بشرة وشعر

التنظيف بالزيت الافضل لبشرتك

التنظيف بالزيت الافضل لبشرتك

 

اهلا بيكم يا قمرات
مع موضوع جديد من موضوعات
العنايه بالبشرة
انهاردة هكلمكم عن طريقة جديدة لتنظيف البشرة
معظمنا بيستخدم الصابون او الغسولات الجاهزة او التونر
وفي اللى بتخاف على بشرتها قوي وبتكتفى بالميه هههههه
بتخاف لتعجز بسرعه من الكيماوى
ولها حق
الصابون يحتوى على مواد قلوية شديدة جدا
بتاثر مع الوقت على البشرة
وتسبب الجفاف والتجاعيد وايضا البقع السودا
ممكن واحدة مبتتعرضتش للشمس
ولا عندها اى شكوى جلدية
ومع ذالك تلاقى بقع سوداء في وشها او تبقى بشرتها باهتة
والسبب ممكن يكون في الصابون
او الغسول الطبى اللى بتستخدم

طيب هل في طريقة طبيعيه نقدر ننظف بها بشرتنا
ونحافظ على صحة وجمال الجلد ونستغنى بها عن الصابون والغسول
الاجابة نعم ؟

ف طريقة سهلة جدا وممتازة
لتنظيف الوجه خاصة وممكن الجسم كله
لكن الوجه بالاخص لان البشرة بتبقى حساسة قوي
فمحتاجين لشيء
ءامن
وفعال
ومطهر
ومرطب للبشرة
كمان ف الوقت
الا وهى

التنظيف بالزيت

سواء زيت الزيتون او اى نوع اخر ولكن الاول افضل طبعا
ما الذى تتميز به هذه الطريقة عن اخرياتها من طرق التنظيف ؟
تتميز بالاتى………………….

1-ترطيب البشرة والحفاظ عليها من الجفاف

الصابون زى ما قلت بيجرد البشرة من الزيوت الطبيعيه
نظرا لقلويته الشدييدة
اما الزيت حمضى الوسط تقريبا نفس درجة حموضة الجلد
لا تزيد عنها كثيرا فلا يسبب اى ضرر لا ستخدامه

2-مناسب لكل انواع البشرة

بالاسواق تلاقى غسول البشرة الدهنيه
واخر للجافة وثالث للمختلطة
وكلها لا تخلو من الكيماويات
اما الزيت مصدر طبيعي مناسب
لكل انواع البشرة حتى لو بشرتك دهنيه متخافيش من استخدام الزيت
لان عند ازالته من الجلد زى ما هنشوف في الطريقة
بيعمل على ازاله الدهون المتراكمة في المسام
والتى تسبب البثور السوداء
الزيت منظف للمسام وينقيها من الاعماق

3-يعالج حب الشباب
زى ما بيعمل الزيت على جذب الدهون الزائدة من المسام
بيعمل ايضا على جذب الاتربة والاوساخ العالقه بها وبالتالى تطهيرها من البكتريا
التى تسبب حب الشباب ودة ايضا من فوائده للبشرة الدهنيه على الاخص
لانه اكثر عرضة لحب الشباب فاالتنظيف
بالزيت
مش زى اعتقادنا انه لا يناسب اصحاب البشرة الدهنيه
على العكس تماما
بل هو الاكثر نفع لهذا النوع من البشرة

4- ازاله التوتر والاجهاد من البشرة

عن نفسي لما انظف وجهى بالزيت بحس بعد كدة ان وشى
رايق وصافى وبشرتى كدة مسترخيه بعد الشد والاجهاد
نفس احساسك لما تدهنى عضلات جسمك بالزيت
لو فيها اجهاد او تعب بتعملى مساج بالزيت تحسى
بالاسترخاء للعضلات ومرونتها وبيختفى الاحساس بالتعب والتوتر فيها
كذالك البشرة الزيت بيزيل اى توتر او اجهاد منهاا

5- مرونة البشرة وترطيبها
الزيت بيعمل على ترطيب البشرة والحفاظ على مرونتها
بعد تنظيفها بالزيت تلاقيها طريقة زى جلد الببيبي
بعكس الصابون العادي
بتحسى ان بشرتك شدة وجافة
ومحتاجة ترطيب
الزيت بينظف ويرطب ف وقت واحد

