You cannot copy content of this page
الرئيسية أشهى الاطباق طريقة عمل عجينة الكريب

طريقة عمل عجينة الكريب

طريقة عمل عجينة الكريب

من الاكلات المحببة والذيذة ونقدر ننوع فيها كتير هى اكلة الكريب عجينة واحدة والحشوات كتير مختلفة والطعم كل

مرة بيختلف تماما طريقة العجينة سهلة جدا واليوم في مجلة زمردة هنقدملك طريقة عمل الكريب في البيت خطوة خطوة

تابعونى

المقادير :-

كوب ونصف دقيق

ذرة ملح

ملعقة سكر

كوب حليب

بيضة واحدة

 

طريقة التحضير:-

هننخل الدقيق علشان يعطينا نتيجه حلوة

هنحضر الخلاط وننزل البيضة نكسرها في الخلاط ونضيف ليها السكر  والملح

والحليب والدقيق نضيفه بالتدريج لغايه ما المكونات كلها تتجانس مع بعضها وتكون سايلة الى حد ما

بعد كده هنجيب طاسة تيفال او اى طاسة عندنا متوفرة وبقطنه بزيت ندهنها بسيط جدا

وبعد كده هنصب كمية بسيطة من الخليط ونقلبها باننا نمسك الطاسة نفسها ونحركها بحيث

الخليط يتفرد في الطاسه كلها نوطى النار ونقلبها بعد حوالي دقيقتين ونحركها في الطاسة

هنلاحظ طبقة الكريب بتتحرك معانا في الطاسة وكدا تكون تمام هنرفعها ونكرر الخطوات

في باقي الخليط لغايه مانخلص الكمية كلها بنفس الشكل

بعد كده هننتظر الكريب يبرد ونقدر نستخدمه او نحفظه في الفريزر

لو هنحفظه للاستخدام في وقت تانى او الكمية زادت معانا وعاوزين نحفظها

هنلفها رول مع بعض ونغلفها بكيس بلاستيك ونغلقه كويس جدا ونحفظها في الفريزر او الديب

المتاح عندنا المهم نغلقها كويس جدا علشان التلج يكو ن بعيد عن الكريب

وبالهنا والشفا

تعليق واحد

  1. كان نفسي اجربها من زمان وخايفة هجرب واجيلك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *