادهم وقال يا ترى هشوفك تانى ولا لاء يا رودينا
~•~•~•~•~•~•~•~•~•~•~•~•~•
فى الجريده عند داليا

كانو التلاته قاعدين على المكاتب بتاعتهم وبيتكلمو وفاطمه قالت

فاطمه :- شوفتو اللى حصلى النهارده
منتهى :- ايه اللى حصل
فاطمه :- مش قابلت رامى النهارده
داليا :- لاء بجد وكان عايز منك ايه ده
فاطمه :- قال ايه مش قادر يعيش من غيرى وغير من نفسه علشانى
منتهى :- وانتى قولتى ليه ايه
فاطمه :- قولتلو لو هو اخر راجل فى العالم مش هتجوزه برضه
داليا :- جدعه يا بت اللى فيه طبع عمره ما هيغيرو وده بنأدم بيشك فى كل حاجه
فاطمه :- انا على قد ما بتمنى اتجوز دلوقتى قبل كمان شويه بس لو مفيش غيره انا عندى اعنس احسن فال الله ولا فالكم يعنى
منتهى :- هههههههه انتى تقدرى تعنسى يا طمطم
فاطمه :- لاء طبعآ هههههه وخدو الكبيره بقى
داليا :- ايه كمان
فاطمه :- تعرفو مين دافع عنى وضربه
منتهى :- مين
فاطمه :- أكرم
داليا :- اكرم أكرم مين ده
فاطمه :- أكرم شريك خطيبك
داليا :- وده ايه جابه عندك
فاطمه :- ولا اعرف انا فاجئه كده لاقيت حد بيضرب رامى بالبوكس فى وشه ووقف زى السبع كده وقال اياك تفكر تقرب منها هندمك على اليوم اللى اتولد فيه هيييييييح كان شبه حنفى الونش هييييييييح
منتهى:- قولتيلى يبقى كان بيراقبك شكله وقع فى حبك يا جميل
فاطمه :- بجد يسمع من بؤقك ربنا هيييييييييح
داليا :- ههههههههه وربنا لو انتى واكرم ده اتجوزتو هتبقو مسخره ده انا اول مره أقابله فيها فى مكتب ادهم كان فظيع وكنت بكتم ضحكتى بالعافيه على كلامه وانتى طبعآ غنيه عن التعريف
منتهى :- ههههههههههه ربنا يسعدك يا طمطم
فاطمه :- يا اختى اتنيلى منك ليها كنتو شفتو جه وطلب ايدى ربنا يهديك يا اكرم يا ابن ام اكرم وتيجى تخطبنى بقى
داليا :- يارب يا اختى وبعدين بصت لمنتهى وقالت وانتى علاء متكلمش معاكى تانى بعد ما اخد رقمك
منتهى :- للاسف لاء حتى استنيت تليفون منه بليل معبرنيش يأست ونمت يا اختى
فاطمه :- ده ايه رجالة اخر زمن دول ده احنا مفتحين عنهم وربنا بيتكسفوه اكتر مننا
داليا :- لاء اتكلمو عن نفسكم انا اللى معايا مش بيتكسف من حاجه خالص
فاطمه :- انتى هتقوليلى ده أدهم الحناوى سمعته سابقه يا حبيبتى يكفى سهره بليل فى الكباريهات مع البنات هههههههه
داليا :- بزعل والله عارفه مش محتاجه تعرفينى أن هو كده
منتهى :- أهدى يا داليا هى متقصدش هى بتهزر مش اكتر
داليا:- عادى يا توته مش زعلانه ووقفت وقالت انا هنزل اشرب اى حاجه فى الكافيه وجايه
فاطمه :- متزعليش منى يا داليا انا بهزر والله
داليا :- مفيش مشكله ونزلت وسابتهم
منتهى :- انتى ايه يا بنتى حماره مش بتفهمى مش تخلى بالك من كلامك شويه
فاطمه :- وانا قولت ايه يعنى ما الناس كلها بتتكلم عن أدهم ده وعن موضوع سهره بليل مع البنات
منتهى :- يا غبيه افهمى داليا حبت ادهم وحاجه زى دى تزعلها حتى لو هو كده فعلا بمعنى اصح بتغير عليه فهمتى يا جاموسه
فاطمه :- خلاص بقى لما تيجى ابقى اصالحها
منتهى :- ماشى شوفى شغلك وانتى ساكته
فاطمه :- ماشى وبدأت تشتغل
~•~•~•~•~•~•~•~•~•~•~•~•~•
فى النادى