6- تنعيم البشرة وترطيبها بعمق

بعد ازاله الزيت من وجهك بتلاحظة النتيجة الفورية
بتلاقى بشرتك منتهى النعومة بعد تنظيف
عن نفسي لما اعمل تنظيف الزيت
ببقى سعيد ة جدا بالنتيجة بقعد طول الوقت
احسس علي بشرتى ههههههه
نعومة جميله ومريحة جدا بردو كانك بتملسي على جلد بيبي صغير
ايضا بيعمل على تجديد البشرة فالزيت مع البخار
زى ما هنشوف بيعمل كمنظف وف نفس الوقت مقشر خفيف
جدابيشيل طبقة من الجلد الميت التى تعلو سطح الجلد
وايضا ازاله الاتربة والاوساخ من البشرة
وكل ذالك طبعا بيساعد تنشيط الدورة الدموية للوجه وتجديد خلايا البشرة

7-توفير النقدية
اظن ان الميزة دى مهمة قوي اليومين
دول بالذات كل حاجة غليت خاصة الادويه ومستحضرات التجميل
زادوو الضعف ولا حول ولا قوة الا بالله
فبدل ما تروحى تشترى غسول ب30 ,40 جنيه كل اللى هتحتاجيه
معلقتين زيت
هتغسلي بها بشرتك احسن من
الف غسول

نيجي بقا للطريقة
سهلة جدا ومنعشة جدا جدا
كل اللى عليكي
هتدهنى وشك بالزيت وحتى حول العين بس ابعدى عن العين
حاولى متخليش الزيت يوصل لها بعدين الزيت يحرقك
هو مش هيضرك بس هيحرق العين
وهتدعي عليا
فبلاش الطيب احسن هههههههههههه
هتتركى الزيت دقيقة مع المساج ممكن تستغلى الفترة دى تعملى مساج للوجه
من اسفل لاعلى
العمليه دي بتساعد ع شد ترهلت
بشرة الوجه

بعد كدة هتجيبى فوطة قطن بأكد قطن ياريت
كل الاقمشة التى تحاكي بشرتك خاصة الوجه تكون من القطن الخالص مئه بالمئه
هو غالى لكن بشرتك اغلى حافظى عليها
قدر الامكان
هتبلى الفوطة بمية دافيه
تعصريها جامد وتحطيها على وجهك تتركيها 20 ثانيه تقريبا

بعد كدة تمسحى وجهك برفق بالفوطة لازاله اثر الزيت برفق جدا
متبقيش عنيفة مع بشرتك

بعد كدة تقدرى تنعشى البشرة بمية الورد او تمررى
قطعة ثلج لغلق المسام
المسام هتكون مفتوحة من البخار لازم تتقفل بعد التنظيف
عشان متسببش مشاكل

الفوطة السخنة لها اهمية كبيرة جدا مع الزيت
بتعمل على تفتيح المسام ووضعها لفترة بيسمح للزيت
ان يتغلل لاعماق المسام فيسحب الاتربه والدهون الزائدة
ومع ازالته بتم ازاله الاتربة والدهون المتراكمة بالبشرة
بعد ازاله الزيت بيكون في اثار له دقيقه جدا هذه الاثار
بتعمل على ترطيب البشرة وتتركها اكثر مرونة ونعومة

الخطوة دى ممكن تعمليها يوميا قبل النوم
مفيش منها اى مشاكل زى ما قلت ولو حتى بشرتك دهنيه متخافيش
مش هتسبب حبوب او دهون زيادة
وممكن تعتمدى عليها لازاله المكياج
من الوجه عامة
او حتى مكياج العيون
هى افضل طريقة طبيعيه
لتنظيف البشرة وازاله المكياج

يارب تكونو استفدتم
والى لقاء جديد مع موضوع جديد مفيد
ووصفة حصرية
مجربة وطبيعية
من وصفات البشرة
لاختكم ف الله “وفاء “

تقييم المستخدمون: 5 ( 1 أصوات)
إغلاق

أنتي تستخدمي إضافة Adblock

برجاء دعمنا عن طريق تعطيل إضافة Adblock