نصائح مفيدة
أخر الأخبار

تربية ابنااااء

نصائح هامة في تربية الابناء

كل أم تاخد بالها

1 – متقعديش ولادك جمبك وانتي قعده مع حد كبير علشان هتلاقيه تلقائي كده ادخل ف الكلام وبيقول كلام أكبر من سنه ونرجع نقول انت بتكسفني قدام الناس وبتدخل ف اللي ملكش فيه
2 – علمي ابنك على القناعه مش كل اللي يطلبه مجاب افرضي يوم ممعكيش هتلاقيه زعل وشبط اكتر لأنه مش متعود على القناعه
3 – اوعي تدخلي طفلك بينك وبين باباه ابدا ولا روح قول ل بابا ماما بتقولك فين المصروف ولا اي كلمه طفلك هيتعود علي كده ومش هتعرفي تلمي بعدين والله خلي امورك بينك وبين جوزك عشان نفسيه ولادك هتتاثر اوعي تقولي ده صغير ده بسم الله ماشاء الله بيفهم اكتر مني ومنك عشان احنا ورانا ميت حاجه هو مورهوش غيرك

4 – ابنك على ما تربيه … الكلمه دي صح 100%والله
هتربي ابنك ميدخلش في اللي ملوش فيه عوديه لوحده كده لو حد جالك يدخل اوضته يلعب يتفرج علي تليفزيون اي حاجه المهم انو ميقعدش مع حد أكبر منه عييب
5 – لو ف مشاكل الدنيا بينك وبين جوزك بعد الشر حاولي تحليها بينك وبينه نادي ع جوزك ف الاوضه وقولي له تعالى نتكلم صالحك أو لاء يبقا بينك وبينه عشان نفسيه ولادك … عارفه انو صعب في أوقات كتير بس صدقيني هما اللي بيتاثروو مش حد تاني
6 – عودي طفلك لما حد يسلم عليه يسلم بأدب ومش يقول انا كويس يقول الحمد لله وميلعبش بحاجه مش بتاعته ولو عااايز حاجه يقول في ودانك ومره واحده بس ويسكت وفعلا لازم تكفأيه طبعاا اول ما تنزلي هاتي لو شوكلاته ب 2ج عشان يتعلم انو كل ما يبقا مؤدب هتجبيلو حاجه حلوه

7 – عودي طفلك يبقا نظيف ومنظم وانتي متستسهليش كل حاجه وروح هات البنطلون والبس ويبهدل الدولاب كلو عشان حضرتك واقفه مع ام حسن الدلاله وبتجبلك أخبار ام محمد والسبوع امتا ? هاتي لابنك أو بنتك صنيه الاكل وهما يناولوا معاكي الأطباق ووقفي بنتك جمبك وخليهاا تساعدك في غسيل المواعين هي هتبهدل مش هتساعد بس هتحس انهاا مسؤله وهتتعود ع النضافه يلعبووو ويلمو اللعب

8 – عودي اولادك لما يروحوا عند حد او معزومين علي الغدا مثلا او الفطار في رمضان ميقعدوش اول ناس يستنوا لما كلو يتجمع وبعدين يقعدوا ويبقوا جمبك ويكون براحه محدش بيجري وراهم ومش عايز ده ولا ده يا ماما لا عيييب احنا مش في بيتنا عوديهم علي كده ولو ابنك صغير وفي بيتك يمسك المعلقه وبتعوديه علي كده لا متعودهوش عند الناس حطي ابنك ع رجلك واكليه انتي بايدك وفصصي لأولاده وشبعيهم وبعد كده كملي اكلك عينك علي اولادك
9 – بتبقى مش معوزه ابنك حاجه ومش محروم بس مدلع زياده عن اللزوم ومتعود يأمر ويطاع اقسم ب الله هتندمي عودي ابنك ع انو يبقا مؤدب هيتكافيء مش هيسمع الكلام مفيش ولا اي حاجه حتي كيس الشيبسي يوم اديلو ويوم لاا عشان يتعود ع القناعه
10 – خدي ابنك في حضنك جامد وبوسيه اول ما يصحى و قوليلو انا بحبك اوي ونفسي تبقي احسن واحد في الدنيا خليه يبوس ايد باباه اول ما يدخل ويقلعه الكوتش بطلي عصبيه عشان هو هيطلع زيك علميه علي الطيبه وحب الناس متفرحيش انو يشتم عشان اول ما يشتم هيشتم أقرب حد ليه اختو ستو جدو ده مش دلع خالص دلعي ف اكل شرب لبس شتيمه لا
الكلام ده للولد والبنت وربنا يحميهم جميعا ويوفقهم يااااارب?

لو
شرفونا بالإنضمام لنا

تقييم المستخدمون: 4.5 ( 2 أصوات)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error:
إغلاق
إغلاق

عفوا أنتي تستخدمي إضافة Adblock

برجاء تعطيل إضافة Adblock حتي تتمكني من التصفح