كانت قاعده دينا وبتاكل مع صديقه ليها وبتتكلم معاها وفاجئه سكتت لما شافت تامر جاى عليها وقفت ولسه هتمشى
تامر :- دينا استنى عايزك
دينا :- تانى يا تامر مش قولتلك ابعد عن سكتى
تامر :- ما انتى مردتيش علي رسالتى الصبح
دينا :- يا ابنى افهم بقى انا منفعكش والله انت تستاهل واحده احسن منى
تامر :- مش عايز الاحسن عايزك انتى يا دينا
دينا :- لا يا تامر انا لاء افهمها بقى ولسه هتمشى
تامر :- وقف قصادها وقال ادينى رد مقنع لرفضك ليا وانا هبعد عنك نهائى
دينا :- بصت الاتجاه التانى وحبست دموعها فى عينيها وقالت انا مش ملزومه ابرر ليك حاجه
تامر :- يبقى مش هبعد عنك واسيبك
دينا :- انت حر بقى عن اذنك
تامر :- رايحه فين
دينا :- همشى اصل الجو هنا بقى يخنق ومشيت هى وصاحبتها وسابته لوحده
تامر :- برضه وراكى ومش هسيبك يا دينا غير لما تكونى مراتى وفى حضنى وقعد على الكرسى اللى كانت قاعده عليه دينا واتنهد وطلب واحد قهوه
~•~•~•~•~•~•~•~•~•~•~•~•~•
فى الكافيه

كانت قاعده داليا فى الكافيه وبتفكر فى كلام فاطمه ليها وحست انها غيرانه لمجرد التفكير أن أدهم بيكلم واحده غيرها وبعدين قالت لنفسها
داليا :- انتى غيرانه ليه ها ما انتى عارفه أن هو بتاع سهر وبنات كلام فاطمه جرحك ووجعك ليه اوى كده فوقى يا داليا علاقتك بادهم دى مجرد مساعده اوعى تتجنى وتحبيه عمر ما ادهم ينفعك ولا انتى تنفعيه فوقى يا داليا بس فى الوقت ده اتفاجئت بأدهم واقف قصادها دعكت عينيها علشان تتأكد أنه حقيقي مش بتحلم وقالت انت بتعمل ايه هنا
ادهم:- قعد وقال جاى ليكى
داليا :- ليا انا
ادهم :- ايوه علشانك انتى يا داليا انا بحبك
داليا :- بصدمه ب.ب.بتحبنى انا
ادهم :- ايوه من يوم ما قابلتك وانا مش شايف غيرك انتى خطفتى قلبى يا داليا وبحلم باليوم اللى هتكونى فيه مراتى ام عيالى
داليا :- ا.ا.انا مش مصدقه نفسى حاسه ان انا بحلم معقول يا ادهم تحبنى انا طيب والبنات اللى انت بتعرفهم
ادهم :- من النهارده خلاص عيونى مش شايفه غيرك انتى وبس يا قلبى
داليا :- بكسوف قلبك
ادهم:- قلبى وعمرى ودنيتى وكل حاجه حلوه فى الدنيا دى
داليا :- وانا بحبك اوى اوى يا ادهم وضحكت وغمضت عينيها وفتحتها ملاقتش حد قاعد معاها قالت ادهم يا ادهم وبصت فى المكان كله ملاقتش حد دموعها نزلت منها وحطت الحساب واخدت شنتطها وطلعت تجرى وقفت تاكسى وروحت على البيت
~•~•~•~•~•~•~•~•~•~•~•~•~•
بقلمى #دودومحمد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

عفوا أنتي تستخدمي إضافة Adblock

برجاء تعطيل إضافة Adblock حتي تتمكني من التصفح